Windjbuujels en Windjbuujelinnekes, In ’t Plaggenhouwersriek vonj op vriedig 14 fibberwari ’t groeëte LVK plaats. De Harie’s höbbe dao mèt häöre sjlaeger “Dao hange de sjlingers” ein verdeenstelikke 7de plaats behaold. De moge veur trots op zien. Har, Jan en Nol, profisijat mèt dit geweldige rezultaat!!!
Nag ff ein berich veur ’t daagbook oppe valreep
Nag ff ein berich veur ’t daagbook oppe valreep. Veur wille de Harie’s hiel väöl sukses winse op ’t LVK. Veur haope det de sjlingers opgehange kènne waere en det de Limburgse vastelaovesvierder huuërt wat veur eine waordkunstenaer ós Windjbuujelriek riek is. Nol geur ouch toitoi al is ’t den dit kier veur de tillevisie! En taege dae van de ellef wil ich zègke. Ich sjlaop neet mier óm presies die twieë raejene. De sjpanning sjpeelt zeker mét. Maar mien blage bezorge mich ouch get kopzörg… Leef Windjbuujellinnekes en Windjbuujels toet zaoterdig in de Sjakel; veur zien sjtartklaor. Ziet geur klaor veur ós? Captain Crazy, zien co-pilote en natuurlik ós sjtewardesse die ós noe nag ff good in de watte lègke…
Jeugprins Nick I kiek truuk en veuroet
In ’t nieje daagbookdeil kiek Juegprins Nick I truuk maar zeker ouch veuroet. Gangk maar ‘ns sjnel laeze.
Wat ’n sjoeëne weekende
Leef Windjbuules en Windjbuulinnekes, ’t Waas weer ’n te gekke waek. Vriedig ’t aaftraije van noe Ex Prins Sjoerd I, zaoterdig met ‘nne groep Zweedse jonges en maedjes nao Amsterdam (oetwisseling van sjoel) en zóndig ’t sjpetterende KVL. Wat höbbe veur ós dao as Windjbuujels Jeug good oppe kaart gezatte in Vastelaovendlandj. Kommend weekend geit ouch ‘t daak der weer aaf. Vriedig in Boalder wao veur mèt de Windjbuules jeug nao ’t jeugprinssetreffe gaon. Dao zulle veur zorge det ‘t weer ’n sjoeën fieës wuuërt. Zaoterdig in de Sjakel. Doa mot ‘t daak der waal aaf veur de lanjing van ózze Captain Crazy en zien bemanning en zóndig geit ’t glaze hoes weer aope veur de nieje jeugprins van Óffebek. As letste wil ich de Haries namens Windjbuujels Jeug hiel vuuël sukses winse in de finale van ‘t LVK. ‘t Geit lekker mer ken nag gekker! Jeugprins Nick I
Wat ’n sjoeën plaetjes van ’t KVL
Jac Vullers haed wederom sjoeëne foto’s gemaak van ’t KVL. Kiek mer ‘ns sjnel. ’t Wachwaord is: windj
Gebroek #vvdw14 op ’t Prinsebal 2014
Gebroek #vvdw14 veur ‘t Prinsebal 2014 en ugge tweet kump messjiens zaoterdig op ‘t sjerm waal veurbie!
Sjlaopeloze nachte…
’t Aaftelle is begós. Nag 4 nachte sjlaope. Sjlaope? Ich doot gen oug mier toe. Man, man, wat is dit ein versjrikkelikke zenuwsjlopende waek. Gen zin mier óm te werke maar ’t waal nag enorm drök höbbe; dinks maar aan ein dink. Wil al vanalles gaon regele mèt mien adjudante maar veur kènne nag nieks. Veur mótte wachte toet nao zaoterdigaovend. En normaal vluug de tied veurbie maar ’t liek waal of ilke minuut noe ein half oer duurt. ’t Sjuut neet op…óm gek van te waere… Efkes truuk kieke op aafgeloupe weekend. ’t Aaftraeje van inmiddels eks-prins Sjoerd I. Mien sjpionne höbbe good werk geleverd en vertelde mich det ’t weer ein groëet fieës waar mèt ein fantastisch filmke en ‘n dokter Bibber act van de EPS. De KVL finale in de Sjakel mèt ós eige Lalaladies die ein 4de plaats höbbe behaold. Profisiat Ladies, det höb geur super gedaon! ‘t Gastebook: Aadwief Andrea bedank en veur winse dich ’t zelfde. Wieniewaagt: Hou mich waal ens oppe doem mèt ‘ne hamer en höb de haor ouch waal ens rech oppe kop sjtaon maar of det van de sjtroum is? Nao mien werk gaon ich mèt de auto en bie hiel fein waer mèt de fiets. Drink gaer ein glaeske beer en höb gen tied veur ein bad dus det wuuërt douche. As mien doef oppe tied truuk is den laot ich häör weer oetvlege en angers is zónne meel waal mekkelik. En leuk det geur mich oetnuuëdig veur eine kier te kómme aete… Vrouw van ‘ne eks-prins: geur hoof neet mieër te sjleipe Eks-prins Eric I: leuke konklusies! En toet zaoterdig… Bienao nieje prins? Maar dees waek nag efkes Captain Crazy… Mèt de groete van mien co-pilote
’t Prinselik verveur is (bienao) klaor
Mèt dank dit jaor aan KIA Noorderpoort Venlo moog de Nieje same mèt zien adjudante maar leefs twieje waeke van deze sjieke KIA Optima gebroeëk make. Zelfs de belettering is d’r al (bienao) klaor veur.
Veur winse alle KVL finalisten hieël vuuël sukses
Vanaaf dees wille veur alle KVL finaliste alvas hieël vuuël sukses winse veur morge. De zaal zuut d’r in idder geval sjieëk oet en de organisasie is d’r klaor veur. Veur höbbe zin d’rin!
’t Volgende daagbookdeil van de Nieje.
Vandaag haed de Nieje weer gesjreve. ’t Begint mèt … Ililk inj haet ein nie begin… de res mot geur maar efkes laeze in ’t daagbookdeil.