Bèste Windjbuujelinneks en Windjbuujels,
Normaal gesjpraoke waert vastelaovesmagazine De Windjbuujel op de dónderdigaovend nao de prinsebal verkóch mer óm ‘n aantal raejene haole veur det dit jaor neet.
Daoróm vinjt de verkoup dit jaor plaats op zaoterdig 11 fibberwarie (de 11e is natuurlik ‘ne gesjikte datum).
Van tieën toet ongevieër ein oer kómme veur aan de deur mèt ‘t Sjtaatsblaad van v.v. De Windjbuujels en ‘ne poster van ‘t nieje prinselikke trio van V.v. De Windjbuujels.
Móch geur óm welke raeje den ouch de verkoup gemis höbbe of geur vinjt ‘t magazine zoe sjiek det geur nag ‘n twieëde exemplaar wilt höbbe, den kènt geur vanaaf zaoterdigmiddig nao 13:30 oer terech bie de Bruna / Windjbuujelwinkelke. ‘t Magazine kós €5,-.
Veur de adverteerders :
Normaal gesjpraoke waert vastelaovesmagazine De Windjbuujel op de dónderdigaovend nao de prinsebal verkóch en daoróm al vanaaf de woensdigaovend d’r veur bie uch as adverteerder bezorg.
Veur sjtreve d’r nao óm uch ’t magazine oppe vriedigmiddig (10 fibberwarie) te bezorge.
