Euver 4 waeke op de 11de van de 11de äöpene veur de vastelaovend mèt ós evenement Paaf Alaaf! ⏰ Ózze äöpening van de vastelaovend zal plaatsvinje bie De Paerssjtal. De zaal is aope vanaaf 20.00 oer. Tiedes Paaf Alaaf höbbe veur ’n aantal sjoeën optraejes veur uch op’t programma sjtaon. La Bamba & Nomi Stern en ós Windjbuujels sjlaegers traeje op. 🎤 Verder zorgt Joekskèpel De Gresbuus veur de muzikale ongersteuning. 🎷 Veur haope met ug same de vastelaovend te äöpene, det is toch #oetdekuns 🎨

Leef Windjbuujelinnekes en Windjbuujels, Op zaoterdig 28 Oktoeëber en zondig 29 Oktoeëber is ós jaorliks liedjesweekend! 🎤 D’r waerd door ós deilnimmers al drök geoefend. 🎙🚿 Gruuëts zien veur op ós 10 deilnimmers van de liedjesaovend dit jaor in volgorde van optraeje. 🧑‍🎤 1. EPS – As veur allemaol as letste blieve2. Thei en de boerebroelof – In ôs café3. Friet Speciaal – Ode aan de rie4. Joekskoër toujours – bäöke van ’t lache5. Jac en de WW-kemissie – De windjse Windjbuujel6. Fischermenfriends – Wao bösse haer7. Ymke, Marlou en Twan – Wakker8. Trio 2023 – Veur wille neet winne9. Veterane – Nag ein rundje10. Thei – Eigelik Praktische info:Zaal aope 19.30 oerAanvang 20.00 oerMuzikale begeleiding door ós prachtige Liveband & De Dorsvlaegels 🎷Entree: €5,- Ouch zien veur gruuëts op ós blage die dit jaor allemaol meidaon op zondig tiedes de blageliedjesmiddig! 🥇 1. De Sjieke Maedjes – Veur make-uppen os roed en geel en greun2. Lizzy en Yara – Vastelaovesrecep3. Trio gesjat en de rietjes – Lier de vastelaovend4. Trio Jong Nederland – Ff neet chille5. De confettiknallers – Vastelaovessafari6. Dide en Sara – Veur blaoze op die toët7. Sem & Fem – Nog efkes blieve Praktische info:Zaal aope 14.30 oerAanvang 15.00 oerMèt optraekes van ós dansgarde & De Rebelsje Poete🎉Entree: gratis Gaer zeen veur uch allemaol op zaoterdig 28 Oktoeëber en zondig 29 Oktoeëber in de Sjakel!

Leef Windjbuujelinnekes en Windjbuujels, Dit jaor haet ós vereiniging mei gedaon mèt de Rabo ClubSupport actie.Höb geur op ós gesjtumd? Den wille veur uch hertelik bedanke! Uch sjtumme höbbe ós as vereiniging €471,04 opgeleverd. Dit bedraag zal den ouch nao ós opgegaeve doel gaon, namelik Windjbuujels Jeug ❤️💛💚 Nogmaals hertelik bedank allemaol veur ’t sjtumme!+

Wors en Karboet Verkoup Boerebroelof – zaoterdig 4 november 2023 De Boerebroelof Ruiver-Óffebek organiseert ouch dit jaor de worsverkoup vanoet twieë mertkräöm. In Óffebek vindj geur deze kraom bie supermert Jan Linders Reuver en oppe Ruiver bie PLUS Savelkoul Reuver. De verkouptieje zien tösse 10:00 en 13:00 oer, bön d’r dus sjnel bie, want op = op. Wilt geur verzekerd zien van lekkere Karboet (= Balkenbrij), blood-of baklaeverwors kènt geur ouch uch besjtelling veuraaf doon, dit werk as volg: Geur sjtuurt ‘n mailtje mèt uch contactgegaeves (Naam en mobiel-tillefoonnummer) én uche veurkeur veur ‘t ophaole (Óffebek of Ruiver) nao boerebroelof@windjbuujels.nl en veur zorge det uch besjtelling klaor lik bie de mertkraom. Ózze veurkeur geit oet nao ein betaling per betalingsverzeuk/tikkie, deze zal nao uch mobiel nummer waere versjtuurd . As geur neet in de gelaegeheid ziet óm digitaal te betale vraoge veur óm zoeväöl meugelik gepas te betale. Wat vindj geur op 4 november in ós mertkräömke en wat zien de kóste vraog geur uch aaf? Karboet/Balkenbrij per sjtök: €62 stuks karboet veur €11 Bloodwors per sjtök: €4,25 Bakleverworst per sjtök: €4,25 3 worsten veur € 12 Toet den!!!

Soms zien d’r momente in ’t laeve, die zien “neet te besjrieve!” Den zien veur efkes sjtil en zeuke veur nao wäörd. Zoeë ouch wie veur aafgeloupe waek totaal onverwachs ´t dreuvige berich krege det veur vuuel te vreug aafsjied mótte nimme van ós aad-besjtuurslid en ierelid. Vol ongeluif deej dit niejs de ronde binne ós vereiniging. Ben waas besjtuurslid van De Windjbuujels van 1999 t/m 2011, waovan ruum 10 jaor as penningmeister. Ben noom zien taak as penningmeister oeters serieus en de cente van de vereiniging ware den ouch in gen baetere henj as die van Ben. Ben waas ‘n sjtabiele en onmisbare krach: ‘ne man wao se van opaan kós, wao ze op kós bouwe en op kós vertroewe! Pünktlich wie hae waas haaj Ben zien zaakjes altied op orde! Ben waas genne miens veur oppe veurgróndj, maar genoot ‘t leefs van ‘n aafstendje van de Ruiverse vastelaovend óm ‘m haer! Ben is jaore ‘n drievende krach gewaes in de redaksie van de sjtaatscourant van ‘t Windjbuujelriek en ‘t huidige magazine “De Windjbuujel”. Ben waas nog actief in de kemissie tekezinge. Ben haet met ós vereiniging hoeëgtepunte en deeptepunte meigemaak. In de jaore det de vereiniging ‘t léstig haaj en d’r ‘ne gans nieje Raod van Ellef gezoch mós waere, bleef Ben loyaal aan De Windjbuujels en brach hae de vereiniging weer in röstiger vaarwater. Hieveur zien veur Ben vuuël dank versjöldig. Neet veur nieks is Ben toet ierelid beneumd veur alle verdeenste veur de Ruiverse vastelaovend en De Windjbuujels in ‘t biezonjer. Ben waas gruuets op deze titel. As ierelid waas Ben same met Nellie ein troewe bezeuker en ein gaer gezene gas mèt ós activiteite. ‘t Is neet te besjrieve det Ben ziene sjtool veurtaan laeg zól blieve! Vastelaovesvereiniging De Windjbuujels zal mèt groeët respek aan Ben truukdinke as ‘ne miens mèt hert veur de vereiniging en hert veur de Ruiverse vastelaovend. Veur winse Nellie, Jeroen & Eefje, Maarten & Anke, Noud, Yfke, Senn en Fleur vuuel sjterkte met ‘t drage van dit verlees. Names besjtuur, Raod van Ellef en leje van Vastelaovesvereiniging De Windjbuujels Oppe Ruiver, 1 oktoeëber 2023 Roy LinssenVeurzitter

Leef Windjbuujelinnekes en Windjbuujels, Euver 1 maondj op zaoterdig 28 Oktoeëber is ózze jaorlikse liedjesaovend. De rippetisies beginne bienao, d’r waerd hie en dao al drök geoefend. Gruuëts zien veur op ós 10 deilnimmers van dit jaor in volgorde van optraeje. 1. EPS – As veur allemaol as letste blieve 2. Thei en de boerebroelof – In ôs café 3. Friet Speciaal – Ode aan de rie 4. Joekskoër toujours – bäöke van ’t lache 5. Jac en de WW-kemissie – De windjse Windjbuujel 6. Fischermenfriends – Wao bösse haer 7. Ymke, Marlou en Twan – Wakker 8. Trio 2023 – Veur wille neet winne 9. Veterane – Nag ein rundje 10. Thei – Eigelik Gaer zeen veur uch allemaol op Zaoterdig 28 Oktoeëber in de Sjakel! Praktische info: Zaal aope 19.30 oer Aanvang 20.00 oer Muzikale begeleiding door ós prachtige Liveband & De Dorsvlaegels Entree: 5,-

Wie idder jaor, gaon veur medio september de prinsesjteek van de nieje Prins en adjudante oetzeuke. Ouch dit kieër höbbe veur same met Tonny Geraads van ’t Versierhoes van der Veer sjoeëne oet-de-kuns exemplare oetgezoch. Sjtap ein is gemaak. Euver ’n tiedje sjtap twieje.

Mèt SponsorKliks kèns se zelf ’n financiële biedrage levere aan ós vereiniging, zonger dèt ‘t dich ‘ne cent extra kos!

Ouch dit jaor duit ós vereiniging weer mei mèt de Rabo ClubSupport actie. As Rabo-lid kense idder jaor sjtumme op dien drie favoriete clubs. Dit jaor ken dèt van 4 t/m 26 september. Deil de poster / dit berich op de socials en sjtum in September op ós vereiniging om ’n biedrage te leveren. Alvast hertelik dank! 

Leef Windjbuujelinnekes en Windjbuujels, Bekiek hie breef inzake Dansgarde Windjbuujels Jeug. Names ‘t besjtuur van V.V. de Windjbuujels alvas hertelik dank! Gijs Huijbers Jeugzake Windjbuujels