Wie idder jaor, gaon veur medio september de prinsesjteek van de nieje Prins en adjudante oetzeuke. Ouch dit kieër höbbe veur same met Tonny Geraads van ’t Versierhoes van der Veer sjoeëne oet-de-kuns exemplare oetgezoch. Sjtap ein is gemaak. Euver ’n tiedje sjtap twieje.

Mèt SponsorKliks kèns se zelf ’n financiële biedrage levere aan ós vereiniging, zonger dèt ‘t dich ‘ne cent extra kos!

Ouch dit jaor duit ós vereiniging weer mei mèt de Rabo ClubSupport actie. As Rabo-lid kense idder jaor sjtumme op dien drie favoriete clubs. Dit jaor ken dèt van 4 t/m 26 september. Deil de poster / dit berich op de socials en sjtum in September op ós vereiniging om ’n biedrage te leveren. Alvast hertelik dank! 

Leef Windjbuujelinnekes en Windjbuujels, Bekiek hie breef inzake Dansgarde Windjbuujels Jeug. Names ‘t besjtuur van V.V. de Windjbuujels alvas hertelik dank! Gijs Huijbers Jeugzake Windjbuujels

……en det ougste, dèt is good gelök!!! Veur ós waas ‘t erg sjpannend wie de Vastelaovend zól gaon verloupe dit jaor. De verhaole van diegene die ós veurginge klónke altied fantastisch en jao, hie waas ouch ech nieks van gelaoge….’T WAAS FANTASTISCH! Idder jaor geniete veur volop van de Vastelaovend, maar dit jaor waar d’r ‘ne mèt ‘n gouwe rendje (op ’t moos?) Veur höbbe as boere vuul dinge mei moge maken die normaal aan ós veurbie ginge, vuul nieje miense liere kènne en veural hiel vuul sjoeëne herinneringen moge make. Super fijn det dit same mèt al die angere geweldige hoeëghede en gezelsjappe van dit jaor moch zien! Mèt gezónje sjpanning sjtinge veur ónger dae hoeëge hood te wachte toetdèt gans ‘t Windjbuujelrieëk moch weite dèt veur ‘t nieje boerebroedspaar zien veur dit vastelaovesseizoen. Mèt ós getuuge, Gerard en Gitte, höbbe veur gruuets ós boeregezelsjap zeen binnekómme. Wat zoog det d’r sjiek oet! Same mèt ‘t ganse gezelsjap höbbe veur oetgekeke nao deze aovend. ‘t Fieës kos losbarste en det is zeker ouch gebeurt! Vanaaf deze daag sjting, toet en mèt aswoensdig, alles op ziene kop veur ós. Foto’s knippe, bezeukskes aan hoes, recepties, de sjoeële langs, de sjleuteleuverdrach, in de optochten mei, fieëste….. Gank zoeë maar door, maar veural genete van idder moment en van elkaar! Dinsdig waas ech ‘ózze daag’: de Boerebroelof bie de Paerssjtal. Zónne daag dae veur noeits mei haje dinke te make. ‘Nog eine kier same trouwe’, det is toch waal hiel erg biezónjer. Wat gaaf dèt d’r zoevuuel miense deze daag mèt ós zien kómme viere. Weitende det ós nog hiel get te wachte sjteit, kwaam d’r mèt ‘t sjtrieke van de Windjbuujel veurluipig ‘n einde aan deze joeksige tied. De daag vloge veurbie. Mèt hiel vuul plezeer kieke veur truuk op dees daag en sjtiekem beginne iddere kier weer ós snuutjes te sjtraole! ‘knalle toet de letste daag’! Boerebroedspaar Luc & Ans

Ein van de vuele, sjoeëne dinger van Prins van de Windjbuujels zien, is det ‘t neet ‘n paar waeke of maondje duurt maar ‘n gans kalenderjaor. Neet allein höbbe mien adjudante en ich daodoor nog vuul óm nao oet te kieke, ouch blief det ‘t Prinssjap laevendig haje. Hoewel det eigelik bienao vanzelf geit… Aangesjpraoke waere mèt hoeëgheid (wat veur mich neet per se hoof), vergaderinge as gas-besjtuurslid van de Windjbuujels maar veural as ich in hoes de trap op loup. Dao lik namelik ‘n kamer vrie, ‘n saort logeerkamer die door mien vrouw Anneke ouch waal gebroek waert as mien gesjnurk weer ens neet te harden is. Dae höbbe veur nao de Vasteloavend ingericht as ‘Prinselike logeerkamer’. Ich zal uch d’r ens in meinimme… Uiteraard hange aan de moere foto’s en posters van ós as trio én de proklemasie dae mich duit dinke aan wie sjiek de Sjleuteleuverdrach in ’t gemeintehoes waas. Maar ouch ’n aantal plenkskes en zelfs ’n straotnaambördje mèt miene sjpreuk. Verder ’n flink aantal medalies van angere hoeëgheden die mien gedachte truuk laote gaon nao al die prachtige resepsies. Metein in ’t oug sjpringk ós eige medalie, gemaak door Eline, mèt al die details euver ’t trio van 2023. Miene mantjel, blouse en sjaal hange keurig op ’n paspop, röstig wachtend op ’t moment det ze weer aangetrókke gaon waere. De witte handsjoon, die nao iddere Vasteloavesdaag neet mier zoe wit oetzoge, ligke d’rnaeve. En natuurlik de vaere, inmiddels lichtelik gekneus omdèt ich nao de Prinsenfoto in de Maaspoort hevig mós toiletteren en neet in de gate haaj des se veurzichtig mós zien mèt ’t sjloete van ’n deur in ’n dergelik kleine ruumte. In de hook sjteit ‘ne kas vol cadeaus, variërend van ’n EHBO-köfferke veur Ierste Hulp Biej Carnavalskaters, ganzevaere en inkpötjes, beerviltjes, miniatuurvrachtwages én zelfs ’n heus Prinselik riejbewies (det helaas op 11-11-2023 weer verlöp). Óngeraan in dae kast nog ’n aantal Windjbuujelmagazines die ich nog geregeld zal gaon doorblajere en ‘ne groeëte bak mèt talloze kaarten mèt felicitaties, dök mèt ‘ne zier persuunlike boeëdsjap d’rop. Op de vinsterbank prieke ’n aantal knutselwèrkskes van de kinjer van Pinkeltje en ‘ne miniatuurprins van mien euverbure van PSW, die ich mèt de Vasteloavend nog dök taege ’t lief bön geloupe. Verder nog de krat beer van de femilie Martens die veur bienao weggegoeid haje, neet weitende dèt d’r ‘n fors geldbedraag in versjtop zoot. De verdere veurraod drank dae veur as trio gekregen höbbe en vervolgens keurig verdeild (Maurice én ich get mier as Jasper, de vaster), is in mien geval inmiddels bienao op. Ouch genete kèn se immers ’n gans jaor. Soms betrap ich michzelf d’rop dèt ich ff nao binne kiek, mèt ‘ne glimlach op mien gezich. Ich haop det ich det kómmende jaore nog regelmaotig blief daon. Prins Mark I – Neet te besjrieve!

Deil 3 van ózze niejsbreef kump d’r sjnel aan!  In deze niejsbreef kump ónger angere aan bod: – Truukblik Prins Mark I ✍- Truukblik Boerebroedspaar Luc & Ans 🥦- De vastelaovesseizoen aftermovie 🎥- Oetsjlage optoch 🏆- Bekendmaking thema Vastelaovend 2023-2024 🎨- Aankómmende evenemente 📅- Lid waere 🫵 Wilt geur de niejsbreef ouch ontvangen en as ieërste weite wat ’t nieje thema waerd? Meld uch den sjnel aan op de website via: https://windjbuujels.nl/aanmelde-niejsbreef/

Insjture van uch vastelaovesliedjesWilse dit jaor mei daon met ózze liedjesaovend en/of de blageliedjesmiddig?Veur nuuëdige alle zangers, zangeresse en tekssjrievers oet óm uch vastelaovesliedjes in te sjture veur ós liedjesweekend. Hulp nuuëdig met ‘t liedje?Sjtuur veural ‘n mailtje nao de liedjeskemissies via: blageliedjesmiddig@windjbuujels.nl en liedjes@windjbuujels.nl of nim kontàk mèt ós op via de socials. Veur huuëre gaer van uch! Veur in de agenda:Vriedig 1 September: einde insjrieving LiedjesaovendMaondig 11 September: einde insjrieving BlageliedjesmiddigOktoeëber: Rippetisies mèt ós live-band veur de Liedjesaovend (datums volge nog)Zaoterdig 28 Oktoeëber: LiedjesaovendZondig 29 Oktoeëber: Blageliedjesmiddig

Goeiemorge Windjbuujels en Windjbuujelinnekes, Dao zien veur weer, gaer wille veur ós aankómmende evenement aankondige i.s.m. Blaoskepèl Zuuver Zat Ruiver én Schutterij St. Barbara Reuver . Op 9 september zal ’t Windjbuujelcup sjete plaatsvinje op ’t sjuttersterrein van Schutterij St. Barbara Reuver. Aanvang zal zien: 15.00 oer.Sjeetkaarte koste 6 euro per 3-tal. PS: Binnekort make veur ’t nieje thema bekend via ózze niejsbreef. Wilt geur deze ouch ontvangen? Sjrief uch hie in: https://windjbuujels.nl/aanmelde-niejsbreef/ #vvdewindjbuujels #windjbuujels #vastelaovend #opperuiver #reuver #limburg #windjbuujelcup #neettebesjrieve #zuuverzat

Oetsjlaag Groeëte Optoch 2023 Categorie einlinge & duo’s1. nr. 24: Tom Tom2. nr. 19: De boeëdsjappe sjteige omhoeëg3. nr. 12: Van… Categorie kleine groepe1. nr. 16: Tipi’s Ruivers2. nr. 27: Danse Pauze3. nr. 30: Veur sjpele aope kaart Categorie groeëte groepe1. nr. 15: Euversjtaekend wild2. nr. 6: Nao 7 jaor is ’t weer zoe wied…3. nr. 26: De Dansmargrietjes Praalwages1. nr. 32: Veur gaeve ’t door2. nr. 21: Veur sjlaon de vastelaovend aan de haok Sjpaspries: nr. 21: Veur sjlaon de vastelaovend aan de haok Windjbuujelcup (de deelnemer met de meeste punten): nr. 15: Euversjtaekend wild