Windjbuujels & Windjbuujelinnekes, Wagebouwers opgelet: € 500 subsidie voor Limburgse vastelaoveswagebouwers! Op 11-11 om 11.11 oer aopent de Provincie Limburg de nieje subsidieregeling veur praalwagens!Aafgeloupe donderdig maakte gedeputeerde Jasper Kuntzelaers, SLV-president Bart Maes en BCL-voorzitter Robert Housmans dit niejs onger groeëte belangstelling van de pers bekend. Vastelaovesgroepen die in ’t seizoen 2025-2026 of 2026-2027 mèt ‘ne groeëte praalwagen deilnimme of höbbe deilgenaome aan ’n Limburgse vastelaovesoptocht, kènnen einmalig € 500 subsidie aanvraoge. De Provincie Limburg stelt € 400.000 besjikbaar veur maximaal 800 aanvraoge. Op = op! Sjtart aanvraoge: woensdig 11 november 2026 óm 11.11 oer.Aanvraoge en veurwaarde:https://www.limburg.nl/actueel/nieuws/nieuwsberichten/2026/november/schraalwagen-praalwagen-e500 https://www.limburg.nl/subsidies/praalwagens Doot uch aanvraog, veur kieke al weer oet nao ós prachtige optochten op 7 en 8 Fibberwarie.
8 & 9 Jannewarie – Sjterzittingen
Windjbuujels & Windjbuujelinnekes, Dit jaor organisere veur ouch weer twieë Sjterzittinge en waal op 8 en 9 jannewarie. De Joekskemmissie haet weer ‘n sjoeën programma inein weite te dreie. Vriedig 8 jannewarie* Top 3 Liedjesaovend* Ruivers Keteerke* Tom van Osch* Band 11* Brandon Smeets* Ziesjoem!* Beppie Kraft Zaoterdig 9 jannewarie* Top 3 Liedjesaovend* Ruivers Keteerke* Koen van Soest* Band 11* De Breurkes* Dieter Koblenz* Pruuf Mar Muzikale ómliesting door Joekskepel de DorsvlaegelsOp beide aovende zörg Joekskepel de Dorsvlaegels veur fantastische muzikale ómliesting, waodoor de sfeer gegarandeerd onvergaetelik zal zien! KaartverkoupDe online veurverkoup sjtart op zondig 29 November óm 12.00 oer! Bön d’r flot bie óm uch plaats te verzekeren veur dees fantastische evenemente. Op zeuk nao ’n sjpeciaal kedo veur Körs?Gaef de magie van vastelaovend! Tickets veur ós sjterzittingen zien ’t perfecte kedo veur iddere fieësvierder. Koup uch tickets vanaaf 29 november óm 12.00 oer via: https://windjbuujels.nl/tickets/ of scan de QR codes op de posters.
Daagbook boerebroedspaar deil 1
Windjbuujels & Windjbuujelinnekes, ‘t Sjpel is begós En wat veur ein spel. Alles mót geheim blieve, veur sjpraeke sjtiekem aaf, de tillefoon maak euveroere en veur höbbe väöl lol en plezeer mèt mekaar. Veur kènne ‘t idderein aanraoje en den is ‘t sjpel van de vastelaovend nag maar pas begós. Maar efkes truuk nao ‘t sjtartpunt. ‘t Waas eine zonnige daag in september. Veur krege ein tillefoontje mèt de vroag of veur in de kómmende weak eine aovond allein thoes ware. ‘Joa, det mót waal lökke’, waas ós antjwaord. Einmaal binne gebeurde d’r ein wónjer! Veur krege de vraog of veur kómmend vastelaovesseizoen ’t boerebroedspaar wilde zien. Ós antjwaord: joa, zeker! Sjiek, zoeget maaks se mer eine kier mèt. Veur kóste aan de sjlaag en dreide ós köpkes euveroere. Wea vraoge veur as getuge? Wea vraoge veur bie ós femilie en welke angere rolle höbbe veur te verdeile? Einmaal alles op ein rieke gezatte, zien veur bie idderein langs gegange. En idderein zag volmondig jao. Os femilie is compleet! De sjónste tied van ‘t jaor is begós. Veur tèlle aaf nao de elfde van de elfde en het begint steeds mier te kriebele. Ouch oppe Ruiver begint de vasteloavond sjteeds mier te laeve. De liedjesaovond en de blageliedjesmiddig ware in idder geval weer fantastisch. Wat ein opkóms! En wat ein geweldige nummers. Sjiek óm det te zeen. Gefeliciteerd AJO en de Snuupkes mèt het behaole van de ierste pries. Ongertösse is d’r ouch witte rouk en löp d’r oppe Ruiver eine nieje prins róndj. Ouch is d’r ein nie aadwief gevónje. Ouch veur häör is ‘t sjpel van de vasteloavend begós. Veur winse häör väöl succes en plezeer mèt de veurbereidinge. Veur duike nag efkes ónger de radar óm ós verder veur te bereide op ós oetkómme 16 jannewari. Veur spreake ós.
Niejsbreef 2026-2027 – Deil 1
Windjbuujels & Windjbuujelinnekes, Vandaag höbbe veur de ieërste niejsbreef van ’t nieje vastelaovesseizoen gepubliceerd. Klik op de volgende link op de niejsbreef te laeze: Niejsbreef 2026-2027 Deil 1 Wilt geur op de huuëgte blieve, sjrief uch den ouch in veur de niejsbreef.
Daagbookdeil 1 van de nieje
De bel geit, ’t is elf euver elf. Wae belt noe zoë laat nog aan? Is mien wederhelf de sjleutel vergaete? Iets wiefelend dreij ich de deur aope. Sjtaon d’r twieë van de PK veur de deur. Ich zeen det ze sjrikke en gniffele want ich sjtaon in mien óngerbóks. Sjnel duuje ze mich ein breefke in de henj, kieke om zich haer en zien weer weg. Nao det ich de deur dich höb gedaon kiek ich sjnel wat d’r op ‘t breefke sjteit. De ierste zin is: “Ich wil ein geheim met dich deile”. D’r geit van alles door mich haer. Gaon ze mich de vraog der vraoge sjtelle? Maar wat beteikent det “Ich”? Sjlaope lök neet mier. As veur later dae aovend same in bed kroepe, laot ich sjnel det breefke zeen. Heur reaksie is geliek: “die gaon dich vraoge om Prins van de Windjbuujels te waere”. Zal ‘t ech waor zien? Väöl sjlaope doot ich dae nach neet. Gelökkig mót ich mich de volgende daag melde biej eine van de PK. Dae daag duurt lang en verlöp gesjpanne. As ich dae aovend biej dae van de PK binnesjtap, zit dao de volledige PK. Noe wuurt ‘t waal hiel sjpannend. Ze probere mich nog effe op ‘t verkierde bein te zette. Gelökkig geit ‘t verhaol sjnel ‘ne angere kantj op en krieg ich de vraog der vraoge. ‘t antjwaord luuët zich raoje. ‘t waert nog ‘ne gezellige aovend, wao ich al wat informasie krieg euver wat mich allemaol te wachte sjteit. En nog belangrieker de opdracht om ‘ne linker en ‘ne rechter te keeze. Tössedoor krieg ich de vraog of ich mien wederhelf neet effe mót belle. Ich zegk det det neet nuuëdig is want die wet al wie laat ‘t is. De volgende daag merk ich det ich ’m good geraak höb. Gelökkig zörg ‘t werk veur get aafleiding. Gedurende de daag veul ich mich weer wat fitter en kèn ich ein plan sjmede om miene linker en rechter te vraoge. Ein gesjik moment vinje om de adjes te vraoge is nog neet zoë mekkelik. Oeteindelik kump det good en zegge ze allebei volmondig jao. Noe zien v’r compleet en kenne v’r planne make. D’r kump get op ós aaf. Pekskes passe, foto’s knippe, hoesorde ontwerpe en gank zoë mer door. V’r gaon geniete van elk moment. D’r volg sjnel mier. Wat ‘n wónjer! Alaaf, De Nieje. è
Wors- en Kerboetverkoup
Windjbuujels en Windjbuujelinnekes, Op zaoterdig 7 november is ‘t weer zoewied! De Boerebroelof verzörg dae daag weer de jaorlikse wors- en kerboet verkoup. De lekkerste Kerboet, Blood- en Baklaeverwors van sjlegter Hoezen vintj geur tösse 10:00 en 13:00 oer bie de Albert Heijn in Óffebèk en bie Plus Gerdes Oppe Ruiver. ‘t Boeregezelsjap 2026 zal mèt häör kräömkes bie de ingang te vinje zien. Veur beeje ós waare aan veur de volgende prieze: Blood/baklaeverwors: € 4,50 per sjtök, 3 sjtöks veur € 12,50. (Combinere is meugelijk!) Kerboet: € 6,00 per sjtök, 2 sjtöks veur € 11,00. Aafraekene à contant of door de aanwezige QR-code te scannen en mèt ugge bank-app te betalen. En waem wèt, loup geur nag waal ein van de nieje hoeëghede taege ‘t lief zónger det geur ‘t weit!
Kinjerzitting 2027 – Duis se mèt?
Kinjerzitting 2027 – Duis se mèt? Kèns se good danse, zinge, ’ne mop vertèlle of get angers leuks laote zeen? Den zeuke veur dich! Op zondig 10 jannewarie 2027 make veur van De Schakel ’n echte showzaal. Alle kinjer van de basissjoeële moge mèt doon. Allein of same mèt vrunj en vriendinnekes! 15.00 – 17.00 oerDe Schakel, RuiverAanmelle kèn toet 9 november via kinjerzitting@windjbuujels.nlLaot zeen wat se kèns en maak d’r same mèt ós ’n sjoeën vastelaovesfieës van!
Raboclubsupport oetsjlaag
Leef Windjbuujels & Windjbuujelinnekes, Veur organisere al jaore lang de vastelaovend in ’t Windjbuujelriek. ’t hiele jaor door zien ós vriewilligers actief mèt de organisatie van ós evenemente. Dit jaor haet ós vereiniging weer mei gedaon mèt de Rabo ClubSupport actie.Met de opbrings blieve veur bouwe aan de toekomst van de vastelaovend Ós doelDe opbrings van Rabo ClubSupport gebroeke veur veur ós 7×11-jäörig jubileum – Boetegewuuen sjiek! Veur dit biezonjere moment organisere veur activiteiten veur ’t dörp, ’n programma en belaeving veur alle doelgroepe en alle laeftieje. Zaoterdigaovend op de liedjesaovend höbbe veur ‘ne prachtige cheque van €557,31 in ontvangs moge nimme! Höb geur op ós gesjtumd? Den wille veur uch bedanke!Mèt dees sjteun make veur d’r ‘ne onvergaetelijke vastelaovend van in ós Windjbuujelriek in 2027/2028
Witte Rouk
Windjbuujels & Windjbuujelinnekes,Veur höbbe niejs vanoet de PK! Witte Rouk!’t Ingrediëntenlieske is compleet, d’r waert gekaokt, de witte rouk is te zeen in ’t windjbuujelriek! De vraog der vraoge geit weer gesjteld waere, waem waert de nieje?Binnekort kènt geur ouch weer raoje via ózze website. Kiek good rondj, haaj alles good in de gate óm uch haer. Waem wet bringk det uch op ideeën.Omcirkel 23 Jannewarie alvas op de kalender, den is namelijk ós Prinsebal!
Jeugprinsebal & Paaf Alaaf
Leef Windjbuujels & Windjbuujelinnekes, DIT JAOR DOON VEUR ’T ANGERS! Op vriedig 13 november trappe veur same ’t nieje vastelaovesseizoen aaf tiedes ’t Jeugprinsebal / Paaf Alaaf!Vanwaege de vreuge vastelaovend kómmend jaor, komme dit jaor twieë biezóngere momente same:- de äöpening van ós nieje vastelaovesseizoen- ’t oetkómme van ózze nieje Jeugprins(es)!En dao blief ’t neet bie!Mèt optraejes van FEM en Timo & Dave & Zuuver Zat belaof ’t ‘ne aovend vol meziek en vastelaovend te waere! Vriedig 13 november Zaal aope vanaaf 19.00 oer Café RonckensteinVeur haope mèt ug same ’t nieje vastelaovesseizoen te äöpene!