Dit jaor gaon veur veur de 25ste kieër de Vastelaovend oppe Ruiver insjete. En det zalle veur dit jaor doon op vriedig 14 november 2014. Om 20.49 oer vertrèkke veur vanoet ós residentie richting ’t Gemeintehoes wao 11 prominente vastelaovesvierders de sjeut gaon losse.

As de Vastelaovend 2014/2015 is ingesjaote vindj vanaaf 21.11 oer ’t binneprogramma plaats. Dit jaor sjpeelt net as ’t vurrig jaor weer de formasie Sjloetingstied! Ouch zal Joekskepel De Gresbuus mèt vastelaovesmeziek van zich laote hure. Netuurlik zalle ouch de winnaars van de Liedjesaovend SJEIV, Marina, de veterane van Revoc en de winnaars van de Blageliedjesmiddig Sien, Mara en Nina optraeje.

Kortóm genóg veur ‘ne fantastische sjtart van ós nie Vastelaovessezoen.