Vastelaovesvereiniging "De Windjbuujels" Ruiver

Opgerich 8 november 1950 - Keuninklik erkénd op 22 mieërt 1975

DAAGBOOKDEIL 6 VAN DE NIEJE

Leef Windjbuujelinekkes en Windjbuujels,
 
Wat duurde de letste daag lang. ’n Waek leek waal ‘ne maondj te zien. Waal ‘ne ‘maondj’ euveriges wao-in ’t Prinsraoje en ’t sjteuke nao ’n hoeëgtepunt ging. Toet en met radio toe zelfs. Helaas… as vastelaovesvierders oppe Ruiver krege veur ouch ’n oneindig deeptepunt te verwerke. Eks-Prins Oscar is neet mieër. Eks-Prins Oscar… “Laot ’t dich good gaon dao baove en kiek zaoterdig gerös efkes van dao baove mei.”
 
De letste oere zien aangebraoke en veur knalle door ’t daak van de zenuwe. De veurbereidinge zien aafgerond, ós maedjes höbbe de bloeze nag ens gesjtreke. Weliswaar op ’n wokpan, maar toch. Veur höbbe niej zäölkes ónger de sjoon en veur de zekerheid nag get reserve vaere geplök.
 
’t Bliek des se as nieje waal ‘nne sjrieffiemel mos höbbe. Ich höb nag noeijt zoeëväöl gesjreve as de letste waeke. Normaal bön ich mieër van ’t teikene of gewuuën doon. Gelökkig höb ich adjudante die aaf en toe mèt goeje inspirasie kómme. Wat mot ich noe al zónger die twieje. Die höbbe ’n groeët bereik. De kómmende tied zalle die mich mèt nag mieër motte helpe den allein bie ’t sjrieve. Bliek det zelfs nao de hiere wc gaon dalik nimmer allein kèn. Noe zitte veur ós dökker oppe lip dus det zal mèt dees daag waal good kómme.
 
Inmiddels haet de PeeKaa ós ouch ’t sjpelke mèt de scepter oetgelag. Det waert nag ‘ne zjwoare mèt die men van de raod. Messjiens det veur det waal aaf kènne koupe? De veurbereidinge veur ’t Prinsebal zien in volle gang en de act is ós oetgelag. Ich moog dao netuurlik nieks euver zegge maar wat waert det sjiek! Ich haop uch allemaol te zeen sjtraks. Make veur d’r same ’n sjiek fieës van!
 
Aafgelaope zaoterdig is de nieje Bacchus oetgerope. Bacchus Rick van herte proficiat! Doe höbs same mèt dien bacchante d’r ’n biëstig fieësje gebouwd! Dit kieër ging ’t daak d’r aaf bie Ronkensjtein!
De jeug haet te toekóms. En as de jeug van aafgelaope weekend de toekóms haet den moge veur gruuëts op uch zien. Vriedig waas de resepsie van Prins Hero en dao haet de jeug laote zeen det ze weijte wat Vastelaovend is. Dieke complimente vanoet ós!
 
Zóndig haet Mark mèt zien adjudante Jasper en Maurice zien aaftraejje gehad. Manne…, wat höb geur ’t aafgelaope jaor sjiek gedaon. Veur moge uch sjtraks gaon opvolge en gaer drinke veur d’r den same mèt uch eine… of twieje of ….
 
Hopelik zeen veur ós sjtraks! Rondj twintig euver nege verwach ich det we oppe bühne sjtaon!
 
De nieje mèt zien maatjes
 

Aankómmende evenemente

Sjponsors

SponsorKliks, gratis sponsoren!
© 2022 – Ruud Janssen – Feedback?Algemene voorwaarden