Liedjesaovend
Veertien liedjes, gesjreve door achtien sjrievers, ginge de sjtried aan om de Windjbuujelsjlaeger 2016. Zes groepe, vief soliste, twieje duo’s en ein trio brachte häör nummer ónger begeleiding van Jack Claessen en Joep Killaars aan ‘ne bomvolle Paerssjtal. De Joekskepel De Dorsvlaegels zörgde wederom – zoe wie altied – veur de sjtummingsvolle muzikale intermezzo’s.
Roy van den Broek ging mèt zien nummer ‘Wat mót ich doon’ aan de haol mèt de Windjbuujelsjlaeger 2016. De teks is van Frank van den Broek, de meziek van Marcel Driessen. De twiede plaats waerde behaold door de veterane van REVOC/VCB mèt häör nummer ‘Zugabe’. De derde plaats waas veur de AJO mèt ‘Dae Tore’. Beide nummers zien zoewaal tekstueel as muzikaal van Bas Geujen. De Aanwiespries waas veur ’t nummer ‘Boerebal’ van ’t trio ‘Sjöppeboer’ mèt teks van Jac Linssen en meziek van Stef Kupers.
Blageliedjesmiddig
Roy van den Broek brach de Blage aan ’t begin van de middig drek in sjtumming mèt ziene nieje Windjbuujelsjlaeger. Daonao waas ’t de beurt aan de Blage zelf. Maar leefs tien deilnimmers dit jaor. De jury reikte aan iddere deilnimmer ‘ne pries oet. Ach kieër de derde pries. De twieëde pries ging nao Marijn met ’t liedje ‘Vastelaovend is gezondj’. Pieter Classen sjreef hieveur de tèks en meziek. De ieërste plaats waerde veroverd door de Plunskes mèt ’t nummer ‘Vötje van ’t pötje’. De tèks is gesjreven door De Plunskes en friends. De meziek is van de handj van Hub Boesten.
Wilt geur nag efkes van deze aovend en/of middig naogeniete? Of waas geur neet dao en wilt geur zeen wie det is gegaon. Kiek den maar ens gauw nao de foto-albums van Jac Vullers en Frank Stevens.
Oetsjlaag Liedjesaovend 2015
1. Wat mot ich doon – Roy van den Broek
2. Zugabe!!! – Veterane Revoc/VCB
3. Dae tore – AJO
4. Boere-bal – Sjöppeboer
5. De keuning te riek – Marina Claessen
6. Penninge en pieke – John Pubben
7. Same de keuning te riek – PiGePeJoHeKa
8. Vastelaovend (is veur ós ’t sjónste) – Pascal Gommans
9. De riej – EPS
10. Vastelaovend in da house – De maedjes van noe
11. Dalik – SJEIV
12. ’t Windjbuujelhert – Duo Bistro
13. Noe – Tomatensoep mèt vermesjel
14. Kèns se tèlle – Cor van de Kerkhof
Oetsjlaag Blageliedjesmiddig 2015
1. Vötje van ’t pötje – De Plunskes
2. Vastelaovend is gezondj – Marijn
3. Lieëre en Vieëre – Mara Sien en Nina
3. Efkés oet de bandj – Blitzzzz
3. Dans Marieke Dans – de Marieke’s
3. Zjweije met ‘t moos – Jeug Boerebroeëlof
3. Meidoon met de optoch – de gezusters
3. De keuningin vanne Vastelaovend – Jolijn
3. Groeëte Prins – Raod van ellef van Jong Nederland
3. Vastelaoves-smiley – Vastelaovesmaedjes
