Windjbuujels en Windjbuujelinnekes,

Euver drie waeke op zaoterdig 1 november is ‘t weer zoewied! De Boerebroelof verzörg dae daag weer de jaorlijkse wors- en kerboet verkoup. De lekkerste Kerboet, Blood- en Baklaeverwors van sjlegter Hoezen vintj geur tösse 10:00 en 13:00 oer bie de Albert Heijn in Óffebèk en bie Plus Savelkoul Oppe Ruiver. ‘t Boeregezelsjap 2025 zal mèt häör kräömkes bie de ingang te vinje zien.

‘t Beste niejs is mesjien waal det veur nag sjteeds lak höbbe aan de inflasie en de prieze dit jaor neet höbbe verhuuëg. Det beteikent det geur de volgende prieze bie de verkoupkräömkes zalt zeen:

Blood/baklaeverwors: € 4,25 per sjtök, 3 sjtöks veur € 12,00. (Combinere is meugelijk!)
Kerboet: € 6,00 per sjtök, 2 sjtöks veur € 11,00.

En waem wèt, loup geur nag waal ein van de nieje hoeëghede taege ‘t lief zónger det geur ‘t weit!