Bèste Windjbuujelinneks en Windjbuujels,
De veurbereijinge zien al waeke in volle gang en vanaaf zaoterdig 4 fibberwarie zien de Windjbuujellogo’s weer oppe optochroute gekriet.
Op vastelaovesmaondig 20 fibberwarie a.s. trèk d’r weer de groeëte optoch door ’t Windjbuujelriek. Vanaaf 14.00 oer vertrèkke de deilnimmers vanoet en via de Keulsewaeg in Óffebek nao ’t merretplein oppe Ruiver.
Höb geur ’n sjiek idee of wilt geur gewuuen meidoon hie aan, den kèn det natuurlik. Geur kènt uch insjrieve door invulling van ’t (digitale) Insjriefformulier groeëte optoch (Insjriefformulier). Zorg d’r waal veur det geur dit veur maondig 13 fibberwarie höb gedaon, den sjluut de insjrievingstermien.
Via ós digitale kanale en in de PUIK-oetgave van 15 fibberwarie zalle veur den de opsjtelling van de optoch bekend make. Ouch zalle alle deilnimmers in de waek veur de optoch de nuuedige informatie van de optochkemissie kriege. Höb geur vraoge euver de optoch kènt geur terech bie de kemissie via optoch@windjbuujels.nl .
Gaef ’t door.
