Windjbuujels en windjbuujelinnekes gear ff ug aandach. Zoe as geur wellicht al weit lik Frank zien site dr oet helaas… maar pap heat un angere oplossing gevonje zoedet geur toch alle foto’s al kent bekieke, maar we hoape natuurlijk waal det de angere site ut weer geit doon, maar veur noe wuurd dit de oplossing. Om bie de foto’s te komme mot geur ut volgende doon: stuur un mail noa windjbuujelsopperuiver@gmail.com en wach den toet geur un mail truuk krieg, doa in stoan alle links noa alle foto’s. Dit is un standaard bericht dus det heasse binne inkele seconde binne!! Gear ff allemoal dit berich deile en vertel ut al dien vrunj zoedet idderein de foto’s ken bekieke en dit fantastische seizoen nog unne kier ken herbeleave ~Jeugvors Mandy  Gr. Mandy

Windjuujelinnekes en Windjbuujels, ’t Is gedaon. Wat geit ’t toch altied sjnel. En det geldt zeker veur dit vastelaovessezoen. Vastelaovend 2016 waas waardig. Momente mèt traone & leid en momente van lol & plezeer. Veur danke idderein veur zien biedrage om de vastelaovend 2016 onvergaetelik te make. Wat ’n momente mèt ’n gouwe rendje! vastelaovesvereiniging de Windjbuujels.

Ouch dit jaor is de groeëte optoch weer vasgelag door Peter Vinken. Toet in de late uurkes aan gewerk vannach en mèt ’n sjiek resultaat. Veur danke Peter netuurlik veur dees sjoeën opname. https://youtu.be/u9eoW_vxNSU Van de Kinjeroptpch maakte Toon Winkels dees prachtige beelden. https://www.youtube.com/watch?v=g4gG8Hu7fT8&feature=youtu.be

Veur höbbe net via ózze burgemeister te huuëre gekrege det de optoch door moog gaon. De brandjwaer geit ós assistere bie de praalwages. Det helt in det zie m.n.begeleid waere oppe aanrieroute.Hie-euver gaon veur rechsjtreeks kontak opnimme mèt de praalwagebouwers.De brandjwaer zal daonaeve op windjgeveulige plaatse in de optoch’n ekstra äügske oppe windjbuujel haje. Let op: bie verangerende waersomstandighede en meugelik gevaor kènne veur ten alle tieje besjlisse om ‘ne wage oet de optoch te haole of zelfs neet te laote sjtarte. Daonaeve bie vraoge veur uch óm ten alle tieje de aanwiezinge van de brandjwaer, de optochkemissie en/of besjtuursleje te volge. De optoch geit óm 13.30 oer vertrekke vanaaf de mert in Óffebek en volg de normale route toet oppe mert in Ruiver. Dao zal de priesoetreiking plaatsvinje en aansjloetend is de resepsie van ózze Bacchus Luuk.Zorg det geur oppe tied op de opsjtelplaats sjtaot zoedet veur in alle rös kènne sjtarte. Veur weijte inmiddels det optochte in angere plaatse waere aafgelas. Aangezeen veur zelf in de optoch maar twieje echte praalwages höbbe die den ouch nag ens door de brandjwaer waere gekontroleerd en begeleid, laote veur de optoch gewuuën doorgaon.

Veur zien euver de 1000 likes en det vinje veur fantasties. Inmiddels höbbe we dèn auch gelaot veur ’t Windjbuujel promotiepakket mèt ‘ne Windbuujelsjaal, de létste Windjbuujel CD ‘De Keuning te riek’ en ’n Windjbuujelparaplu. De gelukkige winnaar hiej van is gewaore Marlie Stroeks-martens Veur haope det ózze Hoeëgheid dit aansjloetend nao de groeëte optoch aan uch kèn oetreike.

Beste optochdeilnimmers, verkieërsregelaers juryleje, en neet te vergaete alle toesjouwers.  Bie deze ‘ne info berich euver de optoch, doorgaon daovan, datum en tiedsjtip. Allerieërs dank veur de reaksies van de optoch deilnummers nao aanleiding van ózze ieërste mail van aafgelaupe dónderdig. Dao oet haole veur as vereiniging al det ein alternatief (halfvaste de optoch haje) aafvèlt.   Nao euverlèk mèt de gemeinte is (nao ós besjloet van zoejuus) ouch ’t alternatief van same mèt de kinjeroptoch gaon aafgevalle.  Veur zitte noe nag op 2 alternatieve en motte dao zoewiezoe ’t advies det de veiligheidsregio geuf aan alle gemeintes aafwachte. Det advies kump (nao verwachting) maondigmorge óm half nege. Dao gaon veur mei aan de sjlaag en nimme den a.d.h.v. dit ’n besjloet. Den gaon veur nao uch communicere of d’r dae daag gewuuën volges de planning de optoch trek of det veur keze veur ‘t alternatief óm op dinsdig de optoch te laote trèkke. Dao zal den waal bie hure det veur van Ruiver nao Óffebek trèkke i.v.m. de Boerebroelof. Mier dao euver (details euver opsjtelle en tiedsjtippe) huuërt geur, as ’t zoewiet is det veur dinsdigs optoch höbbe, op maondigmorge.   Leuker kènne veur ’t neet make, waal sjpannender…   Gr. Optochkemissie v.v. De Windjbuujels.

De opsjtelling veur de Kinjeroptoch 2016 is bekend.  

De opsjtelling veur de groeëte optoch 2016 is bekend. Op veurhandj wille veur de optochdeilnimmers bedanke veur de insjrieving en nag väöl sukses winse mèt ’t make uch optochkreasie. Nag ’n anger belangriek dingk is ’t gegaeve det de optoch óm 13.30 oer sjtart i.p.v. 14.11 oer.

Nao gister höbbe veur weer alle hoeëghede bie-ein in ós Windjbuujelriek. Veur wille Aadwief Inga van herte prefisiat winse mèt dien oetverkeezing toet Aadwief 2016. En gister … wat waas det ’n kei sjieke verrassing toen Ivan en Marijn same mèt Ryan en Indy bekend waerde gemaak as nie jeugboerebroedspaar en getuge. Van herte prefisiat. Later oppe aovend waas ’t de beurt aan de groeëte. Effe nao 22.00 oer presenteerde ’t nieje boerebroedspaar Maarten en Laura Franssen – Franzen same mèt haör getuge Guus Muisers en Melissa van den Boorn zich aan ’t publiek. Ouch aan uch netuurlik ós oprechte felisitaties. Veur zien d’r van euvertuug det geur same mèt Jeugprinses Lynn, adjudante Sanne en Minouk, JN Jeugprins Sjuul en adjudante Ward en Marijn, Bacchus Luuk I en zien Bacchusklöp, Prins Peter I en adjudante Michel en Paul d’r ’n te gek fieës van gaot make.