Vandaag is òs lid & vriewilliger Jos Wolters beneump toet lid in de orde van Oranje Nassau! Jos is al jaore lid van òs Kinjeroptochkemissie. Ouch is hae besjtuurslid van HSV de Forel en ’t Burgerbos. Jos, nogmaals van herte gefeliciteerd mèt dees diek verdeende ongersjeijing!
Ontwerp(st)er gezoch
Euver 19×11 daag is ’t de 11de van de 11de en den begint officieel ’t nieje vastelaovesseizoen.Veur äöpene de vastelaovend op vriedig 15 November. Tiedes Paaf Alaaf reike veur ouch ózze nieje opsjtaeker oet. Bös dich de ontwerp(st)er van ózze nieje opsjtaeker? Dit jaor kèns doe deze ontwerpen! Höbs dich ’n sjiek idee? Mesjien waert dien creatie den waal oetgekaoze! Sjtuur ’n teikening of sjets nao pr@windjbuujels.nl. Idderein moog meidaon, ouch de kinjer oet ’t windjbuujelriejk!
Halfvastebuffet-meizingaovend
Op zaoterdig 9 mieërt organiseert V.V. de Windjbuujels de Halfvastebuffet-Meizingaovend bie de Paerssjtal ‘ne ‘knoep’ gezellige aovond óm lekker nag vastelaovesmeziek tot dich te nimme. Of nag baeter efkes mei te zinge op ’t podium. Natuurlijk is d’r neet ellein vastelaovesmeziek te huuëre. Ouch angere muzieksjmake zoeë as Duitstalig en Nederlands passere de revue. De entree is gratis!
Oetsjlaag Groeëte Optoch door ’t Windjbuujelriek
Einlinge en duo’s1. nr. 25 Veur verdeile ’t geld ónger de erme2. nr. 35 Eine toegeneide3. nr. 41 Deze vastelaovend laot ich mien maote in de sjteek Kleine groepe1. nr. 38 Veur zien in ós nopjes2. nr. 43 Veur kènne gèn maot3. nr. 22 Veur sjmaere ‘m Groeëte groepe1. nr. 39 Moderne kuns2. nr. 10 Olympisch goud al oppe Ruiver oetgebeeld3. nr. 32 Ruiverse sjtraotcoaches Praalwages1. nr. 20 Tösse kuns en kietsj2. nr. 40 Oet de kuns of d’r oet mèt de kuns3. nr. 28 Oeësteriek in ’t Windjbuujelriek 4. nr. 16 Wunderfest, det waas oet de kuns Sjpaspries; nr. 18 Bónjte kliek: Sjildere doon veur waal angere kieëre dees daag gaon vuer bieëstig viereWindjbuujelcup (deilnimmer mèt de meiste punten): nr. 20 Tösse kuns en kietsj.
Opsjtelling Groeëte optoch
NR Titel 1 Windjbuujelcup 2 FluiterMenie 3 Karel 4 Veur zien oet de kuns (PSW) 5 Aaje Glorie (Eks-Prinse Sociëteit Ruiver) 6 Twee halve is auch unne ganse 7 Veur mótte verjónge 8 Oete kunst 9 Veur viere vastelaovend oppe Ruiver 10 Olympisch goud al oppe Ruiver oetgebeeld! 11 Jeugdprins Hero I 12 Veur sjtappe oet de kuns 13 Kunszinnige kunst 14 Gen keus 15 Aad wief 16 Wunderfest, det waas oet de kunst! 17 Veur laupe te mokke 18 Sjildere doon we waal angere kieëre, dees daag gaon we iers echt bieëstig viere. 19 Onkroed vergeit neet 20 Tösse kuns en kietsj 21 Geknutselde kunst 22 Veur sjmaere ‘m 23 De Dorsvlaegels 24 Veur bekenne kleur 25 Veur verdeile ‘t geld ónger de erme 26 Bacchus Rick 1 27 Veur pakke de draod weer op! 28 Oësteriek in ’t windjbuujelriek! 29 Eine ei sjprung 30 Jeugprinses Liv I 31 Veur zien bontj & blauw 32 Veur zien oet de kuns! (Vvdzh) 33 Joeks kapel Sjeets Baeter vanaaf 1996 34 Ouch gèn kunst 35 Eine toegeneide 36 Jeug Boerebroedspaar Pien en Niels 37 Boerebroelof; Sandra en Steven 38 Veur zien in òs nopjes 39 Moderne Kuns 40 Oet de kuns of d’r oet mèt de kuns? 41 Kunstwerk 11 42 Sjponsorwage Wassink 43 Veur kenne gen maot! 44 Prins Tom II
Opsjtelling Kinjeroptoch
nr titel 1 Ierstewaage 2 Rammelejan 3 Fluitermenie 4 Vastelaoves Sjilderie 5 Veur zien oet de kunst gesjtapt 6 Aadwief Susanne 7 Veur zien óet de kuns! 8 Veur gaon door ’t lintj! 9 Jeugprins Hero van VV de Windjbuujels 10 De Confettiknallers- Vastelaovessafari 11 Jeugboerebroelof 12 Boerebroelof 13 Sjildersaezel 14 Veur höbbe de kuns doorgegaeve gekrege 15 Joekskepél Sjteeds Baeter 16 Weit geur ut noe nog 17 Oet! De kunst. 18 Bacchus Rick I 19 Veur zeuke Fikkie 20 Veur sjtaon d’r gekleurd op 21 Mien breurkes höbbe mich in de sjteek gelaote 22 Jeugprinses Liv 1ste van Jong Nederland 23 Op pepier de beste. 24 Veur komme oet de kuns 25 EPS 26 Veer höbbe alle kuns biejein verzameld 27 Prins Tom II van VV de Windjbuujels
Resepsie Prins Tom II
Leef Windjbuujelinekkes en Windjbuujels, Nag ’n paar daag röstig aan en den sjtart de vastelaovend in ós Windjbuujelriek!Op zóndigaovend sjteit de resepsie van ózze nieje Hoeëgheid Prins Tom II op ’t program. Kóm ózze Hoeëgheid Prins Tom II en zien adjudanten Rick Huijbers & Willem Veldman gerös ’n hendje geave. Aansjloetend aan de resepsie zal Net Oet Bèd d’r ’n groeët fieës van gaon make! Wies zondig in de Sjakel 20.00 oer.
Boerebroedspaar Steven & Sandra Franssen – Wijnhoven
Hiel erg gruuets prizzenteert de Boerebroelof Ruiver-Óffebèk ug häör nieje Boerebroedspaar. Tiedes de kómmende Vastelaovend gaon Steven en Sandra Franssen – Wijnhoven as Boerebroedspaar 2024 same met häör getuge Niek en Joyce Muisers – Peeters en Frank Nijssen en Claudia Naus d’r ’n groeët fieës van make in ‘t Windjbuujelriek. In ‘ne boemvolle Paerssjtal zörgde ze veur ’n waar sjpektakel en prizzenteerde ós ’n geweldig boeregezelsjap. Bie deze nuuedige Steven en Sandra ug alvas oet veur de Boerebroelof op vastelaovesdinsdig 13 Fibberwarie wao ze door häöre ambtenaar van de börgerlikke standj in de ónèch waere verbónje.
Jeugboerebroedspaar Pien Leenders & Niels van Leipsig
Hiel erg gruuets prizzenteert Boerebroelof Ruiver-Óffebèk uch häör nieje Jeug-Boerebroedspaar. Tiedens de kómmende Vastelaovend gaon Pien Leenders en Niels van Leipsig as Jeug-Boerebroedspaar 2024 same mèt häör getuuge Lotte Deenen en Daan Verstappen d’r ’n groeët fieës van make in ‘t Windjbuujelriek. In ‘ne aafgelaaje Paerssjtal kwame zie ónger de hoeëge hood oet en maakte d’r mèt ‘t aanwezige publiek ’n knalfieës van. Óm 21:30 oer zal ouch ‘t groeëte Broedspaar live ónger de hood oetkómme! Bie deze nuuedige Pien en Niels uch alvas oet veur de Boerebroelof op vastelaovesdinsdig 13 Fibberwarie wao ze same ’n vrunjsjapsgelofte aaf zalle sjloete.
DAAGBOOKDEIL 6 VAN ‘T BROEDSPAAR
Leef luuj, zoewel windjbuujels as windjbuujelinne, boere as boerinne, dörpse as neet-dörpse! Wat is ‘t aafgeloupe waeke lastig gewaes door al die luuj die ós ’t vuur aan de sjene höbbe gelag. Bie de zittinge waar ’t mei al zjweite, dus höbbe veur de bal mer get truuk probere kaatse. En de hierezitting waar ouch genne gemekkelike. Boete det d’r genóg gedrónke waar, mer dao höbbe v’r ós ouch good óngeroet kènne wazele. Daonao ‘ne friet van Keube waas ouch óm te sjmulle. Eigelik is det dus waal gelök allemaol. En wat meint geur van aafgeloupe zaoterdigaovend, wie ze hie oppe Ruiver häöre nieje hoeëgheid geprizzenteerd krege. Wat ein sjitterend spektakel kwaam dao teveursjien. Dus veur gaon d’rvan oet det idderein mèt dit grandioze trio vas waal kèn fieëste wies de haan kreit! Nao aafgeloupe weekend bliek waal det de lies in de lak is gezatte en oetgehardt, de verf op de achtergróndj van ’t canvas is opgedruuëg. Op ein sjoeën zjwart-wit heukske nao is nag get plaats op ’t dook, wao veur oeteindelik nag oetgesjtreke waere, mer verder höbbe alle hoeëghede häör sjnoet, kleure en häöre sjteek gekregen. En dit jaor zien de veurgengers oet ‘n anger vaetje getap. Dit veel van teveure netuurlik neet te plenne, mer dit geit ein joeksig fieës waere, en veur weite allemaol wat joeks geuf. Veur sjtaon den ouch ech te trappele van spanning, want a.s. zaoterdig kómme veur den eindelik oet as Boerebroedspaar 2024 same mèt ós gezelschap. En dit is neet ’t ierste ’t beste boeregezelsjap. Nae, dit gezelsjap is oet verschillende weie, velde en modder gesjleip. Euveral wao se plat kós kalle, zien veur de boeremerte aafgegange óm dae sjtal te völle: paerd oet Remunj op de trailer gelaje, kuuj oet Zjwame van ’t sjtruje getrókke, badderende verkes van de angere kantj van de Maas,(wetse waal; dae foute kantj), get geite van de Venraojse kantj aangesjaf, get kuukes oet Belvendse kiepe-eier hierop gehaold, en jao, zelfs drake, oet Beesel, BEESEL! Aan al dit sjoeën bie-eingeraapde vieje höbbe veur duchtig mótte riete en duje om det fetsuunlik in ’t geriel te kriege. Hingste en merries efkes gesjeie haje en in ‘n paar aparte sjtalle neergezat, aangezeen die zich has neet in kóste haje en nag mier van det gezoks. Mer naodet de meiste lammere gewórpe zien en al ’t jónk grut ouch richting ’t ierste veurjaor geit, kènne veur zègke det alles is gelök óm mèt det vieë, alle hoeëgheden en mèt idderein dae wat mèt ós mei wilt doon, good aan te gaon de kommende tied! Daaróm gaon veur de lètste paar daag veurdet veur vastelaovend gaon viere iers nag efkes ’t landj op óm te kieke of dae vors noe ouch ech te goei d’reuver is gegange, ’t moos al de gewinste kleur op ’t blaad haet, euver de plaats haer óm te kieke of de kezele rech aangeherk zien, of de haof te goei gesjoeffeld is, alle gereidsjappe in de sjuur zien gesjmete, zorge det de trog van de verkes en geite gevöld is mèt voor, de kuuj gemolke zien en weer op ’t sjtruje ligke, de paerd besjlage en ingevlochte zien, de paad gekaerd is, de bagger van de sjtevele aaf is, de mès in de koel lik te dampe, en det de buujel en de vlag oethange. As det allemaol geregeld is, en v’r d’r has klaor veur zien, kènne veur d’r langzamerhandj waal vanoet gaon det v’r ’t volgende weite: De Sókkerome haet gezorg veur ein good gevölde portemonnee, die wat euveral mei naotoe geit. Ós Sirremoniemeisteres haet de sjmik oet ’t vet gehaold, want det is wao die gaer mei zjweit. De Ambtenaar is d’r ouch klaor veur as ’t mer 15.00 oer gewaes is. De Troubadour haet zien dwarse fluit bie zich, want zónger die fluit geit det altied mis. Meneer de Börgemeister haet zien zilvere ketting gepoets, zoedet die good blink. Ós getuge höbbe get sjmaer op häör hekskes en sjoon gesjmaerd mer ouch in häöre kael, zoedet det zinge ouch ein bietje good klink. Haopelik geit ózze Veldwachter op ziene koes den nog effe sjpienze of d’r gen omgezaegde buim oppe waeg ligke tösse moder Maas en de kevent. En as lètste wille veur uch noe alvas winse mer zeker ouch mèt ug viere; eine sjoeëne vastelaovend! Boerebroedspaar 2024