Optochreglement Kinjeroptoch en Groeëte optoch VV de Windjbuujels

Deilnimme.

• Kinjeroptoch: deilnimme is meugelik in de categorie Einlinge & Duo’s, Kleine groepe, Groeëte groepe en Joekskepelle. De kemissie bekiek veuraaf wie de verdeiling is van ’t aantal deilnimmers (en of ’t den eine kleine of groeëte groep is).
  Opsjtèlle op vastelaoveszondig vanaaf 13.00 oer oppe Pater Claretsjtraot in Óffebek.

• Groeëte optoch: Deilnimme is meugelik in de categorie Einlinge & Duo’s, Kleine groepe (2 t/m 8 pers.), Groeëte groepe, Praalwages en Joekskepele.
  Opsjtèlle op vastelaovesmaondig vanaaf 13:00 oer oppe Keulsewaeg.

Versie ‘normale opsjtèlling’.
De nummer ein (1) begint mèt opsjtèlle vanaaf de Paerssjtal richting de grens. Bie vertrek loupe de deilnimmers naeve de de Prinsewages met aanhang, muziekgezelsjappe en de Boerebroelof. Die sjtaon bie ’t veurmalige kerkplein van Óffebek en nimme dao ’t defilé aaf.

Versie ‘krangsom opsjtèlle’.
De nummer ein (1) begint mèt opsjtèlle vanaaf de kruutsing Keulswaeg-Theresiasjtraot-Beukelsjtraot; vanoet dao oploupend toet ’t hoeëgste nummer euver de Keulsewaeg richting de grens toet aan de Beatrixsjtraot. De Prinsewages mèt aanhang, muziekgezelsjappe en de Boerebroelof sjtaon bie ’t kerkplein van Óffebek en nimme dao ’t defilé aaf.

Route:
De route van alletwieë de optochte trek vanaaf de mert in Offebek, via de Keulsewaeg richting Riekswaeg en den nao ’t Raodhoesplein. De Kinjeroptoch trek den nag door via ’t sjtation nao de Sjakel, de groeëte optoch óntbindj zich oppe merret oppe Ruiver.

Jury kinjeroptoch:
De jury duit häör ieerste beoerdeiling tiedes ’t opsjtèlle tosse 13.00 en 13.30 oer oppe Pater Claretsjtraot. Daonao nag eine kieër tiedes de optoch. De priesoetreiking is nao de optoch in de Sjakel.

Jury groeëte optoch:
Idderein dae gezjureerd wilt waere en dus in de prieze wilt valle, waert verzóch via de Keulsewaeg nao de opsjtèlplaats te kómme (zeker asse ‘ne act haes), angers waert geur néét (volledig) gezjureerd. Tösse de St. Annasjtraot en de St. Theresiasjtraot sjteit de zjurie óm de ieërste indrök van uch idee en oetveuring op te vangen. Geur mót uch dao melle tosse 12:30 en 13:30 oer. Geur kent de zjurie hie uch ongerwerp dudelik make en uch ideeën op papier te zètte.

Optochreglement:

1. De Kinjeroptoch geit trekke óm 13.30 oer, de groeëte optoch óm 14.00 oer.
2. Alle deilnimmers motte de route volge via de waeg en moge neet door ’t publiek ’t trottoir of via de berm de route volge. Zorg veur voldoende aafsjtandj nao ’t veurgaonde nummer, maar laot gèn gate valle. ’t Is neet toegesjtaon óm tosse angere deilnimmers door te bewaege / rieje.
3. ’t Sjtruie van confetti en sjlók moog. ’t Sjtruie en sjmiete van anger grei, waodoor gevaor of sjaaj aan toesjouwers en/of eigendomme van toesjouwers kèn óntsjtaon, is verbaoje.
4. ’t Sjtruie van confetti of sjlingers mót daobie beperk zien ivm rómmel en euverlas, én mót bioligisch aafbraekbaar zien (dus zeker neet van plastic e.d.).
5. As ’t sjtruie tevuuël euverlas of vervuiling/rómmel veroorzaak, is de sjtruier verantjwaordelik en kèn aansjpraokelik waere gesjtèld door de gemeinte.
6. Knalapparate en ’t gebroek van anger apparate, die sjaaj kènne aanbringe aan de volksgezondheid zien néét toegesjtaon.
7. Vuurwerk is néét toegesjtaon!
8. ’t Verbranje van aafvalsjtoffe, waodoor hinjerlik en/of sjaajlike rouk of gaas vrie kump, is néét toegesjtaon.
9. ’t Meitrekke van bieëste (neet ziende trekpaerd) is néét toegesjtaon. Allein wannieër ’n bieës zoeë bepaolend is veur ’t óngerwerp, kèn dit bie insjrieving kenbaar gemaak waere. De optochkemissie bepaolt of ’t bieës waal of neet mei moog trekke. Meitrekke van aafval van bieeste of organe is néét toegesjtaon.
10. Bie ’t gebroek van zedekwetsende aafbeeldinge, veursjtèllinge of opsjrifte, ouch as dit ’n racistisch of discriminerend karakter haet of as get kwetsend is veur eine of mieër persoeëne, dit ter beoerdeiling van de optochkemissie, is deilname aan de optoch oetgesjlaote!
11. ’t Gebroeke of meiveure van waopes is verbaoje ingevolge de “wapenwet”.
12. Probeer gate in de optoch te veurkómme; dit is ech neet sjoeën veur ’t publiek en angere optochdeilnimmers. Haaj veurdrachte kort en loup door as det kèn.
13. Eise Voertuige:
    • Op of bie de wages moge gèn verpakkinge mèt brandjbare vloeisjtoffe aanwezig zien en d’r moog op gèn inkele meneer aope vuur waere meigeveurd in de optoch.
    • Idder “voertuig” en aanhenger det deilnimp aan de optoch mót in deugdelike sjtaot en constructie verkiere en mót waere besjtuurd door eine daotoe bevoegde persoeën.
14. Alle trekkende gemotoriseerde voertuige mótte veur ’t meitrekke in de optoch verzekerd zien door ein verzekering die ouch ‘praalwages’ verzekert veur eine optoch. Bie twiefel: euverligk tiedig mèt de optochkemmissie.
15. Op iddere wage mót ‘nne (goodgekeurde) poejerblusser mèt ‘ne inhaad van teminste 6 kilogram aanwezig zien.
16. Toegesjtaone aafmaetinge van de voertuige:
    • voertuige moge neet hoeëger zien den 6 1/2 maeter.
    • voertuige moge neet breijer zien den 3 maeter.
    • As d’r zich miense op ’n voertuig c.q. wage bevinje deent d’r ’n deugdelike afzetting te zien van 1.20 maeter die nagelvas mót zien.
    • Bie sjlech zich dene de voertuige aan de veur- en achterkantj veur- en achterverleechting te höbbe.
17. Alle voertuige motte rondjom waere aafgesjermp toet op ’n huuëgte van 20 cm. van ’t waegdek, de meigeveurde aggregate dene op ’n deugdelike meneer bevestig te zien.
18. Langs de praalwages motte minimaal twieë maar bie veurkeur veer of mieër miense loupe die de veiligheid bewake (det miense/kinjer neet veur of tosse ’t trekkend voertuig en de praalwage of ónger de praalwage kènne kómme).
19. ’t Sjprèk veur zich det tiedes de optoch alcohol en verkieër neet samegaon (bv. chauffeurs). Gebeurt dit toch zal(le) de deilnimmer(s) oetgesjlaote waere van (verdere) deilname aan de optoch.
20. Veur de toekenning van subsidie veur praalwages waert verweze nao ’t subsidiereglement van VV de Windjbuujels. Dink aan ’t aanvraoge asse hievan gebroek wils make. Allein asse ’n aanvraog indeens kèn d’r subsidie door de VV toegekend waere.
21. Idderein nimp deil op eige risico. VV “De Windjbuujels” aanvaardt gèn inkele aansjpraokelikheid veur sjaaj of wat den ouch, ontsjtaon veur, tiedes of nao de optoch door of aan deilnimmers en/of publiek.
22. Idderein dae zich opgeuf verklaort zich door acceptatie van dit reglement akkaord mèt de regels, zoeëas in dit reglement zien opgesteld.
23. In alle gevalle, wao dit reglement néét in veurzuut, besjlis de optochkemissie. Daegene dae zich neet aan de regels helt, löp ’t risico det d’r oetgesjlaote waert van deilname.

Veur raekene d’r op det idderein verantjwaord mei duit en winse uch väöl sjpas en plezeer !!!

Bijlage 1B: Subsidiereglement (allein veur de groeëte optoch)

VV de Windjbuujels sjtèlt veur ’t huidig vastelaovesseizoen ein subsidiebedraag van € 450,- besjikbaar veur praalwages. Dit is ein totaal bedraag veur alle wages, mèt ’n max. van 125,- per praalwage.

Richliene praalwage:

• Óm veur subsidie in aanmerking te kómme mot d’r aan ’t volgende waere voldaon:
  • Aanvraagformulier hieveur indene bie insjrieving.
  • Wages getrokke door tractor of vrachauto en ein dudelik thema oetbeeldend.
  • Aafkomstig oet ’t Windjbuujelriek!
  • De konsjtructie deent van degelike aard te zien.
  • ’t Mót dudelik zien det de gemaakde koste minimaal ’t bedraag zien van de subsidie. Bie twiefel besjlis de optochkemissie. As geur minder koste maak den ’t maximaal bedraag, moog geur ouch minder subsidie aanvraoge.

Aafmaetinge:
De ongersjtaonde aafmaetinge zien geldig:

• Maximale huuëgte van zès en eine halve maeter (6 1/2).
• Maximale breidte van drie maeter (3).
• Haaj raekening mèt drempels en vluchheuvels.
  

Controle aanvraog:
De optochkemissie deent in de gelaegenheid te waere gesjtèld óm de wage in de waeke veur de optoch te bekieke en te beoerdeile of de aanvraog terech is en subsidie kèn waere toegekend.

Oetkieëring:
De subsidie waert z.s.m. nao deilname aan de optoch oetgekieerd op ein veuraaf opgegaeve bankrekeningnummer.

Sjponsoring & Reclame:
Sponsoring en reclame zal in beperkte maote waere toegelaote, maximaal 2 m2. De optochkemissie zal veur en tiedes de optoch de sjponsoring en reclame beoerdeile.

Toet sjlot:
In gevalle wao-in dit reglement neet veurzuut besjlis de optochkemissie VV De Windjbuujels.