Nao ein sjitterend seizoen 2011/2012 mèt Prins Eric I en zien adjudante Leon en Marc, kieke veur as niej trio oet nao 2013. ’n Aantal waeke geleje kreeg ich de vraog óm de nieje Prins van De Windjbuujels te waere. Ich wis neet wat mich gebeurde. Det ze aan mich gedach haje? Nae, det mòs eine groeëte grap zien, maar toen ich van de sjrik waas bekómme, zag ich vol euvertuging JAO!

Noe mòs ich mien adjudante gaon vraoge…; wie zólle die gaon reagere? ‘t Vraoge van häör waas ein fieës apart. De vraog sjloog in wie ein bóm. En nao twieë dieke jao’s, waas ‘t trio 2013 gebaore. Prins Eric I, doe moogs nag ein paar daag mèt dae scepter zjweije en ich bön d’rvan euvertuug des se det net zoeë good duis as ‘t aafgeloupe jaor. ‘t Zit d’r den op veur uch, maar den geit ‘t veur ós beginne. Maar kènne veur det waal evenare? Veur ós kèn ‘t i.i.g. neet sjnel genóg beginne.

Leef luuj, ‘t sjpel kèn beginne! Veur zalle wie det op vandaag geit uch vuuël via de digitale sjnelwaeg oppe huuëgte haje.

Biejnao prinselikke groete van
De Fons, Potsy en Richie.