DE GOUWE KISJES GAON GOOD RONDJ MAAR…‘T IS TIED ÓM ZE IN TE LEVERE. Allerieërs ‘ne dieke dankjewel aan alle miense die ’t kisje höbbe doorgegaeve. Sjiek det geur höb mei gedaon. Noe we langzaam richting ’t Prinsebal ‘kroepe’, wille we de miense die ’t kisje kómmende zóndig (29 jannewarie) thoes höbbe, vraoge óm ’t kisje zoe sjnel meugelik in te levere bie ós rizzedensie kefee Ronckensjtein. Bedank alvas en gaer toet zaoterdig 4 fibberwarie op ’t prinsebal in de Sjakel.
Daagbookdeil 2 van ‘t boeregezelsjap
‘T Sjieke boerebroelofspekske hingk al klaor in de kas, mer veurluipig mót nag efkes de euveral aan. De gróndj waar veuraaf al good veur ós bewerk. Same mèt ‘t gezelsjap kóste veur de zäödjes sjnel gaon zeije. De aafgeloupe tied höbbe veur same hel gewerkt óm de ougs op tied aaf te kriege en brrrrr….wat waas ‘t soms kaad op ‘t landj. Mèt de sjörker dök op en neer óm gerei te haole, blie det dit sjtraks neet mier hoof. Aaf en toe ens leune op dae herk óm te geniete van alles wat d’r óm ós haer gebeurt! Ouch de kemmissie haet döks de sjoefel in de henj gehad en geholpe de drek d’r tösseoet te haole.Tössedoor same väöl en hel gezonge , veur höbbe namelik gelierd det de plentjes dao good van greuje. De netuur zorgde veur genóg natigheid en soms veel d’r zelfs al get (witte) confetti oet de loch. Mèt väöl leefde zalle veur ouch de kómmende tied nag zorge veur ‘det sjoeëne sjtökske gróndj’ zoedet veur vanaaf 11 fibberwarie kènne gaon ougste Óngertösse det alles aan ‘t greuje is, is d’r al vanalles loos oppe Ruiver. Veur felicitere jeugprins Sjors mèt zien adjudante Mees en Loek en ouch Bacchus Dirk mèt zien bacchusclub: eine dieke perfisiat. Waat eine joeks, det belaof al hiel väöl goods! Boerebroedspaar 2023 PS: zet 11 februari en 21 fibberwarie alvas in uche agenda, veur verdere info haaj daes pagina good in de gaate. Broedspaarraoje
Boerebal
11 fibberwarie is ‘t eindelijk weer zoeë wiejt, in Óffebèk is get op stapel!
Deze aovend prizzenteren veur in ‘ne boemvolle Paerssjtal de broedsparen van Boerebroelof Ruiver-Óffebèk veur ‘t kómmende vastelaovesseizoen.
DAAGBOOKDEIL 5 VAN DE NIEJE
Gaef ’t door! Zoeë as ózze Hoeëgheid-elect al zei, moge veur, as linker en rechter, dit daagbookdeil veur ós raekening nimme. Ouch veur gaeve ’t gaer door dus veur wille zeker de fanatieke Prinsraojers ’n deens bewieze! Veur zalle uch den ouch in dit deil get euver ós zelf gaon vertelle, in de haop det geur dao mesjiens get wiezer van waert! ’t Moog veur zich sjpraeke det vanaaf ’t moment det de Nieje ós gevraog haet, veur net zo hel sjtaon te popele óm op 4 fibberwarie in ‘ne volle zaal teveursjien te moge kómme. Bie ós sjteit al kontinu de Vastelaovespleejlis op repeat, of det noe thoes in ’t Windjbuujelrieëk of op ’t werk is. Ós kollega’s höbbe zich dink ich al dökker aafgevraog of d’r get mis is bie ós in dae baovekamer. Maar veuralsnag löp ’t wie gesjmaerd en haet nemes get in de gate! Langzaam maar zeker zien de ieërste vastelaoves-evenemente weer achter de rök en ’t is den ouch gaaf óm te zeen det d’r al twieje hoeëghede bekend zien. Vanaaf dees plek wille veur – ouch names de Nieje – Hoeëgheid Jeugprins Sjors III mèt zien adjudante Mees en Loek felisitere met häör beneuming toet jeugtrio van de Windjbuujels! Wat ’n te gek trio; veur weite zeker det veur same mèt uch ‘ne fantastische tieëd gaon belaeve. Netuurlijk felistere veur ouch Bacchus Dirk I mèt zien beneuming toet dorslustige Hoeëgheid. ‘ne Fantastische groep höb se óm dich haer, geur maak zeker get Ruiverse en Offebekse kasteleins blie! Veur gaon d’r ’t kómmende sezoen zeker ’n paar prooste mèt elkaar. Allein hadde veur ouch al gezeen det geur alweer op get oet ziet, wat neet van uch is! Mesjiens det uch det noe lök, maar nao 4 fibberwarie geit det netuurlijk neet mieër gebeure! Truuk nao die fanatieke Prinsraojers: veur wille ós gaer vas ’n klein bietje veursjtelle aan alle Windjbuujels en Windjbuujelinnekes. Veur zien echte Windjbuujels maar veur höbbe neet ós ganse laeve in ’t Windjbuujelrieëk gewoeënd. Oeteindelijk bliek den des se ’t Ruiverse teväöl mis en altied weer truuk kumps. Det prooste mèt de Bacchus doon we trouwes ’t leefste mèt ein (of inkele) glaze beer. Det is ós beide vanoet ’t verleje ouch waal mèt de paplaepel ingegaote. Net as de leefde veur de vastelaovend euveriges. Dae höbbe veur al door gans Limburg gevierd maar hie geldt wederom: ’t leefs houw se toch oppe Ruiver op die kis. Euver die kis gesjpraoke: Sjiek óm alle #gaeftdoor filmkes te zeen. Geweldig det de vastelaovend zoeë laef oppe Ruiver. Ech sjiek! Veur wille zeker idderein aansjpaore óm te raoje en óm mèt dien biedrage de Kinjeroptochkemissie te sjteune. Moch se dit nag neet gedaon höbbe, den gangk nao ein van de Ruiverse of Offebekse kefees en duuj dao ’n viltje in ’t kisje mèt uche eige naam, dien eige motto en netuurlik de naam van ‘de nieje’, en scan as se wils de QR-code veur ’n donasie aan de Kinjeroptoch! Veur noe zien veur waal weer effe klaor. Veur haope de ‘usual suspects’ van ’t Prinsraoj-sjpel van get broekbare input te höbbe kènne veurzeen. En mog geur nag vraoge höbbe veur ózze nieje Hoeëgheid, kènt geur die altied sjtelle op Facebook of Instagram. Wae wet kump d’r dao nag op truuk. Veur zeen ós sjnel; wellich kómmend weekend oppe Buute-aovend, Sjterzitting of Kinjerzitting! Wat veur zoeë links en rechs huuëre, belaof det weer ’n grandioos weekend te waere. Dus koup die letste kaarte en geneet van alles wat d’r sjteit te gebeure! Vastelaovend same!‘de linker’ en ‘de rechter’
Sjtum DEH! nao de finale van ’t LVK
https://youtu.be/Reeps2kA45EZoeë wie bekènd, sjtaon de men van Deh! in de halve finale van ‘t LVK, mèt häöre sjlaeger Veur blieve hiej! Dees halve finale waert kommende vriedaag tösse 18 en 20 oeër, en zaoterdaag tösse 10 en 12 oeër oetgezonje op L1 tv. De halve finale bereike is natuurlik sjoeën, maar ’t zou natuurlik nag sjónder zien as de Ruiver weer oppe bühne sjteit in de groeëte finale! Óm det te bereike haet Deh! dien hulp nuuedig. ’t volk van Limburg bapaolt welke 20 liedjes doorgaon nao de finale. ’t volk van Limburg, det bös doe dus ouch!Wie kèns se helpe? ’n half oeër nao de oetzendinge, kèn door idderein via SMS gesjtump waere op zien favoriete liedje (en veur Windjbuujels is det natuurlik Veur blieve hiej!). SMS dus op vriedaag 20 jannewari tösse 20 en 20.30 oeër, en op zaoterdaag 21 jannewari tösse 12 en 12.30 oeër, ’t berich: LVK 31 (dus houfletters LVK spatie 31), nao nummer 4004. As iddere Windjbuujel “LVK 31” SMS, is det ‘nne goeie duuj in de rögk richting finale. As iddere Windjbuujel en zien femilie, bure, collega’s, vrunj, Drake, Belhamels en Hopsjlokkers duit sjtumme op LVK 31, den geit ’t hel! En wae wèt, sjteit de Ruiver sjtrakkes op 3 februari in de LVK finale!
Insjrieve kinjeroptoch
— DOE DUIS TOCH OUCH MÈT! — Op zóndig 19 fibberwarie trèk ózze Kinjeroptoch weer door ’t dörp.Höb geur al ein good idee? Ziet geur missjien al bezig mèt knutsele?Of höb geur nog ein lètste zetje nuuedig om mèt te doon? Idder jaor is ’tweer keigezellig en as det nog neet alles is, zien der ouch nagprachtige prieze te winne.Haaj ós socials in de gate veur ’t lètste niets. Dus: MÈTDOON, en toet binnekort! De Kinjeroptochcommissie Mieër info & insjrieve: https://windjbuujels.nl/evenementen/kinjeroptoch/
Oetsjlaag veiling
De veiling is aafgelaupe en dèt beteikent dèt mannen van de raod van 11 en de vórs neet mieeër allein hoove te zitte op de bühne tiedes de Buutteaovend en Sjterzitting.De oetsjlaag van de veiling:Buutteaovend:Sjtool 1: Bacchus Dirk ISjtool 2: Bacchant 1Sjtool 3: Bacchant 2Sjterzitting:Sjtool 1: Anja JanssenSjtool 2: Gast 1Sjtool 3: Gast 2Hartstikke bedank veur ’t beeje en daomei de biedrage aan ’t Nol Wassen fonds.Veur kieke oet nao de Buutteaovend en Sjterzitting en haope uch dao te zeen.D’r zien nog ’n paar kaertjes veur beide aovend te kriege, dus bön sjnel!Koup uch kaertjes via https://www.windjbuujels.nl/etickets
Jeugprins Sjors (Clerx) III
Dao is d’r den, de nieje hoeëgheid van Windjbuujels’ Jeug. PRINS SJORS III 🎉 Same mèt zien adjudante Mees en Loek geit hae d’r dit jaor ‘ne knallende vastelaovend van make! 💥 Gènne flauwekul, versjtandj op nul! 💥
Veiling Buutteaovend & Sjterzitting
Op 4 fibberwarie zal VV de Windjbuujels weer ’n niej trio oet laote komme. Maar toet dae tied doon veur ’t nog efkes zonger. Det beteikent det der plaatse vrie zien op de bühne met de Buutteaovend 20 Jannewarie en de Sjterzitting 21 Jannewarie, namelik 3 plaatsen per aovend. Höb geur noe altied al ens sjtiekem gedach van “Dao zou ig noe bes waal ‘ne kier wille zitte”? Dèn is dit uch kans!!!!!!! Laes verder en beej op dees plaatse: https://www.windjbuujels.nl/veiling #vvdewindjbuujels #windjbuujels #vastelaovend #opperuiver #reuver #limburg #gaeftdoor #thema #zittinge #buutteaovend #sjterzitting #veiling #sjtool Nao de veiling
Kinjerzitting
Zondig 22 Jannewarie is ’t weer tied veur de kinjerzitting in De Sjakel. Windjbuujels Jeug prizzenteert veur uch ’n sjoeën programma wao d’r flink gezonge, gespronge en gedans zal waere. Kom ouch verkleid nao de zitting, entree is gratis! ’t programma sjtart om 14.30 oer.