Vanaovend ware veur aanwezig bie de oetreiking van financieële biedrage goede doelen van de Sjeng Kraft Kompenei op ’t stasieplein in remunj wao veur morge de äöpening van de vastelaovend viere op de de11devande11de .

De Sjeng Kraft Kompenei stelt jaorliks ’n financiële biedrage besjikbaar voor ein of mierdere initiatieven die aansjloete bie ’t jaorliks vastgestelde vastelaoves gerelateerde thema en biedrage aan ’t behaad, de ontwikkeling of de belaeving van vastelaovend in Limburg.

Oppe Ruiver höbbe veur ’n prachtige traditie as ’t geit óm vastelaovesmuziek. Al jaorelang organisere veur mèt vuul enthousiasme ’t liedjesweekend, wao nieje vastelaovesliedjes waere gesjreeve, gezónge en vasgelag. Zoeë is d’r door de jaore haer ’n unieke verzameling liedjes ontsjtaon die verbónje zien mèt de Ruiverse vastelaovend. Vuul van deze muziek is allein nog truuk te vinje op aaje cd’s, waodoor ’t sjteeds moeilikker waert om dees liedjes te beloestere.

As initiatief höbbe veur daoróm ingedeend det veur ongevier 100 historische vastelaovesliedjes willen digitaliseren en besjikbaar make op Spotify. Zoeë zorge veur det dese muziek bewaard blief en ouch in de toekóms mekkelik te beloestere is veur idderein dae de vastelaovend ’n werm hert toedraagt!

Van de Sjeng Kraft Kompenei höbbe veur hie vanaovend ‘ne prachtige cheque van mer leefs €1111,- euro moge ontvange!

Hiel erg bedankt hie veur!