Bèste Hoeëgheid Prins Sjoerd I, adjudante Andy en Stan, Veur uch nadert ’t inj en det zal zeker efkes pien doon maar geniet van vanaovend want as geur zoeë fieës wie det geur ‘t ganse jaor gedaon höb den sjloet geur aaf mèt ein knalfieës! Det verdeent geur want uch operasie is diek en döbbel gesjlaag!!! Ich wins uch den ouch alle gelök en rös toe want ouch det höb geur verdeent. Veur ós dao en taege brik d’r ein nie begin aan. De lètste puntjes waere oppe i gezatte en veur druime al euver de lanjing in de Sjakel vol mèt enthousiaste Windjbuujelinnekes en Windjbuujels die net as veur zin höbbe in ‘n fieësje. De sjpanning sjteig en de aetlös wuuërt minder. Aaf en toe bekruup mich ein geveul det ich maar moeilik kèn ómsjrieve. Weit neet wat ’t is. Wat ouch sjteeds lastiger wuuërt is ’t lege. Doe wèts op ‘n gegaeve moment nimmer wat se mós zègke, maar ouch det huuërt bie ‘t groeëte sjpeel van ‘t prins –en adjudantsjap! Veur wachte gewuuën nag effe ein waek en den wuuërt de druim werkelikheid! Noe get reaksies op ’t gastebook:Ich bön hiel blie veur de miense van de T.O.D. det zie op ’t goeje sjpaor zitte, blief oplette en haaj ós good in de gate…lol. Man van ’t maedje van de Leewerveltwaeg, wat leef van uch det geur uch zorge maak, maar det is nörges veur nuuëdig. Veur kriege alles mei al is ‘t op aafsjtandj! Op miene laeftied mót ich good oetgerös aan dees taak beginne en kèn ich ‘t mich neet leiste óm volgende waek zaoterdig wie eine meuge herder in de Sjakel te sjtaon. Den kèn ich mich baeter van te veure sjpare neet waor?! Wat betref ‘t KVL wins ich alle betrokke luu väöl sukses zóndig en haop ich det ’t ‘n geweldig groeëte happening wuuërt wao gans Limburg van kèn genete en det me nao aafloup zaet:”dao oppe Ruiver geit ech alles.” Nag ein dingk det ich neet moog en wil vergaete…SJEIV: wat waar ’t sjoeën in Ahoy, kort maar krachtig en ós prinses haet genaote van uch… Volgende waek laot ich weer mieër van ós hure. Wins uch allemaol ein geweldig weekend. Captain Crazy en crew…
Insjrieve veur de Kinjeroptoch vanaaf noe!
Vanaaf noe kènt geur ’t insjriefformulier downloade veur de Kinjeroptoch op zóndig 2 mieërt. Hieël vuuël sukses alvas mèt alle veurbereidinge en knutselerie. Same mèt uch gaon veur d’r besjlis weer ‘nne leuke kleurrieke gezellige optoch van make.
Advocatenkantoor Berden
http://www.advocatenkantoorberden.nl/
AH Reuver
https://www.ah.nl/winkel/albert-heijn/Reuver/Rijksweg/1652
Aviso Communicatie
http://www.avisocommunicatie.nl/
Nieje foto’s van de aafgeloupe evenemente
Via ’t online foto-album van fotograaf Frank Stevens kènt geur vuuël foto’s bekieke van de aafgeloupe evenemente. Geweldig om weer efkes truuk te zeen.
t Geit noe al lekker maar ‘t kèn de kommende weake nag GEKKER
Leve Windjbuujels en Windjbuulinnekes, ’t Twieëde weekend is al weer veurbie. ’t Waas hielemaol TOP. Vriedaag ‘nne geweldige aovend bie ’t oetkómme van Bacchus Olaf I en zien Bacchanten en zaoterdig krege veur ouch ‘t goeije niejs det de Ruiver mèt de Harie’s weer nao ‘t LVK moge. Vanoet de jeug ‘nne dieke profisiat, ouch aan Nol Wassen. ‘s Aovends moogde veur ós als Windjbuujels Jeug en dansgarde weer prissentere oppe Sjterzitting. Gaaf! En zóndig waas ‘t ‘nne biezonjere daag! De jeugprinseresepsie. ’t Waas mèt ein waord FANTASTISCH! Ich wil same mèt mien adjes idderein bedanke veur de vuuële felisitaties en kado’s en de sjoeën wäörd die idderein ós toesjprook! ‘t Geit noe al lekker maar ‘t kèn de kommende weake nag GEKKER! Mèt prinselikke groet Prins Nick I ‘t Geit al lekker mer ‘t kèn nag gekker
Jeugprins Nick en zien adjudante Mike en Jean Paul bedanke uch
’t Twieëde daagbookdeil van ózze kerverse Jeugprins sjteit in zien daagbook. Nick kiek same mèt Mike en Jean Paul truuk op ’n geweldig weekend. Laes mer ‘ns sjnel verder.
Felisitaties van ’t nieje trio aan Nol en de Harie’s
De Captain en zien co-pilote bringe häör felisitaties oet aan Nol Wassen en de Harie’s in ’t nieje daagbookldeil.
Kiepevel, traone in de ouge, wat ’n geweldig niejs!
Profisiat Nol Wassen en de Harie’s mèt uch finaleplaats in ’t LVK. ‘nne Lach en ’n traon ligge doeën biejein. En den Bacchus Olaf I veur dich en dien Bacchusklöp ouch ‘nne dieke profisiat. Ich weit ’t zaeker, alle remme gaon los. Vastelaovend 2014 sjteit in de sjteigers. Nog 2 waeke en den moge veur ós ouch bekend make. En om ’t uch get mekkelikker te make met raoje hiej ’n paar antjwaorde op vraoge oet ’t gastebook. Ich bön ‘nne Windjbuujel in hert en neere, dus Ruiver of Óffebek wat maak ’t oet. Sjportief en muzikaal en in de optoch gaot geur mich dit jaor zaeker zeen! Wat mien co-pilote betröf zie woeëne allebei in ós sjoeëne Windjbuujelriek. En ich bön mier as ‘nne kier ‘verhoes’ in mien laeve. Zelfs ‘nne kier nao ’t ‘boetelandj’. Maar waas nao dae tied blie weer truuk te zien oppe Ruiver. Maar…wieniewaagt! En Pieter II, met sjporte is ’t de ein waek ‘nne groeëte bal en de anger waek ‘nne kleine. Is mich om ’t aeve! Jeugprins Nick I, Jean Paul en Mike geneet van uch resepsie morge same mèt Windjbuujels Jeug en veur alle Windjbuujellinnekes en Windjbuujels die vanaovend nao de 2de zitting gaon, hiel vuuël plezeer! ’t Hingk in de lóch… Captain Crazy en zien co-pilote.