Windjbuujelinnekes en Windjbuujels,

Vastelaovend kènt gèn tied! Det höb ich mooge mei make toen de prinsekemmissie ‘s aoves laat bie mich in de woeënkamer sjting. Ich haaj klaorbliekelik al ein aantal oproope gemis, d’r waas al gesurveilleerd, alles duuster, maar ’t is häör toch gelök óm binne te dringen en mich de vraog der vraoge te sjtelle. Wils doe …. De nieje Windjbuujelprins waere en regere euver ’t Windjbuujelrieëk? Ich dach wat gebeurt hiej noe? Euver gedruïmd, noeïts gedach, maar uiteraard waal op gehaop det mich dees vraog oeïts gesjteld zól waere. Ich höb den auch neet lang euver mien antjwaord hoove nao te dinke. ‘’ natuurlik hieëre, jao, ich wil prins van de Windjbuujels waere!’’

’t Waas ‘ne onvergaetelikke, biezónjere, late, maar veural eine fantastische aovend. Ich kèn uch vertelle, dae aovend höb ich gèn aug mieër dich gedaon. Ich höb de ganse nach zitte dinke en hel op gedruimd wie biezónjer dees vraog is en wat mich allemaol te wachten sjteit.

De ieërste oetdaging leet neet lang op zich wachten. Ich mot namelik ‘ne linker en ‘ne rechter adjudant höbbe deze vastelaovend. Maar wie geisse zoeë get in ’t deepste geheim vraoge zónger det ’t aan alle kenj al aan mien gezich is aaf te laeze? Ich höb ein sjlechte sjmoes bedach, maar taege baeter weite in kós ich ’t neet langer veur mich haaje. Ich höb häör direk de vraog gesjteld wao op ich in koeër ein volmondig JAO as reaktie truuk kreeg. ’t Waas ‘ne gezellige aovend mèt vuuel ongeluif, prakkesere en glaze die dök höbbe geklonke.

Windjbuujelinnekes en Windjbuujels, veur kieke d’r hieël erg nao oet óm deze vastelaovend same mèt uch te mooge gaon belaeve.

Groetjes,
De nieje 2026