Windjbuujels & Windjbuujelinnekes,
Vastelaovend kènt gèn tied, en det merke veur.
Op dit moment sjrieve veur alweer ’t lètste daagbookdeil van de boere. ‘t Liek nag wie gister det veur gevraog zien, allein kump 24 jannewarie noe waal erg doeënbie. Nag ein nechske sjlaope. En den hove veur dit groeëte geheim nimmer veur ós te haje!
Den nimme veur ‘t sjtekske euver van ’t huidige boerebroedspaar. Ellen en Jeroen: venaovend kènt geur veur de lètste kier zjweie mèt ‘t boeremoos. Veur vinje ‘t ’n ier om in uch sjtevele te moge traeje. Veur prooste vandaag op uch en winse uch nag vuul plezeer venaovend!
De aafgelaupe waeke zien veur drök in de weer gewaes. En wat ’n gelök höbbe veur, met zo’nne geweldige groep boere as ós gezelsjap. Idderein is keihel aan ’t wèrk in die sjuur, óm alles oppe tied aaf te kriege. De patsj lik al klaor, de kuuj sjtaon oppe sjtal en ‘t boeremoos is geroojd.
De sjtumming zit d’r al good in. Ós getuge sjtaon noe al daag en nach veur ós klaor, ózze sjpraeksjtalmeister is de sjtumbenj al good aan ’t traene en ózze sjoelmeister haet nag neet hove ingriepe. Maar wielang det nag duurt…? 24 jannewarie mesjien?
Veur zien d’r klaor veur en kènne nimmer wachte, geur ouch?
@prins van de Windjbuujels: veur doon gaer ’n drenkske mèt uch. Morge óm 23.11 oer? Veur kènne de móndj good haje.
Moch det neet oetkómme, den is op ’t prinsebal ouch good.
Leefs,
Boerebroedspaar 2026
