Windjbuujels & Windjbuujelinnekes,

“Noe is ’t aan ós óm ein sjtökske te sjrieve.”

“Waoróm aan ós? Veur gaon toch neet ónger dae hood oet kómme?”

“Nae, mer veur moge waal in groeëte getale getuge zien van de leefde van det prachtig sjtel! Noe sjient ‘t det ‘t gebroekelik is det ouch veur ós daoróm in dit 2e daagbookdeil veursjtelle.”

“Maar wat wille ze den van ós weite?”

“Ja, gewuuen wie veur de waeg nao Offebek gevónje höbbe. Veur as boere dinke netuurlik al vreug aan ós oogs. Euver ‘t boerelandj, langs de Paerssjtal, woe veur get diamante en ‘n kiep höbbe verhanjeld veur ‘n paerd, zien veur terechgekómme in Offebek. Veur höbbe namelik gehuurd det dao goeje gróndj is en det de miense dao waal weite van aanpaote. Veur zien iers begós mèt Offebek te verkènne en wie veur de ideale plek gevónje haje, zien veur begós mèt de aanplant. Dit jaor zien veur as iers begós mèt de boeremoos, die sjteit noe al efkes op ‘t veld. Det kump good van pas dit seizoen. Noe det 11-11 is gewaes, haje veur ós aanbevaole veur lekkere vastelaovesrecepte. Det beteikent ouch det veur vanaaf noe ós beste beinke veur gaon zètte. Veur kènne neet wachte óm det aan uch te laote zeen en den veural in de polonaise.“

Groetjes,
De getuge