Toen op zaoterdig 15 fibberwarie vluch PK20-14 gelandj waar, in ‘ne lekker gevulde Sjakel, waerde dudelik det Geert Niessen as de 61ste prins van Vastelaovesvereiniging De Windjbuujels is oetgerope. Hae vormp same met zien adjudante Rick Stevens en Mark Eijkelenbergh ’t prinselikke trio 2014. Ózze nieje Hoeëgheid is 41 jaor is vriegezel en in ‘t dagelikse laeve werkzaam as lieraar sjpesjiaal óngerwies oppe Herman Broeresjoeël in Remunj.
Geert waar al versjillende kiere oppe bühne te bewónjere, tiedes de zittinge maar ouch in de Ruiverse Revue, wao hae lid van is. Ouch is hae al jaore ein van de kertrekkers en de lètste jaore de sjpraeksjtalmeister van de Kinjeroptoch, dae vastelaoveszóndig weer door ’t Windjbuujelriek trek.
’t Prinselik trio zal dit jaor euver ’t Windjbuujelriek regere ónger ’t motto: Kèn ’t gekker…
De foto’s van ózze hoeëgheid en zien adjudante zien gemaak door Aneta Martens
