Vriedig 13 November 2015 steit Paaf Alaaf waer oppe agenda. Veurdet veur de Vastelaovend insjete, zal dit jaor ieërs óm 20:00 oer de vorswissel plaatsvinje. Veur nimme den aafsjied van Vors Hans Boonen en verwelkómme Sjoerd van Leipsig as nieje Vors van de Windjbuujels.
Aansjloetend zal óm 21:11 oer oppe mert door 11 prominente vastelaovesvierders de sjeut waere gelos.Daonao kèn ’t fieës losbarste in ós residentie Café Ronckenstein mèt dit jaor ’n programma mèt väöl Ruivers talent. Netuurlik zalle de winnaars van de Liedjesaovend en de winnaar van de Blageliedjesmiddig ós gaon vermake mèt häör optraejes en ouch joekskepèl de Dorsvlaegels zal häöre Vastelaovendmeziek laote klinke. Doornaeve zal de upcoming Ruiverse band Net Oet Bèd kómme optraeje.
Dees Limburgse coverband haet al mierdere kiere Ronckenstein oppe kop gezatte en zal det deze aovend gegarandeerd waer doon. Later oppe aovend zalle De Roerdassen de kroeën op ‘ne sjitterende aovend zètte mèt häör optraeje en ós laote geneete van hits as Tinder en Dae Aaje.Veur haope uch allemaol te treffe op 13 november 2015 óm same de Ruiverse Vastelaovend te äöpene tiedens ‘ne sjitterende aovend!
