Dit jaor gaon veur veur de 25ste kieër de Vastelaovend oppe Ruiver insjete. En det zalle veur dit jaor doon op vriedig 14 november 2014. Om 20.49 oer vertrèkke veur vanoet ós residentie richting ’t Gemeintehoes wao 11 prominente vastelaovesvierders de sjeut gaon losse.As de Vastelaovend 2014/2015 is ingesjaote vindj vanaaf 21.11 oer ’t binneprogramma plaats. Dit jaor sjpeelt net as ’t vurrig jaor weer de formasie Sjloetingstied! Ouch zal Joekskepel De Gresbuus mèt vastelaovesmeziek van zich laote hure. Netuurlik zalle ouch de winnaars van de Liedjesaovend SJEIV, Marina, de veterane van Revoc en de winnaars van de Blageliedjesmiddig Sien, Mara en Nina optraeje.Kortóm genóg veur ‘ne fantastische sjtart van ós nie Vastelaovessezoen.
Sjoeën foto’s van de Blageliedjesmiddig
Aafgeloupe zóndig 5 oktoeëber vonj de Blageliedjesmiddig plaats. ’t Waas wederom ‘nne gezellige middig. Bekiek hiej de foto’s om ‘nne indruk te kriege van dae geweldige sfeer. ’t Wachwaord is: windj.
‘Sjruufke los’ van SJEIV is Windjbuujelsjlaeger 2014-2015
Op zaoterdig 4 oktoeëber j.l. sjtinge maar leefs 16 liedjes aan de aaftrap van de jaorlikse liedjesaovend. 16 sjtöks, det is toch neet te filme! ’t Waas aanpaote óm alle nummers te laote optraeje en vervolges nag ‘ns 2x ’t refrein te laote truukzinge. En den begóste veur natuurlik mèt de winnende sjlaeger van ’t veurig jaor ‘Dao hange de sjlingers’ gesjreve door Arnold Wassen en gezónge door De Haries Oeteindelik kwaam d’r net nao middernach de oetsjlaag waobie bleek det ’t liedje Gouwe vaere, gesjreve door Emiel Ketellapper en gezónge door Tomatensoep en Vermisjel de Aanwiespries haaj gewónne. De nummers 1, 2 en 3 ware: SJEIV mèt ’t liedje ‘Sjruufke los’, teks en muziek van Koos Franssen; ”t Ganse jaor’ van Marina Claessen, teks: Ger Geerlings, muziek: Jack Claessen; Veterane van REVOC/VCB mèt ‘Kop veur de vastelaovend’. Tèks en meziek zien van Bas Geujen. ’n Hiele groeëte dankjewel geit nao Jack Claessen en Joep Killaars die zorgde veur de muzikale begeleijing van alle artieste op respectievelik key-board en drum. Netuulik is ’n groeët dankwaord richting joekskepel de Dorsvlaegels hielemaol op zien plaats want wat zorgde zie weer veur ’n heerlikke sjtumming. ‘t Waas dankzij de vuuële deilnimmers, de jurie en ‘t publiek weer ‘ne sjoeëne gezellige aovend. Aan idderein den ouch ‘nne dieke dankjewel! Foto’s van de Liedjesaovend kènt geur bekieke via deze link.
16 deilnimmers van de liedjesaovend bekend
De zestien deilnimmers van de Liedjesaovend zien bekènd. De sjonste wage Teks en meziek: Roy Janssen, Gijs Huijbers, Joep Killaars Zang: Sjpass ’t Ganse jaor Teks: Ger Geerlings Meziek: Jack Claessen Zang: Marina Claessen Vastelaoves vogel Teks en meziek: Thei Niesen en Herm Franssen Zang: De Dorsvlaegels Kop veur de vastelaovend Teks en meziek: Bas Geujen Zang: Veterane Revoc/VCB As d’r maar gelache waerd Teks en meziek: Ger Geerlings Zang: De Vaeskes Vastelaovend Teks: 40- Meziek: Sjraar Klaassens Zang: 40- ’t Beste wat ich höb Teks: Ger Geerlings/Jack Claessen Meziek: Jack Claessen Zang: Cor van de Kerkhof Sjruufke los Teks en meziek: Koos Franssen Zang: SJEIV Wao höbbe veur det van Teks: Sjoerd van Leipsig/Dave Simons Meziek: Joep Killaars Zang: Erwin en Ruud Geis doe nag oet vandaag Teks: John Muisers / Leon Mooren Meziek: John Muisers Zang: John en Pea Jaer de tovenaer Teks en meziek: Jac Linssen Zang: EPS Gouwe vaere Teks en meziek: Emiel Ketellapper Zang: Tomatensoep ‘t Vastelaovesvirus Teks: Harrie Hillekens Meziek: John Muisers Zang: JK Keisjlech Höf ’t glaas Teks: Ger Geerlings Meziek: Jack Claessen Zang: Pascal Gommans ’t Geit beginne Teks en meziek: John Wassen Zang: De maedjes van noe Sjportief wie ’t os oetkump Teks: Pascal Gommans Meziek: Frank Martijn Zang: Bram Huberts en Willem Veldman
Oeëtsjlaag Windjbuujelcup-sjete
Aafgeloupe zaoterdig waerde bie ’t Windjbuujelcupsjete op ’t sjteetterrein van de sjötterie St. Barbara vreug in de middig gesjtreje om de Mark Hendriks trofee. Dit jaor waas ’t veurzitter Udo Rosowksi van Schützengesellschaft Börholz-Alst dae de prinsemöts, die al ’n tieëdje aan ’n zieëje dräödje hong, nao ónger sjoot. ’t Derde team van de Windjbuujels, besjtaonde oeët Vors Hans Boonen, Andy van Helden en Dave Simons wis dit jaor de Windjbuujelcup binne te sjleipe.
Blageliedjesmiddig 2014
V.V. De Windjbuujels organiseert op zondagmiddag 5 oktober 2014 in café-zaal De Paerssjtal voor jullie alweer de 7e ‘Blageliedjesmiddag´. Afgelopen jaar hebben we enorm genoten van het succes van de groep Confetti met hun winnende blage-sjlaeger “Ózze Pap”. De vraag aan de leerlingen vanaf 8 jaar is of zij een “vastelaovestekst” willen schrijven op aangereikte melodieën of een eigen melodie. Dit mag natuurlijk ook met hulp van een familielid of bekende die het schrijven van teksten of melodieën in de vingers heeft. Als je graag mee wilt doen maar niemand kent die je kan helpen ook geen probleem, vul dit in op de opgavestrook dan brengen wij je in contact met een tekst- en muziekschrijver. 1. Infobrief Blageliedjesmiddag 2. Inschrijfformulier Blageliedjesmiddag 3. Melodie 1 4. Melodie 2
Vereinigingsthema 2014-2015
Net zoe as afgeloupe sezoen, höbbe veur veur kommend jaor ’n vereinigingsthema. ’t Vereinigingsthema is op zaoterdig 21 juni bekend gemaak op ’t Wiesefest. ’t Thema det veur gaon hantere is: “Det is toch neet te filme” kortwaeg “Neet te filme”.
Voorjaarsconcert Bösdael Zzzing mee en Nol Wassen fonds
Op zaoterdig 3 mei vonj veur ’t ieërs ’n evenement plaats in ’t Wadi theater van Ruiver. ’t Wadi theater is gelaege achter gebouw 7, ‘Castellum’ genaamd, van Bösdael. Dit thaeter is bie de realisatie van Bösdael door Woongoed 2-Duizend tezamen met De Zorggroep aangelag. Dit ieërste evenement, onger de naam “Zzzing mee”, is ’n initiatief van inkele musici die op Bösdael woeëne. Huub Timmermans is eine van de groeëte kertrekkers veur dit evenement. De line-up van dit evenement besjting oet: Smartlappenkoor “Efkes get angers” o.l.v. Leon Schrijvers, verder ’t Trio “Just Friends” en ’t Quartet “Veer Geej”. Nao de groeëte meezingfinale waobie alle artiesten nag ens op ’t podium versjene, waerde sjpontaan mèt de pet rondj gegaon. Dees opbrings doneerde de organsie aan ’t Nol Wassen fonds. Op 17 mei waerde de donatie officieël door Huub Timmermans aan veurzitter Gert-Jan Kusters euverhandig en daomei is ’t Nol Wassenfonds waer ’n aandeil rieker.Names de vereiniging wille veur alle miense die hie aan ’n biedrage höbbe geleverd van herte bedanke.
Leef Windjbuules en Windjbuulinnekes
Leef Windjbuules en Windjbuulinnekes Veur zien weer langzaam op aarde truukgekomme. Wat ‘nne fantastische vastelaovend höbbe veur mèt uch moge viere. Veur wille idderein bedanke maar spesjiaal ózze groeëte Prins Geert I mèt zien adjudante Mark en Rick, JN Jeugprins Joep mèt Rody en Sander, ós aadwief Christel en last but zeker not least Bacchus Olaf en zien bacchante. Ouch dank aan de begeleiding van Windjbuujels’ Jeug die altied veur ós klaor stinge. Dit fieës zulle veur noeijts mieër vergaete! Op nao de elfde van de elfde. ‘t ging al lekker mer ‘t kos neet gekker! Prins Nick I
In memoriam Nol Wassen
Mèt versjlageheid höbbe veur kennis genaome van ’t niejs det Nol Wassen neet mier ónger ós is. Deze Windse Windjbuujelhajer en Eks-Prins is op 13 mieërt euverleje. Daomei is ’t Windjbuujelriek en gans Limburg ‘ne groeët waordkunstenaer kwiet geraak. Wat blief zien de prachtige en gelökkig väöle liedjes, gedichte, veurdrachte die hae ós achterluuët. Sjtök veur sjtök allemaol pareltjes van formaat. Veur wille zien femilie condolere mèt dit groeëte verlees. Veur winse häör vuuël krach en sjterkte toe. Besjtuur en leje vastelaovesvereiniging De Windjbuujels.