Banken en pinautomate verdwiene. Jongere trekke weg nao de sjtad en kómme later maar beperk truuk nao ’t dörp. ’t Lejeaantal van versjillende vereiniginge daalt nao ’n kritiek niveau. Winkelpande sjtaon steeds mieër en langer laeg en de wuuëningmert sjteit ónger drök.
Allemaol effekte van krimp. Aan de handj van typisch hedendaagse dörpsprobleme haolt Frans Pollux in ’n muzikale talkshow op zóndig 23 september in zalencentrum de Sjakel verhaole op Reuver krimp in de gemeinte Beesel.
Naeve Ruiver zal Pollux en band in nag zeve angere dörpe dees talkshow gaon opveure. Veur idder dörp maak Frans ’n liedje gebaseerd op de lokale krimpproblematiek. Idder liedje waert professioneel opgenaome in de studio. De presentasie van dit album is in januari tiedes ’n slotconcert in de Maaspoort in Venlo.
De kaartverkoup veur de talkshow op 23 september in de Sjakel (aanvang 15.00 oer) kènt geur online besjtelle via www.ticketcrew.nl/tickets/naeve-de-kerk. De kaarte koste €12,50 per sjtuk.
Dit evenement waert mede meugelik gemaak mèt óngersjteuning van de Gemeente Beesel.
