Dao zitte veur alweer in wat ze zègke de drökste tied van ’t jaor”, en det terwiel achter de sjerme veur en ós femilie al ’n aantal waeke in ’t geheim aardig get aafgeklenjeld höbbe, vraoge aan elkaar sjtelle, lache en dinger regele of juus neet regele! Maar oeteindelik flink aan ’t sjtrieke en aan ’t kliedere zien gesjlage. Langzaam beginne zich sjteeds mier liene en patroeëne te vormen op det dook. Dao gaon veur nog efkes mei door toetdet ’t ech ‘n sjitterend sjilderieke is. En zoeë löps se door ’t dörp asof d’r nieks aan de handj is, en vreugs se dich aaf of se neet al te vuuel gezag haes, of det miense ’t aan dich zeen of det ze überhaup al ‘n idee höbbe. Maar ze mósde ens weite det veur op 3 fibberwarie bie Harrie ónger de hood oetkómme. Och, wat zien veur d’r noe al op gesjpits óm dit moment mèt idderein same te kènne gaon viere!

Ós körssjtelke ónger de boum is dit jaor den ouch neet ingerich mèt ’t traditionele trio. Nae, dit jaor sjteit bie ós eine boer met zien boerin in de sjtal. Achter ós sjteit ouch nog ’n dael hingste, merries, get veules, ’n paar sjtiere mèt häör kuuj en ’n aantal kalvere, flink get bieëre, zeuge en häör bagge, en neet te vergaete get haenkes en kiepkes en dao de kuukskes van. Oeteindelik dus eine good gevölde paerss-, uhhh, körssjtal. Van dit vieë zalt geur de kómmende waeke ouch ’t ein en anger veurbie zeen kómme.

Den res ós allein nog óm uch allemaol via deze waeg zalige körsdaag en eine fantastische roetsj mèt de beste winse te winse!

Waas geteikend: Boerebroedspaar 2024