Aafgeloupe periode waas d’r in de etalage van de aje apotheek aan de Riekswaeg ’n oetgebreide collectie te zeen van produkte oet de grofkeramische industrie oet Ruiver. As vervolg op dees suksesvolle tentoeënsjtelling haed de werkgroep Biezónjere Projekte van de Heemkundevereniging Maas- en Swalmdal besjlaote óm bie gelaegeheid van ‘t 6×11 jäörig jubileum van de Windjbuujels inkele etalages van de veurmalige apotheek in te richte as “Vastelaovesvinster”. Prins Peter I en zien adjudante Paul en Michel äöpende vriedig 11-11 dees prachtige collectie. As bezeuker kènt geur hie allerlei vastelaovesattribute oet ’t verre en recente verleje bekieke. De etalage zal toet as-woensdig 2017 te bezichtige zien. Mieër aanvullende foto’s kènt geur ouch bekieke op www.maas-enswalmdal.nl

Vanaaf vandaag zien de kaarte te koup veur de buutte-aovend op donderdig 23 fibberwarie in de Jubileumtent. Besjtel, betaal en download de kaarte noe via ós nieje eticket systeem http://www.windjbuujels.nl/etickets/    

Op vriedig 25 november zal ós jaorvergadering plaatsvinje in de zaal van ós residentie kefee Ronckenstein. We sjtarte óm 20.00 oer.   Leje zien den van herte welkom. ’t Versjlaag van vurrig jaor en de agenda van dit jaor kènt geur hie downloaden. 151127-notulen-jaarvergadering161125-agenda-jv 161125-agenda-jv

De Liedjesaovend oppe Ruiver is nog sjteeds ‘booming’. Ouch dit jubileumjaor hoof de liedjeskemmissie zich gén zorge te make. De aanmeldinge zien weer riekelik binnegesjtruimp en veur kènne mét enige trots zegge det veur d’r maar leefs 16 binne höbbe gekrege. De aovend zuut dit jaor angers oet. Vanwaege ’t jubileum van de Windjbuujels wuurt d’r gewerk mèt ’n groeéte live-bend en haje veur de aovend deze kiwër in de Sjakel. De veurbereidinge zien den ouch in volle gang en op 12 november gaon alle deilnimmers aan ’n proffesjionele jury laote huure wat ze in häör mars höbbe.

Al in 2013 höbbe veur maar leefs veer sjrievers bereid gevónje óm ’n jubileumbook te sjrieve. Det op zich is al zéér uniek. Veer sjrievers in ein book! Dees letterkundige vertelle in ‘ne roman van 200  pagina’s elk op eige wieze häör verhaol euver vastelaovend. De veer verhaole waere door ’n euverkoepelend verhaol samegesjmeed toet ‘ne sjoeëne roman. Soms zien de verhaole gebaseerd op feite. En soms ’n bietje minder. ’t Is in iddder geval ’n oetdagend laesavontuur mèt väöl weemoed, humor en verwarring en verrassende omsjakelinge. Belangriek óm te vermelde is det dit book groeëtendeils in ’t Nederlands is gesjreve. Idderein kèn ’t laeze. ’t Is ’n absoluut ’n book veur de vastelaovesvierder. Maar ouch neet carnavalisten kènne dit book mèt plezeer laeze. De bookprissentasie zal op zóndigmiddig 20 november plaatsvinje in de zaal van kefee Ronckenstein. We sjtarte óm 14.00 oer. Omsjtreeks 15.00 oer zal de prissentasie zien aafgeloupe. Nao de prissentasie kènt ’t book gekóch waere. Idderein is van herte welkom bie de prissentasie. Wilt geur zeker zien van ’n exemplaar? Besjtel den alvas ’t book. Book besjtelle>> Mieër informasie euver ’t book sjteit op de jubileumboek pagina. LET OP: ierder kommuniseerde veur det de bookprissentasie in ’t Atrium van ’t aad klooëster oppe Ruiver waas. Door een dubbele boeking bie Woningstichting Woongoed 2-Duizend zal de prissentasie noe plaatsvinje in de zaal van kefee Ronckenstein.

’t Eine groeëte evenement – ’t manjefieke Draaksjtaeke –  in ós gemeinte is nag maar net achter de rök en ’t volgende grottere evenement sjteit alweer bienao veur de deur. Tiedes de vastelaovesdaag sjteit in ’t kader van ’t 66 jäörig jubileum van v.v. De Windjbuujels ’n groeëte fieëstent oppe mert in Ruiver. Achter de sjerme waert al hel gewerk aan alle veurbereidinge. Veur dees jubileumtent is coöperasie Windjbuujels ’66 opgerich. ’t Betröf  ’n samewerking tösse Kefee-Zalen de Paerssjtal, Kefee Ronckenstein en v.v. De Windjbuujels. De coöperasie haed vanzelfspraekend ’n eige besjtuur. Gaer sjtelle zie zich efkes aan uch veur. De eine sjrief in ’t Nederlands, de anger in ’t Ruivers dialect. Roy Verstappen (veurzitter) Hallo, Ich bön Roy Verstappen, getrouwd mit Joanneke en gruuëtse pap van Daan en Mees. Ich bön ‘nne zoon van Pierre Verstappen (ex-prins ’87 van de Windjbuujels) en Els Geijbels oet ’t riek van d’n Oeles. Inmiddels vertoef ich al biejnao 36 jaor in ’t Windjbuujelriek. In mien dageliks laeve sjtuur ich twieje winkels van SNS Bank aan. Eine is gelaege in Tegele en de angere in Panninge. As ich neet werk bön ich dök biej de Paerssjtal te vinje. Dao rippeteer ich nl al biejnao 25 jaor mit ’t Trommel en Fluiterkorps wao ich tevens penningmeister van bön. En op zondigmorge vinj’se mich ouch biej Harrie as v’r mit Joekskepèl de Gresbuus rippetisie höbbe. En ouch biej dees klöp höb ich as sikkretaris ein besjuurlikke funksie. In de vrieje tied dae den nag euverblief geniet ich veural van de oetsjtepkes mit mien gezin en de sjoeën momente die v’r den belaeve. Femke den Teuling (sikkretaris) Ik ben Femke den Teuling-Cremers, 32 jaar, getrouwd met Martijn en mama van Cas. Geboren en getogen oppe Ruiver en nu woonachtig in Offenbeek. Dochter van Baer Cremers en Marion de Vlieger. Kleindochter van Frits I. Ik werk als Teamleider Wonen bij WoonGoed 2-Duizend in Reuver. In mijn vrije tijd verveel ik me ook niet. Van kinds af aan ben ik actief bij Scouting Lambertus Reuver. Ik ben 10 jaar staflid geweest en na gebouwbeheerder, inmiddels alweer 2 jaar voorzitter van de vereniging. Om een beetje fit te blijven tennis ik bij TC Ruiver en zit ik graag met Cas op de fiets. Kim van Leipsig (penningmeister) Miene naam is Kim van Leipsig – van Rijswick. Ich bön getrouwd mit Eks-Prins Sjoerd I en trotse mamma van ozze jonges Koen en Niels.  Ruum 34 jaor geleje bön ich in ut Drakeriek gebaore, en same mit mien elders en 2 breurs höb ich altied oppe boerderie Hoosterhof gewoeënd.  Inmiddels woeën ich alweer 10 jaor in ut Windjbuujelriek. Al jaore werk ich gaer mit cieferkes, ieërs as assistent-accountant en sinds ein jaor as hauf- financiën in ut bedriefslaeve. In miene vrieje tied sjpeel ich dwarsfluit biej os Philharmonie oppe Ruiver. Daonaeve laes ich gaer, probeer aaf en toe un sjtukse te renne, en bring natuurlijk gaer veul tied door mit os gezin. Karin Vogels (besjtuurslid) Hoi ik ben Karin Vogels geboren op 18 juli 1981 in Horst.  Daar ben  ik ook opgegroeid met mij tweelingzus en broer. In november 2007 ben ik in Reuver komen wonen, en Cafe Ronckenstein gaan exploiteren, sedert januari 2014 is hier ook Herberg de Bos In swalmen bijgekomen. Deze twee bedrijven exploiteer ik nu met heel veel plezier en hier zit dan ook mijn meeste tijd in. Op vrije momenten vind ik leuk om een mooie wandeling te maken, met mijn neefjes leuke dingen te gaan doen, en uiteraard met vrienden en familie een lekker hapje te eten of een drankje drinken. Harry Roelofs (besjtuurslid) Hallo, ik ben Harry Roelofs. Geboren op 2 mei 1963 in het altijd rustige ven-Zelderheide. Hier groeide ik op samen met mijn twee zussen en genoot ik in mijn jeugd al van cafeetjes: het begin van mijn droom. Inmiddels ben ik al 25 jaar uitbater van café-zaal De Paerssjtal met mijn vrouw Karin. Samen hebben wij 3 kinderen: Johan, Marie en Max. In mijn vrije tijd houd ik van lekker eten, een krantje lezen en genieten van de rust. ‘Komt goe’! Andy van Helden Ich bön Andy van Helden…. ….45 jaor, en bön getrouwd met Joyce (Aad Wief 2007) en gruuëtse pap van Louke Sophie en Pepijn. In 2013 haaj ich de ieër om Adjudant van Prins Sjoerd I te mooge zien. Fietse, renne, wintersjport en op vakansie gaon met de fèmmelie zien mien grótste hobby’s. Door de waek haaj ich mich as projectmanager biej BAM Woningbouw bezig met ’t ontwikkele en realisere van huus in allelei saorte en maote. Daonaeve bön ich veurzitter van VV De Windjbuujels. ’n Sjoeën taak – zégk ich met trots – veural met ‘t 6×11 jäörig jubileum in ’t veuroetzich. Same met mien medebesjtuursleje höbbe veur ‘nne hiele tied naogedach wie veur dit jubileum ‘n fieës veur alle Windjbuujellinnekes en Windjbuujels kenne make. Met ‘n 6-daags tentfieës oppe mért zien veur d’r van euvertuug det vastelaovend 2017 oppe Ruiver / Offebék d’r ’n extra dimensie biej krieg. Met vuuël energie en zin vertegewoordig ich de VV as lid van dees unieke coöperasie.

Aafgelaupe jaor höbbe veur enorm genaote van ’t succes van de Plunskes met häör winnende blage-sjlager én winnaar van ’t KVL (Kinjer Vastelaovend Leedjesfestival Limburg) “Vötje van ‘t pötje”. Marijn Hermans waerde met zien sololiedje “Vastelaovend is gezóndj” tiedes de Blageliedjesmiddig 2e en bij het KVL 3e. V.V. De Windjbuujels organizeert op zondigmiddig 13 november 2016 in De Sjakel veurr uch alweer de 9e Blageliedjesmiddig. Dit jaor nimme veur auch nummer 2 op in de studio en kump daomei auch oppe Windjbuujel cd. Dit weekend is auch de aaftrap van ’t jubileumseizoen (6 x 11 jaor V.V. de Windjbuujels). In ’t jubileumjaor zölle diverse activiteite extra groeët opgezatte waere. Hie huuëre auch de Liedjesaovend en de Blageliedjesmiddig bie, die allebei in de Sjakel plaatsvinje. Bös-se 8 jaor of aajer en vinj-se ’t leuk om op ’t podium ein vastelaovesleedje te zingen waobie se gebroek moogs make van ein zelf bedachte artiestennaam, eige choreografie en outfit, meld dich den aan via ’t insjriefformulier. Doe kens dich als solist opgaeve maar auch as duo, trio en same met vrunj of zelfs met de hieële klas van sjoeël. Per leedje kenne d’r maximaal 4 leadzangers zien. doe moogs de vastelaovestekst zelf sjrieve maar auch gebroek make van de hulp van emes dae ’t sjrieve van tekste inne vingers haet. Detzelfde geldt veur de blaadmuziek en de muziekbandj, maar as-se nemes kens is det gén probleem, veur wille dich gaer doorverwieze nao miense die dich kenne helpe. Wils-se meidoon? Vul den ’t insjriefformulier in en mail dit nao blageliedjesmiddig@windjbuujels.nl Succes!

                In november is ’t zesenzestig jaor geleje det de oprichtingsakte van ós vereiniging geteikend waerde. 6×11 jaor mèt ’n fieéstent ’t 6×11 Vastelaovesjubileumjaor wille veur gaer mèt alle vastelaovesleefhöbbers viere. Dit doon veur door ónger angere ós reguliere vastelaovesaktiviteite ‘ne jubileum upgrade te gaeve en mèt ’n groete fieëstent oppe mert in Ruiver.Veur dees fieëstent werke veur same in de vorm van ’n coöperasie mèt kefee Ronckestein en kefee-zale de Paerssjtal. Coöperasie Vandaag – maondig 20 juni – ongerteikende: Karin Vogels names kefee Ronckestein, Harry en Karin Roelofs names kefee-zale De Paerssjtal, ’t besjtuur van de coöperasie – Roy Verstappen (veurzitter), Femke den Teuling-Cremers (sikkretaris) en Kim van Leipsig (penningmeister) en ’t dagelijks besjtuur – Andy van Helden (veurzitter), Dave Simons (sikkretaris) en Roel Verlinden (pennigmeister) de coöeprasie-euvereinkoms ónger toezeend aug van notaris Marco Rijk. De ieërste drie partieje participere op geliekwaardige wieze in de nieje coöperasie. Windjbuujels ’66 U.A. is de offisjiële naam van de coöperasie.        

’t Nieje thema veur volgend sezoen. En det is den taeves ouch ’t jubileumthema is … Route 66.    

Nr. Titel 1e prieës einlinge 26 De Nieje 2e prieës einlinge 19 Miene Druim 3e prieës einlinge 16 Wao is mien tang 1e prieës kleine groepe 5 Potte kiekers 2e prieës kleine groepe 36 “Geveulige sjnor” 3e prieës kleine groepe 31 Rus in de tent 1e prieës groeëte groepe 20 De Windjbuujels sjete te hulp 2e prieës groeëte groepe 23 De Keuning te riek 3e prieës groeëte groepe 15 Ein sjiek concours hyppique zonger 50000 piek 1e prieës praalwages 34 Pigepejoheka al 33 jaor same de keuning te riek 2e prieës praalwages 17 75+ maar nog lang neet oetgeblus 3e prieës praalwages 9 Veur maake ’t bondj Sjpasprieës 28 Kantje boord Windjbuujelkup 34 Pigepejoheka al 33 jaor same de keuning te riek