Aafgelaupe zondig waas ’t auch weer tied veur de Blageliedjesmiddig. In de Sjakel waas jongk én aad op de bein om te komme loestere waem van de jonge deilnimmers hiej zou gaon sjtrieke mit de ier om auch op de vasteaoves CD te waere gezatte.

Sinterklaos kwaam zelfs, nao aankoms oppe Ruiver,  nao de Sjakel om de middig te aopene.

D’r ware geweldige liedjes te huure en oeteindelik wiste de kinjer van ’t gengig gedaelte de ierste plaats te behaole mit ’t liedje Trumke. De twieëde plaats waas veur Marijn Hermans mit De Vastelaoves Dokter.

Eine dieke Proficiat veur dees geweldige prestaties.