Naodet bekend is gewaore det de Harie’s in de LVK finale sjtaon, is ’t ’n komme en gaon bie huize Wassen van Windjbuujels en Windjbuujelinnekes die de finaliste en tekssjriever felisitere. Inmiddels wuuërt ’t fieësje bie ós rizzedensie veurtgezatte.
De Harie’s nao de LVK finale
Vanmorge is bekènd gewaore det de Harie’s (Har Geraeds en Jan Stinges) mèt häöre sjlaeger “Dao hange de sjlingers” van de handj van Nol Wassen, zien doorgedronge toet de groeëte finale van ’t LVK in Grubbevors. De sjpanning waas om te sjnieje, want net veur twellef oer, as ein nao letste liedje, waerde Nol en de Harie’s bezoch door Tom Doesborg van L1 radio. Names alles en idderein winse veur uch prefisiat en hieël vuuël sukses op 14 fibberwari in de finale van ’t LVK.
Prefisiat Bacchus Olaf I
De twieëde hoeëgheid van 2014 is Bacchus Olaf I. Hae zal same mèt zien Bacchusklöp de vastelaovend viere ónger zien motto “Alle remme los”.
Prins Sjoerd sjrief zien letste daagbookdeil
Beste Windjbuujels en Windjbuujelinnekes, De ieërste nieje is d’r alweer, Prins Nick mèt zien adjes Jean-Paul en Mike. Wat waas det eine gezellige aovend. Geweldig inein gezatte door de kemissie en de jeugdleje zelf natuurlik. Aad help jónk en angersom, geweldig, zoe huuert ‘t. Laes verder >>
De letste kieër
Beste Windjbuujels en Windjbuujelinnekes, De ieërste nieje is d’r alweer, Prins Nick mèt zien adjes Jean-Paul en Mike. Wat waas det eine gezellige aovend. Geweldig inein gezatte door de kemissie en de jeugdleje zelf natuurlik. Aad help jónk en angersom, geweldig, zoe huuert ‘t. Veur zien ape trots as trio det veur dit höbbe moge meimake. En zeker nao de ieërste sjterzitting van veurige waek. Wat waas det sjoeën. Veur kènne gruuets zien oppe Ruiver. Wat höbbe veur ein talent rondjloupe in dit dörp. As se kieks wat ein plezeer idderein haet op zónne aovend, den sjtraole veur as trio hielemaol. Vanaaf moment ein sjtong idderein op de taofels!!! Wat mót det zaoterdig gaeve…..? En den die joekskapel De Dorsvlaegels, geweldig manne wat kent geur blaoze… En den de nieje dames van ’t Ruivers Kerteerke (Ruivers Gezjwets). Super dames complimente veur uch. En as den ouch nag ens kieks nao Band 11……goejedaag wat ein geluid en ein enthousiasme: chapeau hiere en dame. En as veur den ouch nag nao de kinjerzitting moge kómme, wao ein paar hóngerd kinjer dich mèt eine sjmile van hie toet Kölle aan ligke te kieke, ja den sjmelts se toch gans weg. De jeug haet de toekoms det höbbe ze aafgelaupe zondig waal beweze… . Maar miense de pallets zakdeuk zien al besjteld en ’t aaftelle is bie ós ech al begónne. Wie eine van de prinsekemissie al zag taege mich…..Hoeëgheid doe kèns ’t baeter verlere den des se ’t noeits höbs gehad!!! Det klop waal mót ich zègke. Dit waert ózze letste mail in t daagbook, veur wille de nieje hoeëgheid mèt zien adjes hiel vuuël sukses winse mèt häör optraeje tiedens deze vastelaovend. Maak d’r get sjoeëns van en geniet d’rvan want ’t is zoeë ………………… As geur zin höb kènt geur 7 fibberwarie kómme nao de residensie van de Windjbuujels, óm ’t aaftraeje van mich en miene linker en rechter mei te make. Veur gaon den nag eine kier knalle mèt uch. Bedank veur alles geur waas ein geweldig volk óm ós haer. Veur höbbe genaote van uch. Zoe huuërt vastelaovend te zien……… Al met al waas ’t ein gesjlaagde operasie!!! De vastelaovesgroete van bienao eks-Prins Sjoerd en ziene linker Stan en rechter Andy
’t Ieërste daagbookdeil van Jeugprins Nick I
Leve Windjbuujels en Windjbuulinnekes, Wat waas ’t al super! Ich höb same mèt mien adjes Mike en Jean Paul en de ganse Raod en dansgarde al ’n geweldig ieërste weekend gehad. Afgeloupe vriedig was hielemaol top. Ich had bes waal wat spanning maar toen ich einmaol in de spotlight sjting bie de oetkòmact waas det hielemaol weg. Veur zien de vastelaovend al erg good begos. Ich laef noe noch mèt de miense mei die ‘t waal al weite maar ‘t nag neet moge zegge. SJPANNEND! Veur höbbe d’r zin in om same met de groete Nieje, de nieje Bacchus, ’t niej Aadwief, Boerebroedspaar, jeugboerebroedspaar en de Jeugprins van Óffebek ‘nne te gekke Vastelaovend 2014 van te make. En tot dae tied zal ’t zeker neet minder te gek zie! Mèt prinselikke groet Prins Nick I ‘t Geit al lekker mer ‘t kèn nag gekker
’t Geit lekker, mer ’t kèn nag gekker! gesjreve door de nieje
Prefisiat Jeugprins Nick I en adjudante Jean-Paul en Mike. ’t Kèn inderdaad gekker en det gaon veur euver 3 waeke bewieze. Laes verder >>
’t Geit lekker, mer ’t kèn nag gekker!
Prefisiat Jeugprins Nick I en adjudante Jean-Paul en Mike. ’t Kèn inderdaad gekker en det gaon veur euver 3 waeke bewieze. Same gaon veur d’r mèt de nieje Bacchus, ’t nie aad Wief, Boerebroedspaar, jeugboerebroedspaar en de jeugprins van Óffebek veur zorge det vastelaovend 2014 in de beuk kump te sjtaon as TE GEK! Maar veur mótte dus nag ff wachte en toet dae tied geit ’t met ós gewuuën lekker. Veur veule de sjpanning en höbbe alweer ’t ein en anger meigemaak. Leuk om te hure in mien omgaeving is det me al wèt wae de nieje Prins wuuërd. Kènne ze bie de kinjeroptoch ’t prinsraoje aafsjaffe! Grapje, ech neet. Blief raoje want zoe sjteunt geur de kinjeroptoch dae vastelaoveszóndig weer door ’t Windjbuujelriek trek. Aafgeloupe weekend waas eigelik de sjtart van ’t nieje seizoen mèt ’t jeugprinsebal, de ieërste zitting en de kinjerzitting. Van hure zègke waas det allemaol top. As dit ’n voorbode is van wat nog allemaol geit kómme den kènne veur ós de bors naat make. Toet hiel sjnel weer… Captain Crazy en zien co-pilote.
Kompilasie ieërste Sjterzitting 2014
Veur de persoeëne die gister zien gewaes, de miense die nag nao de twieëde zitting komme of veur degene die ’t gaon misse … bie deze ein kompilasie van de ieërste Sjterzitting.
Nieje website
Op vriedig 24 jannewarie is de nieje website op ’t jeugprinsebal gelanceerd. In ‘nne nieje sjtiel mèt nieje functionaliteiten en nag mieër informasie wille veur uch gaer oppe huuëgte haje van ós vereiniging en ós evenemente. Nag neet alle pagina’s zien gepubliseerd en her en der zal de site verder gefinetuned waere. D’r wuuërd i.i.g. hel gewerk om de ontbraekende pagina’s zoës o.a. de ere-galerie en de sjponsore sjnel zichbaar te make. Höb geur vraoge euver de website den sjtuur ein mailtje nao pr@windjbuujels.nl.