Windjbuujels & Windjbuujelinnekes, Óngersjtond vindj geur de opsjtelling van de groeëte optoch van maondig 16 fibberwarie.  LET GOOD OP! De optoch zal vertrekken op maondig 16 fibberwarie om 13.30 oer. Veur verzeuke de deilnimmers in de categorieën einlingen/ duo’s, kleine groepen en groeëte groepen óm zich tösse 12.30 en 13.15 oer te prizzentere aan de jury ter huuëgte van Keulsewaeg 108. Daonao kènne ze opsjtelle oppe Keulsewaeg, waorbie de nummer ein ter huuëgte van de splitsing Keulsewaeg/ Ben Verstappensingel geit sjtaon. En het hoeëgste nummer bie de kruutsing Keulsewaeg/ Beukelstraot/ Theresiastraot. Veur sjtelle dus krangsum op zoeë det alle deilnimmers ouch de angere optochtdeilnimmers kènne bekieke.  De priesoetreiking zal plaatsvinje oppe mert Oppe Ruiver. Doot uch allemaol werm aan en maak d’r ein fantastisch toffe daag van! Nao aafloup van de priesoetreiking sjtart ’t boetesjpektakel mèt o.a. optraejes van Rempetemp & W-Dreej!  1. Windjbuujelcup2. Theo Sijbers (Speng) – Tied Trekker (Einling & Duo’s)3. Fluitermenie4. Roëd Gael Greunlandj – Veur make dees Vastelaovend GREAT AGAIN (Kleine groep (3 t/m 8 pers.))5. Wie ’t klökske thoes tik (Einling & Duo’s)6. Bacchus Guus I (Hoeëgheid)7. TJI crew – Thoes bezörg (Kleine groep (3 t/m 8 pers.))8. Café Poels – Ich zit in ein band (Kleine groep (3 t/m 8 pers.))9. Roeije naze – Veur sjtaon stil in de tied (Kleine groep (3 t/m 8 pers.))10. Sjpass – de Ruiver vluug veurbie (Praalwage)11. Biejeingeraap (Kleine groep (3 t/m 8 pers.))12. PSW Reuver – Det veur vandaag mèt zien alle vollop geneete. (Groeëte groep)13. Aadwief Ankie (Hoeëgheid)14. de bóntje kliek – Drek-queens die zich nieks aantrekken van de kleine kliko (Praalwage)15. de stembus (Einling & Duo’s)16. Jeugprinses JN Prinses Fleur II (Hoeëgheid)17. Mamamia – Gèn (vrouwluuj)zitting mier (Groeëte groep)18. Sjteeds Baeter (Joekskepel)19. Heksenkwadraat – Tied besjteit neet (Einling & Duo’s)20. EPS21. De wekker haet ’t begaeve (Kleine groep (3 t/m 8 pers.))22. 60 jaor zjwumbad de Bercken (Einling & Duo’s)23. Moeketoos – Veur zien de tied kwiet (Groeëte groep)24. Jeugboerebroedspaar Isa en Mees (Hoeëgheid)25. Boerebroedspaar Maxie & Bas (Hoeëgheid)26. Veur rieje de sjnelste tied! (Kleine groep (3 t/m 8 pers.))27. Noeëts nuchter believe – veur varen os Noa de kloëte (Praalwage)28. Joekskapel Biejein gezocht veur de Ruiverse optoch (Joekskepel)29. Dae geit mich oppe wekker (Kleine groep (3 t/m 8 pers.))30. Windjbuujels Jeug Prins Tjen I (Hoeëgheid)31. Ich ken miene monjd neet haaje (Einling & Duo’s)32. vastelaoves noeëdpakket (Groeëte groep)33. De Dorsvlaegels (Joekskepel)34. De Blome – Wiezoe gen Vrouwluujzitting? (Groeëte groep)35. Kwart euver de nekse erm (Einling & Duo’s)36. Hie zien v’r den – Eindeloos beer, tiedloos plezeer! (Praalwage)37. Jack en leon – The voice… (Einling & Duo’s)38. Harries Angels – Wis geur ut al? Ut beste Paerd verluuet de sjtal. (Kleine groep (3 t/m 8 pers.))39. PiGePeJoHeKa – Ruiver sjlechter Aaf, salut . (Praalwage)40. De zoete zusjes – veur höbbe alle tied (Einling & Duo’s)41. Femilie Wolters – Opa haet s’aoves de piëp oët. (Kleine groep (3 t/m 8 pers.))42. Beer en Teer (Praalwage)43. Prinsenwage44. Prins Sjuul I (Hoeëgheid)

Windjbuujelinnekes en Windjbuujels,   Vanmorge höbbe veur ós vastelaovesmagazine “De Windjbuujel” hoes-aan-hoes verkoch. Idderein wat ’n magazine haet gekoch en verkoch, dank dao veur!   Höb geur ós gemis of waart geur neet thoes? De resterende magazines zien te koup bie Bruna Reuver ❤️💛💚   Veur noe geneet van ’t waerke en veur zeen ug gaer allemaol mèt en tiedes de vastelaovend!

Leef Windjbuujelinnekes en Windjbuujels, Zaoterdigmorge sjteit de verkoup van ós vastelaovesmagazine De Windjbuujel, mèt dao in alle Hoeëgheje van ‘t Windjbuujelriek en sjmeuïg vastelaovesniejs. Dit alles prachtig vormgegaeve mèt vuuel foto’s.  Vanaaf 10.00 oer zal ós magazine hoes aan hoes waere aangebaoje. Bie aankoup van ‘n magazine krieg geur ‘ne gratis poster van ózze nieje Hoeëgheid Prins Sjuul I. Wilt geur meihelpe mèt verkoupe sjtuur den ’n berich nao redaksie@windjbuujels.nl of reageer op dit berich!  Deile moog, meihelpe is nag fijner!  Veur kènne helaas neet idder adres Oppe Ruiver en in Óffebèk aandaon dus móch geur neet in de gelaegeheid zien gewaes óm ’t magazine te koupe, den kènt geur vanaaf zaoterdigmiddig terech bie de Bruna Reuver .

Windjbuujels & Windjbuujelinnekes, Nag 1,5 waek en den is ’t vastelaovend! Op zondig trekt de Kinjeroptoch door ’t dörp en deze zal dit jaor vertrekke óm 13.11 oer. Dit jaor is vastelaoveszondig angers ingerich, direct nao aafloup van de priesoetreiking van de kinjeroptoch höbbe veur namelijk ’n fantastisch optraeje gepland. Neet zoeë mer ’n optraeje, “De kroegetoch van Lex Uiting”, de enige echte Lex Uiting dae ’n paar waeke geleeje de Ziggodome haet oetverkóch! Nao aafloup van dit optraeje begint geliek de resepsie van ózze Hoeëgheid Prins Sjuul I (Dohmen), aansjloetend waert d’r ‘ne afterparty gegaeve door de band “De Badmötse”. Noe huuëre veur uch dinke, wat daon veur den mèt aete? Nou.., det höbbe veur ouch geregeld, namelik Carlo’s zal zorge veur ’t aete! Carlo’s zorgt namelijk det veur tiedes de resepsie waere veurzeen van lekkere bruuëdjes en soep: – Goulashsoep 🥣 Goot gevuld suupke, 2 Sjakel munte – Bruuëdje hamburger 🍔 Brioche broeëd | hamburger | slaaj | tomaat | augurk | Carlo’s secret mayo | cheddar kieës | gebakken uien, 2 Sjakel munte – Bruuëdje Heite Kiep 🐔 Turks broeëd | koeël sjlaaj | Cajun kiep | Sriracha mayonaise, 3 Sjakel munte – Bruuëdje Hotdog 🌭 Wit bruuëdje | hotdog | gefrituurde uitjes | ketchup | mayonaise, 2 Sjakel munte. Veur zeen uch gaer op zondig 15 fibberwarie!

‘Veur make deze Vastelaovend!’ Hoegheid prins Sjuul I en adjudanten Max en Maik oetgeroope! Ruiver 31 januari, Nao vandaag nog 11 volle maonde te gaon in ut nieje jaor, mer veur dit nieje trio is ut hielemaol zeker; Vastelaovend kènt gèn tied’. Zoe- as idder jaor waerde gekoppeld aan t vastelaoves thema ein prachtige decor neergezatte door os bühne kemmissie, dit jaor moagte dees manne geneete van ein werme ontvangs in de bedriefshal van Johan Vossen! En auch dit jaor sting dr dankzij dees techneuten weer ein waar kunst-stôkske klaor. Ein tiedmessjiene met diverse klokke omringd die os in alle opzichte de tied leet verslaon. Os grand-café de Sjakel loog dr weer fantastisch biej op ut moment det Net Oet Bed om 11 euver 9 op gehiel eige wieze ut prinsebal oäpende met ein prachtig niej nummer. Dae opmaot waas ut sein veur Vors Jeroen om met zien PeeKaa ut podium te betraeje en dr waerde ein aantal poginge gedaon om de tiedmessjiene aan de gang te kriege. Oeteindelik belandde veur den toch in ut goeije jaor, 2026, en kos dao eindelik Sjuul Dohmen zich presenteren as Prins Sjuul I. Naodet de hoegheid bekend waas, waerde dr netuurlik in de zaal volop geraoje nao ziene linker en rechter, welke vrunj waare inmiddels waal erg lang weg om efkes te gaon plasse? As rechter en linker, waerde Max Geraedts en Maik Stroeken geprizzenteerd aan alle aanwezige Windjbuujels en Windjbuujelinnekes! Ein flitsend, jongk trio waas zoe aangekleijd en kos met ‘Danse’ laote zeen det de spanning gauw van huer heupe aaf gevalle waas. Same met de veurzitter en de dames van ut trio, waerde dr geproost, waonao Net Oet Bed verder knalde met haör show om ut Prinsebal op gang te kriege.   De hoegheid, prins Sjuul I, en zien adjudante doon inmiddels alweer ein aantal jaore meij in de Ruiverse optoch met eine wage dae gebouwd waerd. Det bouwe geit haör alledriej good aaf, want in t motto; ‘Veur make deze vastelaovend!’ zit auch de verwiezing nao de goede hendjes van dees drie vakmen. Prins Sjuul is as ongernimmer, met zien pap same actief in haör bouwbedrief veur allerlei renovatie, verbouw en tegelklusse. Met zien 22 jaor is Sjuul de ein nao jongste Prins in de historie van de Windjbuujels. Hae woent same met zien vriedin Lotte oppe Keulsewaeg, eine hook verder den de prins van ut aafgelaupe jaor. In 2016 moag hae al werm dreije in zien rol, want toen waas hae jeugprins in Offebek biej Jong Nederland.  Adjudant Max is auch woenachtig in Offebek, same met zien vriendin Loïs. Hae is veural met ut bewerke van hout erg henjig, en steit den auch biej Timaro oppe loenliest as vakman. Op dees locatie heelp hae in ut verleede auch al meij aan inkele Windjbuujel bühnes. Max is 25 jaor en dao meij de aadste van ut trio. De rol van adjudant is veur um neet onbekend, want biej Windjbuujels Jeug haaj dr dees ieër in 2017. Adjudant Maik is met zien 24 jaor auch al eine ervare vastelaovesvierder. Waas in 2011 de ieërste broedegom in ut jeugboerebroedspaar, en moag ein jaor veur Sjuul in 2015 de Offebekse jeug veurgaon as prins. Maik woent taegewoordig oppe Ruiver, same met zien Didde. In ut dagelikse laeve verdeent hae as monteur de kos biej Schreurs Verwerminge en Installaties. De adjudante höbbe oppe dinsdigaovend haöre vaste dart aovend vanoet DC Ronckenstein. Dit nieje trio haet ongeluifelik vuuel zin om ein fantastisch vastelaovesseizoen te gaan make, same met alle Windjbuujels en Windjbuujelinnekes. In ut biezunjer kieke ze den auch oet na haör receptie om dit same met uch te gaon viere. Dees receptie zal dit jaor aansjloetend aan de priesoetreikeing van de kinjeroptoch gaon starte. Waobiej de oapening waerd verzorgd door Lex Uiting en band. Dit zal rond de klok van 16:00 oer zien op zondig 15 fibruari. Auch de optoch op 16 fibruari is netuurlik ein hoëgtepunt, temier omdet de hoegheid mer de deur hoof oet te stappe, om met de prinsewage te kenne gaon trekke in de optocht! En den netuurlik nog de volgende daag ein prachtige trouweriej van boerebroedspaar Maxie en Bas op de rol! Veurdet ut zoe ver is, gaon adjudanten Max, Maik én Prins Sjuul I netuurlik nog hieël get plaetskes in ut Windjbuujelrieëk bezeuke om same met alle vierders dr get sjoëns van te maken, want ein dink is zeker; ‘Veur make deze Vastelaovend!’

Windjbuujels & Windjbuujelinnekes, Morge is ’t zoeë wied, den is ’t Prinsebal! Veur höbbe d’r allemaol ontzettend vuuel zin in en haope uch allemaol in Grand-Café De Schakel te zeen! De zaal geit aope óm 20.00 oer. De entree is 7,50 euro, en daoveur kènt geur ouch de jas ophangen. Kóm allemaol oppe tied nao de sjakel zoeë det geur nieks van de spectaculaire oetkómact mist! Net zoeëas veurige jaore zal ’t oetkómme ouch waere gelivestreamed op ózze eige facebook pagina. Haaj dus ós facebook kanaal in de gaten wannier veur live zien! Nao ’t oetkómme van ózze nieje hoeëgheid zal Net Oet Bèd optraeje! Dit wilt geur neet misse, ’t optraeje waert neet gelivestreamed, dus gewuun kómme geniete in De Schakel! Wies morge!

Windjbuujels & Windjbuujelinnekes, 🚨🛍️ VANAAF NOE IN DE (WEBSHOP): RUIVERSE VASTELAOVES-TEGELKES! 🛍️🚨 Vanmiddig lanceren veur ózze webshop én det doon veur mèt éch get speciaals: unieke tegelkes bedrökt mèt legendarische zinnen oet Ruiverse vastelaovesliedjes! Perfect veur op de kast, in de keuke, op ’t werk of as kedo veur ‘ne echte Ruiverse/Vastelaoves-liefhebber! ✅ Inclusief houten haajerke (dus direk neer te zette)🎨 Kleur van ’t tegeltje is aafhankelijk van de veurraod en kèn dus versjille van de foto’s❤️ De opbrings van de verkoup kump ten goede van ’t Nol Wassen Fonds 📍 Ouch in beperkte oplage bie Bruna verkriegbaar🛒 Online te bestellen via: www.windjbuujels.nl/webshop Kees oet besjtaonde tekste óf maak ‘m persuunlik Besjtaonde tekste:• Bye, bye, bye, Madonna• Geneet van ’t laeve• Vastelaovend bedank• Óffebek det blief Óffebek• Feng, nag eine!• Höb ich aan de lampekap gehange?• Honing aanne vot• Oppe Ruiver geit alles Leever ’n eige tekst? Det kèn ouch! Maak ‘m zoeë persuunlik as se wils: veur ’n kedo, herinnering of sjpreuk veur in hoes. (max. 30 karakters) Koste: € 11,- per tegelkeLevertied: 1 waekNao besjtelling nimme veur kontak mèt uch op euver de levering.

Windjbuujels & Windjbuujelinnekes,  PRINSEBAL!  Aansjtaonde zaoterdag is ’t zoeë wied: ’t Prinsebal van V.V. De Windjbuujels!  De sjpanning stijgt… waem waert ózze nieje Hoeëgheid?  En alsof det nog neet genóg is: Net Oet Bèd zorgt veur ’n knallend optraeje!  Verwacht van ós Ruiverse fieësband det ze de tent oppe kop zette mèt dialekknallers, bekènde Limburgse hits én uiteraard häör eige werk! 📍 Zalencentrum De Schakel 🕗 Aanvang: 20.00 uur 🎟️ Entree: € 7,50 (incl. garderobe) Waem waert de nieje? Raoj mei op ózze site, ónger dit berich of zaoterdig op ’t Prinsebal! Bekiek sjnel de letste tössestandj in dit berich of op ós website. Kóm allemaol same zaoterdig, vier ’t mèt ós, en mis dit moment neet… want dit is zónne aovend wao nag lang euver gepraot waert!

Windjbuujels en Windjbuujelinnekes, Met trots prizzenteren veur ug ‘t Boerebroedspaar van 2026: Maxie Moors en Bas Beurskens. Samen met häör getuuge: Danique Franssen, Karin de Vlieger, Renate de Been, Erik Strous, Michel Janssen en Stan van Betteraij gaon zie met häör ganse Boeregezelschap de vastelaovend veur onger häör motto: “Hiep hiep kerboet”