Óffebèk, 3 fibberwari 2018.
In ós residentie Café Zaal De Paerssjtal kwaam op 3 fibberwari 2018 ′t 56e Boerebroedspaar Leon Schatorie en Esther van Dijk op de klanke van “Óffebèk blief Óffebèk” ónger de tradisionele hood oet.
Veur zien d’r gruuets op óm uch dit sjoeën boerebroedspaar veur te kènne sjtelle:
De Broed Esther is de aadste telg van Lee en Jeanne van Dijk-Wanten van de Vogelsweide oppe Ruiver. Toet zien 10e jaor woeënde Esther met zien zuske en elders in ’t Belhamelriek, wao Esther actief lid waas van de gymnasjtiekvereiniging. Maar ouch nao de verhoezing nao ’t Windjbuujelriek bleef Esther in Belvend turne en danse. Inmiddels is ut turne verwisseld veur salsadansen same met Leon.
Ouch Esther is ‘nne fanatieke vastelaovendvierder. In 1995 waas het bie de raod van ellef van jeugprins Maurice I oppe Ruiver en in 2006 waas het same met Leon getuge van ‘t Boerebroedspaar William & Anja Peulen. Same met zien getuge Nicole en väöl angere vriedinne is het de vaste aanhang van joekskepèl de Gresbuus.
Esther werk al ruum 16 jaor as röntgenlaborant in ’t ziekehoes bie de Marotte in Zitterd, wao ‘t alle meugelikke botbreuke oppe foto zit… ech good geknip!
De Broedegom Leon is de aadste telg van Jan en Marlies Schatorie-Janssen van de daakdekker van de Industriesjtraot in Óffebèk. Jan en Marlies ginge precies 30 jaor teruuk, al veurop in de Óffebèkse vastelaovend as Boerebroedspaar 1988. Leon waerde toen as 5 jäörig jungske met zien 2 zuskes ‘t vastelaovesblood al metgegaeve door pap en mam. Maar auch Opa Lei, dae veurzitter van de Boerebroelof waas, holp hie aan met.
Det t vastelaovesblood bie Leon bleef borrele bleek toen in 1999 ‘nne jongesdruim oet kwaam: Leon waerde Jeugprins in Óffebèk, met as motto “Met Leon I gaon veur ’t make, al vlege de panne van de dake”.
Leon is sinds ein jaor gruuëtse eigenaar van Schatorie Dakbedekkingen BV, ‘t femiliebedrief wao hae noe de 4e generatie van is. Same met zien elders en werknummers verniejt en repareert hae mennig daak in Óffebèk, Ruiver en ómsjtreke.
Leon haet ein groeëte hobby: muziek make! Bie ’t Fluiterkorps sjpeelt d’r al mieër as 25 jaor piccolo. Hae is sjlaagwerker bie drumband Batterbraggel van de Sjötterie. Maar de meiste sjpass haet d’r as hae same met z’n kammeräöj oppe sax muziek kan make bie joekskèpel de Gresbuus.
Toen Leon en Esther gevraog waerde óm in 2018 ’t Boerebroedspaar te waere, waas al sjnel de besjlissing genaome. “Jao det doon veur, maar waal met de ganse kepèl!
Veur sjtelle ‘t Boeregezelsjap gaer aan uch veur onger os motto: Vastelaovend is sjiek met moos en muziek!
Getuge: Nicole Bongers-Dorssers en Tom Strijbos
Getuge van de broedegom: Tom Strijbos is de beste vrundj van de broedegom, bariton sjpeler bie de Gresbuus, besjtuurslid van ’t Fluiterkorps, jeugprins van Óffebèk in 1998 en lid van de raod van ellef van VV de Windjbuujels.
Getuge van de broed: Nicole Bongers-Dorssers is ’n goeje vriendin van ’t bruudje, dwarsfluitsjpeelster bie de Hermenie, getuge van ’t Broedspaar 2014 Astrid en Fred Simons en vaste aanhang van de Gresbuus.
Elders van de broedegom: Rob & Anke Thijssen
Elders van ‘t bruudje: Hans & Jolan Muisers.
Sókkerome en sókkertant: Pieter & Cécile Janssen.
Börgemeister: Roy Verstappen.
Ambtenaar: John Rayer.
Sjpraeksjtalmeister: Joris Janssen.
Sirremoniemeister: William Peulen.
Veldwachter: Richard Bongers.
’t Boeregezelsjap 2018
Broedskinjer: Bram & Koen Schatorie.
Broedsmaedjes: Ellen Bongers, Joanneke Verstappen, Lindy Crins, Loes Jenneskens, Nandy Janssen, Betty Hendriks, Nancy Rayer, Liesbeth Driessen, Ingrid Franssen en Marie-Louise Oliveira.
Boerekepèl; Gijs Huibers, Ad van Tetering, Roy Janssen, Chris Driessen, Hein Niessen, Roel Moors, Eric van Dijk, Mario Franssen, Roy Simons, Maikel Lemmen, Luuk Meijboom, Paul Hoeijmakers en Twan Bongers en alle angere hieëre van ’t gezelsjap.
Kinjerbroedspaar: Mees Janssen & Lis Peulen
Getuge kinjerbruudje: Lieke Janssen
Getuge kinjerbroedegom: Kevin Peulen
Kinjer broedsmaedje: Maud Bongers
Kinjer sirremoniemeister: Sjuul Peulen
Elders van ’t kinjergezelsjap: William & Anja Peulen, Geert & Miranda Janssen, Roel & Ellen Janssen, Peter & Wendy Peulen en Nicole & Richard Bongers.
En as letste alle boerekinjer….
