Vandaag haed Prins Ryan I van maar leefs twieje prinselikke KIA wages de sjleutels ontvange. VDNS Venlo is sinds twieje jaor prinse-auto sjponsor. Prins Ryan I en zien adjudante Ron & John – maar zeer zeker ouch de vereiniging – zien mèt dees groeëte sjponsoring erg blie. VDNS Venlo, dankjewel daoveur! As geur ós trio taegekomp den zjweij of toeter gerös. En wilt geur zelf ouch ens rieje in ein van dees sjoeëne KIA auto’s? Gangk den maar ens langs bie VDNS Venlo.
Super, vet, gaaf, … Neet te filme
Leef Windjbuujels en Windjbuulinnekes, SUPER, VET, GAAF………NEET TE FILME! Miense, wat eine geweldige aovend höbbe veur zaoterdig gehad. Eindelik mochte veur ós presentere as ‘t nieje Windjbuujeltrio van 2015. Wat ein ontvangs, felicitaties, reaksies en wat ein geweldig fieës waas det. Onbesjriefelik gewuuën! Det vergits se noeits van dien laeve mieër. Kiepevel! De zaoterdig begós lekker röstig. Nag effe nao ’t handjballe kieke van ós Maud en daonao sjnel nao hoes. Ós mam en Mieke ziene pap höbbe veur mèt ein smoesje gevraog óm te kómme. Toen kwame ouch nag ‘toevallig’ John, Nicole en Ron op bezeuk mét de kinjer. Wie veur dao allemaol biejein zote, moch ich eindelik vertelle det ich de nieje prins zól waere……. Wat waas det gaaf. Die haje hielemaol nieks in de gate. Geweldig óm die gezichte te zeen en die kinjersnuutjes te zeen glundere en mich vol óngeluif aan zitte te kieke. De poster höb ich mótte laote zeen ómdet ze ’t angers neet geluifde. Ouch de elders van John en Ron höbbe veur toen alvas eine poster gebrach en ouch dao höbbe veur genaote van häör reaksies. Toen saoves same met de vrunj op waeg nao ’t Prinsebal. Man wat waas det sjpannend. Nao ein klein uurke móste veur sjtiekem wegsjluipe en ós in ós pakke heise. De Men in Pek ware d’r klaor veur. En knalle! Gistere de ieërste officiele take as nie trio. Ieërs nao de bioscoop óm de nieje vereinigingsfoto te make veur 2015. Sjmiddigs de Windjbuujel gehese, dae wappert noe weer in ’t Windjbuujelriek. Danao nao Offebek wao in ‘ne heite bomvolle zaal Prins Maik I mèt zien adjudante Stijn en Dirk oet de Iphone kwame. Ich höb gezeen det geur d’r ein flink fieësje van kènt make. Det geit hielemaol good kómme! Vanaaf dees plaats nag ‘ne kier: van herte proficiat! Miense nogmaals bedank. ’t Waas geweldig ! Sjtart de Bandj Prins Ryan I Adjudante John en Ron
Windjbuujelhijsse óm 14.49 oer
Vandaag hijsse veur same mèt alle vastelaovesgezelsjappe óm 14.49 oer de Windjbuujel oppe mert oppe Ruiver.
Prins Ryan I en adjudante Ron en John
Gister – op zaoterdig 31 jannewarie waerde Ryan I as 62ste Prins van de Windjbuujels oetgeroope. Zien adjudante zien Ron Ravier en John van Helden. Onger ’t motto – Sjtart de bandj – geit dit trio uch ’t komend vastelaovessezoen veur.
Sjtart die film maar!
‘t Kriebelt, ik wiebel, Ik klazel-dazel-razel op mien bein, ‘t Kriebelt, ik wiebel, Ik prazel-hazel-wazel wat beejein… Pfff noe weit ich wie det ech veult en ’t waert allein maar erger. Op ’t werk kèn ich de aandach d’r nimmer ech biehaje en wazel ich d’r sjteeds dökker naeve. Ouch bie de adjes begint de sjpanning op te loupe. Veur zien lets op ‘n geheim lokasie bie-eingekómme óm de lètste dinger door te sjpraeke. ‘t Waas eine sjoeëne gezellige aovend en ‘n paar versjnaperinge later, weite veur noe wie veur gaon oetkómme. Alle ins en outs zien ós oetgelach. Tenminste det dinke v’r. Ich kèn uch vertelle, det waert ein geweldige oetreiking wao ze in Cannes op ’t filmfestival nog get van kènne liere. Neet te filme! Ich zól zègke: sjtart die film maar! Den mót ich ouch nag efkes get rech zètte. In mien enthousiasme bön ich in mien veurig sjtökske de vrouwelijke houfrol vergaete te neume. Neet te filme. Sorry Aad Wief, geur huuërt d’r natuurlik ouch bie. Geur mót nag ein waekske langer zjwiege. Väöl sukses daomeij maar det zal zeker good kómme. Maar miense ich gaon mich langzaam veurbereije op ’t groeëte moment. Veur gaon ós zeen. Alaaf ! Windjbuujelprins 2015 en zien adjes
Prins ….. I of II of III of ….
Zoeë ‘t lètste “anomieme” prins-weekend is achter de rök. Nag minder as ein waek, den moog ich mich eindelik offiesjeel Prins van de Windjbuujels neume. Ich draag dit geheim den al 10 waeke en 5 daag bie mich. Toen haet de Peekaa mich gevraog om uch veur te gaon as Prins .…. I of II of III of … Nao ruum 9 waeke is ‘t bienao zoever. Same mèt mien adjes, Prins Sjors II, Bacchus Djen (proficiat veur dich en dien Bacchusklöp) en de nag oet te rope Jeugprins van Jong Nederland, ‘t jeugboerebroedsjpaar en ‘t Boerebroedsjpaar zalle veur d’r dit jaor same met uch allemaol eine “neet te filme” Vastelaovend van gaon make. Maar ieërs höb ich nag effe undercover genaote mien lètste “vrieje” weekend mèt de familie. Lekker same mèt de kids ein sjnieëpop gemaak en gesjleit euver de Ruiver. “s-Aoves waas d’r weer ein sjoeën zitting. Veural ós eige ruiverse artieste vónj ich geweldig. Chapeau. Ouch höb ich dit weekend Prins Sjors ein handj gegaeve oppe receptie en ‘m van herte proficiat gewins. Aafgeloupe waek zien veur begós met de veurbereidinge en ‘t knutsele veur de optoch. Allein weite die angere neet det ich d’r den neet bie bön. Ich waas d’r ouch hielemaol neet bie mèt miene kop. Zólle ze ech nag nieks in de gate höbbe? Effe ein reactie op de vraog van Wieniewaagt oet ‘t Gastebook: veur bringe allein pos róndj in de körstied of as d’r ‘ne breef verkierd bezorg waert. Veur zeen ós sjnel. De groete, Spielberg
Sjterzittinge zitten d’r op.
Gisteraovend höbbe veur in ‘nne bomvolle Sjakel kenne geniete van ós twieëde Sjterzitting. Net as vurrige waek ’n zitting met vuuël eige Ruiverse artieste, hiej zien veur trots op. Veur haope det geur auch höb genaote van ós eigen Ruiverse sjlaegers, de Dansgroep van Windjbuujels’jeug, dansgroep Whatever, BandEllef en van “De Ruiver Dreijt Door”. De filmkes van “De Ruiver Dreijt Door” wille veur uch neet onthaaje, ze zien te bekieke via óngerstaonde links; ‘nne daag met ozze börgemeister de greunste gemeinte
Let op: Aaftraeje Prins Geert I meugelik van 30 jan. nao 25 jan.
Aankómmende zaoterdig zal bekend waere waem in de LVK-finale sjteit. Messjiens zien det waal ós eige Veterane van RevocVCB. Mog det zoeë zien den waert ’t aaftraeje van Prins Geert I verplaatst nao aankómmende zóndig 25 jannewarie. ’t Aaftraeje sjtart nao de resepsie van Jeugprins Sjors II. Det zal omsjtreeks 17.oo oer zien. Wannier de veterane van RevocVCB neet in de finale sjtaon den is ’t aaftraeje van Prins Geert I zoeës ierder aangegaeve op vriedig 30 jannewarie.
Mien motto is weggekaap!
Beste Windjbuujels en Windjbuulinnekes, Ich sjtaon veur ein dilemma. Ich zit mèt de henj in mien haor. Ich haaj mien motto al lang klaor veur de Vastelaovend. Maar mien motto is weggekaap door eine angere Hoeëgheid. Sjors II bedank (hahaha). Hie höbbe veur ‘t nag waal ‘ne kier euver. Dinks se dets se alles good geregeld höbs kèns se nag op zeuk nao ein nie motto. En ‘t is al zoe drök in mien köpke, helder naodinke geit al bienao neet mier. Dus as geur nog sjoeën ideje höb, laot maar hure. Nag minder as 1x 11 daag en den sjtarte veur de bandj van ós film. Den hove veur eindelik nimmer te lege en kènne veur al die anger miense die ós dierbaar zien ouch betrèkke in dees geweldige Vastelaovesfilm. Ouch bön ich erg beniejd wae die anger houfrolle in Óffebek en oppe Ruiver gaon sjpele deze Vastelaovend. De nieje Bacchus zal ouch waal haos sjlaopeloze nachte höbbe van de sjpanning. Nag efkes en den moogs doe die pruuk opzètte. Ich loos in ‘t gastebook det de T.O.D. ós op de ieëerste zitting haet gezeen en det veur häör de puzzelsjtökskes in mekaar zien gevalle. Ich huuërde det vuuël miense ‘t ‘n geweldige zitting vónje. Ich haop det geur d’r ouch zoe van genaote höb. Veur zulle zeen, de oppas is geregeld. Zaoterdig zal ich in sjpanning aafwachte of de Revoc/VCB hieëre zich op moge make veur de groeëte LVK finale. Det zól geweldig sjoeën zien, ich zal veur uch doeme. Ouch wil ich vanaaf dees plek Mara, Sien en Nina en Marijn en Vicky hiel vuuël sukses winse mèt uch sjoeëne liedjes bie de finale van ‘t KVL kómmende zóndig. Mesjien zeen veur ós.
Prinsebal 2015 – Oscar nominaties
Sjtum op de genomineerde en maak kans op ’n VIP kaart