Daagbookdeil 2 van de nieje

Lorem ipsum dolor sit amet, consectetur adipiscing elit. Ut elit tellus, luctus nec ullamcorper mattis, pulvinar dapibus leo.

Windjbuujels & Windjbuujelinnekes,

Maondig morge. Zeeve puntj nul driej. Miene wekker geit. En ’t weekend is veurbiej. Inmiddels zien veur al ein paar waeke óngerwaeg as aankómmend trio van de Windjbuujels. Wat ’n wónjer!
Noe de daag weer wat korter waere en de aaftrap van vastelaovend is gewaes met de 11e van de 11e, kump vastelaovend sjteeds dichter biej. En det is te merke. Biej ós begint ’t aan alle kenj te kriebele…

En ’t laef oppe Ruiver. De liedjesaovend en de blageliedjesmiddig ware ein groeët succes met twieë kier 11 deilnimmers. Wat ‘n prachtige liedjes en gezelligheid. Hiej oppe Ruiver gebeurt ’t en krieg se ‘t vastelaoves virus met de paplaepel ingegaote. Det is ein dink wat zeker is.

As ich ’t daagbook van ‘t boerebroedsjpaar moog geluive waas ’t nieje boerebroedsjpaar ouch aanwezig. Missjien höbbe v’r elkaar waal gesjpraoke. Wae zal ’t zegge?
Ich höb tiedens de verkoup van de boerebroelof in elk geval vas get wórs en kerboet ingesjlage.

En wie sjiek is ’t det de Ruiver zien eige “Friedje und Freunde” oktoberfest haet in de tent oppe mert. Sjoeën det dit oppe Ruiver georganiseerd waerd en det de Windjbuujels en Drake zich good same kenne vinje. Die saamhorigheid, dao kèn de rès van de waereld nog get van liere.

Om nog effe verder op de actualiteite in te häöke, ’t Zal uch neet ontgaon zien det de provincie Limburg is oetgerope toet sjlumste regio ter wereld. Iets om gruuëts op te zien! Noe is it ‘n kwestie van gedöld toet hiel Holland limburgs lult!!

En den zal ich maar neet oetwieje euver al det gehack en gesjpionneer de lètste tied. Zelfs hiej oppe Ruiver zien d’r óngetwiefeld sjpionne die de Prins gaer wille óntmaskere…

Noe höb ich waal weer genóg gesjreve.
Ich wins de aankómmende hoëghede groeët en klein hiel veul plezeer met de veurbereidinge en veur diegene waoveur ‘t dook bienao velt: sjterkte.

Veur kieke al oet nao 23 Jannewarie: ’t Prinsebal. Haopelik goeije de vleermuus gen root in ‘t aete.

Alaaf, 
De Nieje

© 2022 – Ruud Janssen – Feedback? – Algemene voorwaarden