’t Duurt weliswaar nag effe mer de veurbereidinge veur ’t Jubileum 7×11 zien in ’t naojaor van 2025 gesjtart. Ouch dees ‘reis’ wille veur – net zoeë-as 6×11 – gaer same mèt zoeë väöl meugelik vastelaovesvierders in ’t Windjbuujelriek gaon make.
Op dees pagina deile we belangrieke informasie euver ’t jubileum. In welke fase bevinje we ós? Welke sjtappe höbbe we gemaak? En welke gaon we nag make.

Wannier?
We viere ’t jubileum in 2028 van waarsjienlik donderdig (24 fib) of vriedig (25 fib) toet dinsdig (29 fib) in ’t centrum van Ruiver. De insjtaek is óm ’n programma te bringe veur alle doelgroepe en alle laeftieje. De reguliere evenemente zoeës prinsereceptie, kinjer- en groeëte optoch, etc. waere ingepas in ’t jubileumprogramma.

Same
De ieërste houtskool sjtreke van de 7×11 jubileumplanne sjtaon op pepier. Det beteikent neet det alles is oetgekristalliseerd. In taegedael zelfs. Op hiel väöl óngerdeile is de invulling nag compleet vrie en aope. Veur zoude ’t sjoeën vinje óm juus dit mèt väöl vriewilligers in te vulle en te organisere. Idderein kènt ’n groeët (of klein) sjteinke biedrage. Van techniek, financiën, decor, horeca toet en mèt planning, vergunning, communicatie/pr, sjponsoring en programmering. Det geldt veur de veurbereiding in ’t veurtrajek toet de vastelaovesdaag zelf en de naozörg.

Planning
Veur de zomer 2026 wille veur de organisasie oppe rit höbbe sjtaon. Det beteikent det veur de werkgroepe in basis bemand wille höbbe mèt vriewilligers. Binne de werkgroepe kèn den de invulling waere gemaak en oetveuring waere ingerich. Netuurlik motte veur same zörge det veur alles op elkaar aafgesjtumd haje. Det doon we door periodiek mèt elkaar aaf te sjtumme.

Aanmelde en kontak
Wil se dich aanmelde as vriewilliger of ieërs mieër informasie euver vriewilliger zien veur ’t jubileum? Vul den dit formulier in: Aanmeldformuilier 7×11

Höbs se angere vraoge?
Sjtuur den ‘ne email nao: 7×11@windjbuujels.nl

of nim kontak op mèt:
– Rob Boonen
– Roy Linssen
– Marco Janzen
– Rob Hillekens