Leef Windjbuujels, Windjbuujelinnekes, Boere en Boerinnen,
Aafgeloupe zaoterdig waas ‘t den eindelijk weer zoeë wiejt. In ’n boemvolle Paerssjtal zien de nieje broedsparen ónger de groeëte hood oetgekomme..
Ós niej Jeugboerebroedspaar Tjen en Fenna, mèt häör getuuge Lennon en Sterre en Boerebroedspaar Luc en Ans mèt häör getuuge Gerard en Gitte nuuëdige uch gaer veur de Boerebroelof.
Tjen en Fenna zalle den same ein vrunjsjapsgelofte aafsjloete.
Luc en Ans zalle door häöre ambtenaar van de burgerlikke sjtandj in de ónèch waere verbónje.
De trouwerie en aansjloetend resepsie weart gehaaje op vastelaovesdinsdig 21 Fibberwarie en zal om 15.00 oer sjtarte. Bie good waer zal de trouwerie boete plaatsvinje.
Nao de reseptie is ’t meugelik om ’n hepke te aete, aansloetend aan de reseptie
zien d’r optraejes van Coen Janssen én de LVK winnaar van dit jaor Pruuf Mar.
Ós boerebroedsparen haope uch allemaol te zeen volgende waek dinsdig!
Gaef ’t door! 🥦🥦🥦
