In Café Zaal “de Paerssjtal” kwaam op zaoterdig 11 fibberwari 2012 ’t twieëde Jeugboerebroedspaar van Ruiver-Óffebèk op de klanke van heur eige kinjerversie van “Óffebèk blief Óffebèk” ónger de hoeëge Hood oet. Veur presentere uch ’t Jeugboerebroedspaar 2012: Renske Huyben & Sjoerd Hendriks
’T Bruudje:
Renske is de dochter van Danny en AnitaHuyben en zuske van Yme.
De Broedegom:
Sjoerd is de zoon van Danielle Davidts en Arno Hendriks en broor van Anouk
Alle veer gaon ze nao de basissjoel “deTriolier” in Offebêk en sjpele vollybal bie de Ruiverse vollybalclûb Revoc.VCB. Sjoerd wilt later geluidtechnikus waere en is altied bezig met meziek. Sjoerd en Daan zien dök op de zölder te vinje woe se knutsele aan meziekapparatuur. Fenna en Renske sjpele alle twieje gitaar en zitte same op Zumba, ’t zien echte hertsvriendine.
Getuge van ’t Broedspaar 2012
As getuge sjtelle veur uch veur:
Fenna Huybrechts en Daan van den Hoogen
Names de Jeugbroedsparekemissie Bianca Paar en Miek van Willick wille veur uch van herte oetnuüedige óm nao de Boerebroelof optoch te komme kieke op Vastelaoves dinsdaag 21 fibberwari en aansjloetend óm 15.00 oer de trouwerie bie te woeëne in ós residentie Café Zaal De Paerssjtal. De optoch route zuut d’r as volg oet; Vertrek bie ós residentie Café Zaal De Paerssjtal richting St.Theresiasjtraot, Dokter Nolenssjtraot, Sint Annasjtraot, Industriesjtraot, Mariasjtraot, Keulsewaeg truuk nao ós residentie Café Zaal De Paerssjtal.
Names de Boerebroelof winse veur idderein ‘nn sjoeëne te gekke en gezellige Vastelaovend!
