In ‘ne zuch en ‘ne sjeet waas ‘t weer veurbie, vastelaovend 2014. Noe ich weer mèt 2 bein op aerd gelandj bön kèn ich truuk kieke op get onvergaeteliks. Leef Windjbuujelinnekes en Windjbuujels ’t klink aafgezaag maar ’t is ech waor: BEDANK, BEDANK, BEDANK!!! Wat veur höbbe meigemaak is ónbesjriefelik, gaon det dus ouch neet probere te omsjrieve. Maar aan alle reaksies, appjes, smsjes, kaarte, breve, blome en kedo’s höbbe veur de leefde van uch geveuld en det duit good, hiel good!!! Van te veure haaj ich al gezag det ’t veur mich daag zólle waere mèt ’ne lach en ’n traon en det zien ’t gewaore. De Ingelsman zól zègke ” an emotional rollercoaster” en det klop hielemaol. De daag in vogelvluch: Vriedig de sjoeële, die gezichter van de kinjer, ich veulde mich net Sinterklaos! Mien eige werk wat ein geveul…der Weisse Stein wat ’n ajerwets gezellig fieës. Zaoterdig effe bie Rick ziene pap langs veur ziene verjäördig, blome bringe nao ’t graaf van pap en mam, ’t oetreike van de hoesorde aan de raod, de kerk met de prachtige meziek en zang van Jan, Sanne en John. Daonao de sjleuteleuverdrach op ’t gemeintehoes maar, maar wat höbbe veur gelache om os eige Kirchraojs maedje en de Beeselse inbring van Har Reijnders. Zóndig kinjeroptochdaag…en wat ein waerke; hielemaol super!!! De resepsie in Beesel, ’t heerlikke aete bie Bosdael en daonao de eige resepsie. Man,man, man wat ein drökte en wat ein fieës. Sjpesiaal wil ich effe mien kollega’s bedanke veur häöre inzet ,maar ouch alle joekskapelle, de Harie’s,,La Bamba en W-Dreej veur häör onvergaetelikke optraeje… Maondig de daag van de groeëte optoch, de priesoetreiking oppe mert mèt ’t geweldige confettikanon van ózze Bacchus Olaf I en daonao de kroege Karré, lekker gegaete bie de Paerssjtal, ’t Heukske en nao de resedensie wao nag éns get ekstra gaas woord gegaeve. En toen waas ’t alweer dinsdig…boerebrunch (hiel gezellig, Michel en Sandy nogmaals bedank veur uch enorm originele biedrage), treffe aan ’t sjpaor, ophaole boerebroedspaar, optoch en resepsie bie de Paerssjtal ein groeët vastelaovesfieës. ’s Aoves nag effe nao “Karin” en toen waas ’t zoeëwiet: Windjbuujelsjtrieke en ’t is weer gedaon!!! Same mèt jeugprins Nick I zien adjudante Jean Paul en Mike, jeugprins JN Joep I mèt zien adjudante Rody en Sander, Boerebroedspaar Astrid en Fred, getuge Richard, Nicole, Patrick en Helga, jeugboerebroedspaar Jill en Jordy, getuge Daniëlle en Lars, Bacchus Olaf I met zien klöp en aadwief Christel höbbe veur; Rick, Vivian, Mark, Renske en ich geprobeerd d’r mèt uch ‘ne geweldig sjoeëne vastelaovend van te make en ich moog sjtelle det det gelök is…nogmaals leef luuj BEDANK!!! Deze vastelaovend zit in mien hert en zal dao altied blieve zitte. Kén ’t gekker… Uche prins Geert I
Foto’s Kinjeroptoch 2014
Via deze link kènt geur nao de foto’s van de Kinjeroptoch 2014. De foto’s zien gemaak door Jac Vullers. ’t Wachwaord om in te logge is: windj
Oetsjlaag Kinjeroptoch 2014
In dit euverzich sjteit de oetsjlaag van de Kinjeroptoch 2014.
Bedank leef vastelaovesvierders
Leef vastelaovesvierders, De sjtraote waere gevaeg, de ballonne verdwiene in de voelnisbak en de sjminkdoes geit same mèt de kleijer weer de kas in veur ein jaor. Wat waar ’t weer ‘nne sjoeëne vastelaovend. Zeker mèt det heerlik zunke bie alle optochte. As vereinging kieke veur truuk op ‘nne gesjlaagde vastelaovend. Same mèt alle hoeëghede höb geur d’r ’n fantastisch fieësje van gemaak. Bedank, bedank, bedank! Vastelaovesvereiniging De Windjbuujels
Sjoeën foto’s van de ieërste edisie van “Vastelaovend am Weissen Stein”
Bericht door Vastelaovend am Weißen Stein.
Oétsjlaag groeëte optoch 2014 mèt videoreportage van Peter Vinken
Einlinge en duo’s; 1e prieës Nr.27 – Mien sjatje en ich 2e prieës Nr.32 – Sjots en Sjeif 3e prieës Nr.17 – Ich wil neet mier veur zitte Kleine groepe; 1e prieës Nr.37 – Ozze druim hóng in de lóch 2e prieës Nr.33 – Ich höb met die gen eier 3e prieës Nr.6 – wat hingk in de lóch Groeëte Groepe; 1e prieës Nr.8 – ’t hingk in de lóch 2e prieës Nr.40 – Manjtelzorgers 3e prieës Nr.31 – Trekveugel Praalwages; 1e prieës Nr.38 – Sjpass genog vastelaovend in de lóch 2e prieës Nr.26 – Zörg om zorg 3e prieës Nr.43 – Ingelkes of bingelkes Publieksprieës; Nr.40 – Manjtelzorgers Windjbuujelcup; Nr.27 – Mien sjatje en ich [youtube]http://www.youtube.com/watch?v=SG9tr5PdxLc[/youtube]
Opsjtelling Kinjeroptoch 2014
De kinjeroptoch vertrek om 13.30 oer in Óffebek. De óntbinjing en priesoetreiking is bie en in de Sjakel. De opsjtelling van de Kinjeroptoch 2014 zuut d’r dit jaor als volg oet: nr Titel 1 Iërste waage met Roel sjefeur 2 Balonnedragers 3 t Kump Waal 4 Met vastelaovend laope veur mit de naas veuraan 5 Wat hingk d’r in de loch 6 Veur zien in de wolke 7 Sjteeds Baeter 8 Hang jongere 9 Ierste Bachus-maedje 10 Jeugprins Joep I 11 Joekskapél Ken ’t gekker …! 12 De Boerebroelof 13 ’t Fluiterkorps 14 Piraten sjat gevonje 15 Ut tuug höbbe veur al noe de vleeg noch 16 EPS 17 Veur doon veur de 1ste kier meij 18 Linke mik 19 Jeugprins Nick I 20 BS Meander: Veur kieke de lente in de lôch 21 Hérmenie 22 ’t hingk in de loch? 23 Spoeëk riejers 24 Perssinaasappel 25 33. Keij Sjlech 26 BS Triolier: Veur gaon de lôch in 27 Prins Geert I
Vastelaovesprogramma in ein euverzich
vriedig 28 fibberwarie – Sjoeëlebezeuk, bezeuk aan Windjbuujelwinkelke en de mert. ‘s Aoves ‘Vastelaovend am Weissen Stein’. zaoterdig 1 mieërt – Vastelaovesmès, óm 19.00 oer in de Fatimakerk in Óffebek. Daonao de offi sjieële äöpening vastelaovend óm 20.11 oer. Vervolges sjleuteleuverdrach en insjtallasie Prins Geert I op ‘t gemeintehoes, 21.00 oer. zóndig 2 mieërt – Kinjeroptoch, vertrek 13.30 oer in Óffebek. Óntbinje en priesoetreiking bie en in de Sjakel. Resepsie Prins Geert I, vanaaf 20.30 toet 22.30 oer in de Sjakel. M.m.v. versjillende joekskapelle en nao de resepsie optraejes van: La Bamba en W-dreej. maondig 3 mieërt – Groeëte optoch, vertrek 14.11 oer. Route: vertrek oppe mert in Óffebek, den Keulsewaeg, Riekswaeg en sjtoppe oppe mert oppe Ruiver. Priesoetreiking oppe mert (Ruiver). dinsdig 4 mieërt – Boerebrunch, 11.00 oer in de Rezidensie. Daonao nao de trouwerie en resepsie van de Boerebroelof in Óffebek. Óm presies 24.00 oer waert oppe mert de Windjbuujel gesjtreke. woensdig 5 mieërt – Assekruutske haole in de kerk van Bezel (19.00 oer)
Boerebrunch
Op vastelaovesdinsdig, sjmorges óm hallef 11, wuuërt alweer veur de derde kieër de Boerebrunch gehaje. Dit wuuërt bie Kefee de Paerssjtal door de Boerebroelof en biej Kefee Ronckesjtein door De Windjbuujels georganiseerd.Ónger ’t genot van lekkere bruuëdjes, gebakke ei en sjpek, diverse saorte belegk, koffie, thieje, etc. waere weer inkele ludieke en sjieke optraejes opgeveurd. Mèt 176 volwasse, wao onger netuurlik Prins Geert I en zien gevolg, en 45 jonge Windjbuujels is de Boerebrunch oppe Ruiver oetverkóch. Nao de Boerebrunch zulle de twieje gezelsjappe oet Óffebek en Ruiver zich waer treffe tösse Karé en fietsewinkel Niessen om vervolges same ’t Boerebroedspaar op te haole. Kortom: genog ingrediënte veur ‘nne sjoeëne vastelaovesdinsdig in ós gemeinte.
Kèn ‘t gekker? jao zeker: ‘t geit al lekker mer ‘t kèn nag gekker!
Windjbuujellinnekes en Windjbuujels, ‘t Groeëte fieës sjteit d’r aan te kómme. Nag 4 nachte sjlaope en den geit ‘t eindelijk loos. Vurrige waek zaoterdig is Prins Geert I mèt zien co-piloten Mark en Rick gelandj. Wat ‘n geweldig fieës waas det. En wat eine “te gekke” prins. ‘t Mot neet gekker waere! Ich wins Hoeëgheid Prins Geert I en zien adjes nogmaals van herte prefisiat. En wat haet der ‘nne sjieke spreuk! Wao zou d’r dae van höbbe? En vurrige waek zóndig ware mèt de ganse Windjbuujels jeug in ‘nne kei gezellige Paerssjtal wao Prins Joep I van Jong Nederland oet ’t Glaze hoes teveurschjien kwaam. Wat ‘n toeval. Veur höbbe allebei de blageliedjesmiddig moge winne en allebei in ’tzelfde jaor Prins waere. En afgeloupe weekend sjting in ’t teiken van het Aadwief en de Boerebroelof. Aadwief Christel prefisiat mèt dien oetverkezing. Dit geldt netuurlik ouch veur ’t jeugboerebroedspaar Jordy en Jill mèt getuuge Daniëlle en Lars en het boerebroedspaar Fred en Astrid mèt getuuge Helga en Patrick, Nicole en Richard. Ich höb der ‘nne tied op motte wachte maar gelökkig zien noe alle hoeëghede bekend. De ganse vastelaoves femilie is noe kompleet. Veur gaon der mèt z’n alle ‘nne te knats gekke Vastelaovend van make. Kèn ‘t gekker? jao zeker: ‘t geit al lekker mer ‘t kèn nag gekker! Prins Nick I