Mieër den 50 enthousiaste vriewilligers bie de informatie-aovend

Op donderdig 19 november sjting de kelder van Carlo’s vol: mieër den 50 enthousiaste
miense kwame loestere nao ‘t plan veur ós jubileum 7 × 11 in 2028. Zó’n groeëte
opkóms duit good. Dao zien v’r as comité hiel blie mei!

Presentatie
Tiedes de aovend vertelde v’r euver de opdrach van ’t besjtuur, ’t thema Boetegewuuen
sjiek, ’t plan veur ’t fieës en de cómmissies die ’t gaon organisere. Kós se d’r neet bie zien?
Bekiek de presentatie (Klik) den bös se sjnel oppe huuëgte wat we dae
aovend gedeild höbbe.en laes get v’r höbbe gedeild.

Zin óm ouch mei te doon?
Wie gezag veur zien enorm blie mèt de opkoms van deze informatie-aovend en de miense die
zich aangemeld höbbe veur ’n kemissie. V’r haope dit sjpraekwaordelikke vuurke nag verder
oplaait en nag mieër aanmeldinge en enthousiasme tewaegbringk. Wils se ouch meidoon?
Meld dich met dees kaart (Klik) den gerös aan as vriewilliger veur ein van de
väöle leuke kemissies, zoewie Techniek en opbouw of ’t Promotieteam. De ingevulde kaart
moog se den sjture nao: 7×11@windjbuujels.nl of sjtuur ’n email (met dien naam en de
kemissie wao se interesse in höbs) nao 7×11@windjbuujels.nl óm dien interesse kenbaar te
make.

Vastelaovend viere doon v’r same! Boetegewuuen sjiek.
Jubileumcomité 7×11

© 2022 – Ruud Janssen – Feedback? – Algemene voorwaarden