Daag leef luuj, ’t jaor is weer óm en de ierste hoeëgheid is zelfs al bekèndgemaakt, Hero 1e en dien adjudante, via deze waeg van herte profisiat mèt dien oetverkezing. Bie ’n nie jaor hure ouch goeje veurnimmes, mer ‘ne hiele houp goeje veurnimmens kènne drek de dreksbak in, want dao geit mèt de vastelaovend dit jaor al hielemaol nieks van terechkómme.
Dae vasteloavend, dae kump noe ouch vlot doeënbie, en det moog ouch waal. Veur sjleipe dit geheim namelik al zo’n drie maondj mei. Mei nao ’t veld, nao femilie, nao vrunj, zoeë geit det lieske nag efkes door. In die drie maondj is netuurlik al ’t nuedige gedoan, gebeurd, geregeld. Zoeë zitte ós euverals en klompe as gegaote en waas de ierste fotoshoot oet de kuns. Ouch höbbe veur mèt al det vieë ein nummer opgenaome, wat veur ’n paar boereknurfte en boerinnekes, al zègke veur ’t zelf, aardig good gelök is. Beejt det perspectief veur dae jaorlikse liedjesaovend van de vereiniging? Laot uch verrasse.
Maar nog efkes, nog efkes en den moge veur ós eindelik onthulle dao bie de Paerssjtal en d’r same mèt uch, zie aan zie, ein richtig verkesbal van make. Dao wilt geur toch ouch getuge van zien? Veur weite zeker det de vastelaovend van 2024 d’r eine waert dae de beuk in geit.
Mer mèt nag ein kleine maondj te gaon en nag get dinger die geregeld mótte waere veur ’t fieës kèn losbarste, gaon veur ouch gauw weer wier. Wies 3 februari bie Harry van de Paerssjtal.
Geteikend de getuge.
Boerebroedspaar raoje?
https://www.windjbuujels.nl/broedspaarraoje
Boerebroedspaar raoje?
https://www.windjbuujels.nl/broedspaarraoje
