Leef Windjbuujelinnekes en Windjbuujels,
Vandaag, 13 miert 2025 is ’t precies elf jaor geleje det Nol Wassen ós helaas ontvalle is. Ein moment det veur as vastelaovesvereiniging zeker neet óngemèrk veurbie wille laote gaon. Wie sjoeën is ’t den as’se eine lach mèt ein traon same kens laote kómme. Op zóndig 20 april zól Nol namelijk 8×11 jaor gewaore zien.
Mèt die gedachte zalle veur op zaoterdig 19 april vanaaf 19.00u eine aovend organisere róndjóm Nol mèt as titel: “Ein portret van Ar(Nol)d Wassen”. Deze unieke aovend bie Café-zaal Ronckenstein zal in ’t teiken sjtaon van alle facetten die ós aan Nol doon herinneren. Uiteraard zal de meziek dao ’n groeët aandeil in höbbe, maar zalle ouch de cabaret, femilie en angere aspecten zeker de revue passeren.
Gesjprek aafgewisseld mèt meziek zal deze aovend toet ’n einmaolig, uniek evenement make. Ouch kènt geur in ’n speciaal veur deze aovend ingerich Nol-museum hiel vuuel herinneringe ophaole.
Veur vraoge veur deze aovend ein bedraag van €44,- per kaertje. Van dit bedraag zalle veur in idder geval €22,- rechsjtreeks in ’t Nol Wassen Fonds sjtaeke. Euverige opbringste nao aaftrèk van de ónkosten zalle hie ouch oeteindelik naotoe gaon. Wilt geur d’r 19 april gaer bie zien? Den kènt geur via ’t menuitem “Etickets” uch kaertjes besjtelle. De oplage is zeer beperkt dus op=op!
Veur haope uch allemaol te zeen op deze speciale aovend.
Mèt vruntjelike groete
V.V. De Windjbuujels
