Leef Windjbuujels en Windjbuujellinnekes,

Nog ein paar uurkes nagelbiëte, nog zeker vief kiër nao de WC en den is ’t eindelijk zoëwiet. Wat höbbe veur nao dit moment oetgekeke, veur höbbe de daag aafgeteld, maar vanaovend mooge veur ós eindelijk aan uch presentere!

Ich haop det ’t vanaovend net zo’n fantastisch fiës waerd as aafgeloupe zaoterdig wao ós niej minimoos Isa & Mees en broedspaar Bas & Maxie ónger de hood oetkwaame midde in ‘ne bomvolle Diamant in ’t sjoeëne Offebèk. Wat höbbe veur dao van genaote!

Isa & Mees, Bas & Maxie en natuurlijk ‘t ganse gezelsjap, van herte proficiat! Veur zeen ós sjnel!

Dit jaor helaas gen Ruiverse finaliste in de LVK finale, maar AJO en veterane van Revoc/VCB, aan uch haet ‘t neet gelaege! De rès van limburg haet get aan de oere dink ich…

Vastelaovend kènt gèn tied, ‘t motto van 2026. Det bliek waal as se zuus wie vruuëg det idderein al met det groeëte fiës bezig is. Neet allein de PeeKaa, die dich ‘n geweldige vraog stjelle, wannier se zelf nog gaar neet aan de vastelaovend van kómmend jaor dinks. Maar auch alle vriejwilligers en neet te vergaete ós wagebouwers en optochloupers die al waeke, soms zelfs al maonjde bezig zien om auch dit jaor veur uch ‘ne fantastische optóch inein te zette.

De sjpanning is biej ós inmiddels bienao nimmer te haaje. Veur zien den auch enorm bliej det ‘t moment dao is. ‘T zjwiege waerd namelijk met de daag lestiger, zelfs op ‘t werk! De allerlètste veurbereidinge waere nog getróffe, de sjeunkes nog ens gepolijst, en hiej en dao nog ‘n knöpke verzatte veur mien adjudante. En ich pas miene sjteek nog ‘ne kier extra of dae auch ech wiej gegaote zit.

Maar good, genóg verteld aan uch via deze waeg. Gaef mich nog hiël efkes ’n momentje rös en den vol gaas nao de Sjakel toe!

Zeen veur os dao?

Groetjes

De Nieje