Windjbuujelinnekes en Windjbuujels,

Nao alweer bienao angerhalve waek mèt twieë bein op de grondj wil ich de ganse Ruiver en Offebek bedanke veur deze fantastische vastelaovend!

Wat höbbe veur ’t sjiek gehad en genaote.

Vanaaf ’t prinsebal toet aan de ’t Windjbuujelsjtrieke.

Geweldige momente van de oetkomact, windjbuujelheise, de momente bie Jong Nederland natuurlik, bezeuk en danse mèt de miense van PSW, de hoesbezeuke, de ajerezitting, bezeuk bie de Huiberg, receptie Windjbuujels’ Jeug en Bacchus, treffe mèt Prins Largo in Beesel, de kerk, de sjleuteleuverdrach, de podcast opnimme bie Puik, bezeuk bie ’t Aadwief, mien eige receptie, de optoch, ’t merretsjpektakel mèt zoevuuel vastelaovesvierders in det zunke en natuurlik ouch de Boerebroelof, ’t danse en foto’s make mèt de kinjer van 0 toet ’n jaor of 7-8, (óngetwiefeld vergaet ich nog inkele activiteite).

In idder geval höb ich geprobeerd idderein de aandach te gaeve dae d’r verdeend.

Ich kèn ouch ech nag neet zègke wat ’t sjiekste waas. Op dit moment waar ’t ein geweldig fieës.

Dit waas ouch ech neet meugelik gewaes zónger alle sjteun van Kim, Jolijn, Fleur en Max, Bedank bedank bedank!

Maar natuurlik ouch ’n bedank aan Hans, Lianne, Stijn, Gijs, Sjmul en Yvonne. Wat waar ’t tof óm dit mèt uch te viere.

En den natuurlik nag de PeeKaa, de Raod van 11, bestjuur en ós Ruiverse kasteleins.

Ongetwiefeld vergaet ich örges nag get miense of aktiviteite, mer ouch geur bedank!

En det alles onger moien motto, Veur Keure Noe Nieks Aaf!

Gr. Prins Ralph I