Beste Optochdeilnimmer(s), As geur dit jaor ouch weer mei wilt doon, lèt den op ’t volgende: De insjrieving veur de Optoch zal dit jaor plaats vinje op: donderdig 5 Fibberwarie van 19.30 oer toet 21.00 oer in ós Rizzedensie Café Ronckenstein. Maar lök uch dit neet? Download den ’t insjriefformulier 2015 hiej oppe site en mail dit ingevuld nao ’t volgende e-mail adres: groeete_optoch@ziggo.nl Höb geur vraoge, nim den gerös kontak op met ein van de leje van de Optochkemmissie of sjtel de vraog via ’t e-mail adres. Veur winse uch väöl sukses met ‘t oetdinke en ontwikkele van uch krejasies en zeen uch gaer op de insjrieving. Mèt Vastelaovesgroet, Optochkemmissie V.V. de Windjbuujels. Marcel Didden | T. 077-3544325 Marcel Nooyen | T. 077-4744768 Coen Franssen | T. 077-4745067 Twan Bongers | T. 077-8508607
Windjbuujel CD hoes-aan-hoes verkóch
Vandaag (zaoterdig 17 jannewarie) is de Windjbuujel CD hoes-aan-hoes verkóch. Via deze waeg wille veur alle verkaupers bedanke veur häöre inzet. Geur höb ’t geweldig gedaon. Klasse! Veur diegene die neet thoes ware vandaag en de hoes-aan-hoes verkoup gemis höbbe maar toch de nieje Windjbuujel CD wilt höbbe? De Windjbuujel CD is te koup bie Bruna, Marianne van Roekel en Kefee-Zalen de Paerssjtal
Veur zien alledrie tösse 3×11 en 5×11
Leef Windjbuujelinnekes en Windjbuujels, De ieërste Hoeëgheid van 2015 is d’r oet: Prins Sjors II van Windjbuujels Jeug. Vanoet deze kantj eine dieke proficiat veur dich en dien adjudante Tim en Kwin. Uch geheim is vanaaf noe gèn geheim mier en geur kènt alvas volop genete van de sjoeëne Vastelaovestied. Ich weit zeker det veur d’r same eine ‘Neet te filme Vastelaovend’ van gaon make. Veur ós begint ‘t noe ouch sjteeds sjpannender te waere. Nag maar twieë waeke en den is ‘t ech zoe wiet. De lètste sjtökskes van de film waere noe aan elkaar gemonteerd zoedet alles op tied klaor is veur de groeëte premiere. ‘t Waert ouch tied om noe get mier euver ós zelf te vertelle. Veur zien alledrie tösse 3×11 en 5×11. Ouch zien veur alle drie gebaore en getaoge in os sjoeëne Windjbuujelriek. Dao woeëne veur noe nag. Of det in Ruiver of Óffebèk is det maak nieks oet. Vreuger höbbe veur ouch same gelierd. Zoe lang kènne veur ós dus al. Altied same op sjtap gegaon wao veur ónger angere de maedjes höbbe liere kènne. De ieërste zittinge aafgeloupe weekend zien al verleje tied. Wat haaj ‘t Trommel en Fluiterkorps weer een good programma same gesjtelt. Veur kieke oet nao de Sjterzittinge. Ouch dao zien veur van de partie. Veur wille idderein dae vanaovend nao de ieërste zitting geit hiel väöl plezeer winse. Ouch alle kinjer die morge mèt de Kinjerzitting meidoon, väöl plezeer. Messjien zeen veur ós waal op ein van dees activiteite. Veur haope det geur noe get mier van ós te weite ziet gekómme. Höb geur al ein idee, vergaet den veural neet te raoje op de zittinge want det is natuurlik ouch veur ein hiel good doel, namelik de Kinjeroptoch. Alaaf
Kinjerzitting
Zóndig 18 jannewarie 2015 Kinjerzitting: lokasie: de Sjakel, zaal aope 14.00 oer, sjtart programma 14.30 oer. Dit jaor alweer veur de 21 ste kieër wuuërt de Kinjerzitting georganizeerd in de Sjakel. Op zóndig 18 jannewarie gaon de deure óm 14.00 oer veur uch aope. Kóm geniete van ’n biejzónjere Kinjerzitting. De organizasie wilt uch verrasse mèt biejzóngere optraejes van zanggroepe, dansgroepe, ’n optraeje van de Tonieëlvereiniging van Ruiver, Jong Nederland en de Capoeiragroep Limburg. De prizzentasie is in henj van Carlijn de Raaij en Keith Dewinden die uch op ’n ludiek manier door ’t programma meinimme. Bend Ellef sjluut dit geweldige fieës aaf mèt ’n super optraeje waobiej ’t daak d’r aaf geit………..dit moog geur neet misse.
KVL
De finale van ’t KVL vindj dit jaor plaats op zóndig 25 jannwarie 2015 óm 14.00 oer in Sporthal in de Pollack4 in Oirsbeek, veur mier info: www.kvl-limburg.nl. Welk liedje van de 15 Finaliste oet Limburg wuuërt “’t Kinder Vastelaovend leedje 2015”. Dit jaor höbbe mer leefs 2 Ruiverse meidegroepe zich geplaats veur de KVL Finale in Oirsbeek. Ein van dees finalisten zien Mara, Sien en Nina, de 3 maedjes kómme oet mèt häör liedje: “Drie Daag Sjpeelkèteer” waomei ze ouch de Blageliedjesmiddig in Ruiver höbbe gewonne. Häör liedje sjteit oppe Windjbuujel CD 2015. De angere Ruiverse finaliste zien Vicky Linssen en Marijn Hermans, artiestenaam: de VM klöp, ziej kómme oet mèt häör liedje: “Gekke Bekke”, ouch dees 2 maedjes höbbe meigedaon aan de Blageliedjesmiddig 2015. Ruiver is hartsjtikke trots op dees Ruiverse maedjes die de finale van ’t KVL höbbe gehaold en veur wense häör hiel vuuël suukses in Oirsbeek. As geur neet nao Oirsbeek kènt gaon óm de maedjes aan te moedige kènt geur häör ouch hure op de Kinjerzitting op zóndig 18 jannewarie in de Sjakel, aanvang 14.30 oer.
Filmke 2 veur ’t Jeug Prinsebal
https://www.youtube.com/watch?v=i1L4AGSr-dA Kiek hiej nao ’t 2de filmke en kom d’r achter waem de Nieje wuurt van Windjbuujels Jeug.
Filmke 1 veur ’t Jeug Prinsebal
https://www.youtube.com/watch?v=XDwd5xtK7QA Kiek hiej nao ’t sjpannende ierste filmke en kom d’r achter wae de Nieje van Windjbuujels Jeug wuurt!
Jeug Prinsebal
’t Jeugprinsebal 2015 is ‘nne Gala-aovend veur de Jeug. Op deze aovend wuuërt de oscar oetgereik aan ein van de genomineerde filmacteurs. Welke acteur wint de Oscar…………………….? Kiek nao de filmkes en probeer te achterhaole wat ’t vervólg op de filmkes is. Dit wilt geur neet misse dus kóm op vriedig 16 jannewarie nao Ronckenstein.
Hae geit gèn beer mier haole
Leef windjbuujels en windjbuujelinnekes, Nao ‘n geweldig optraeje van de hiere van REVOC/VCB in de halve finale van ’t LVK zitte veur as adjes bie ein óm veur uch dit sjtökske te sjrieve. Nag 2 kier 11 daag en den is ’t zoewiet. En miense, wat krieg geur ‘ne geweldige prins dit jaor en wat zit dae al good in zien rol. Hae geit gèn beer mier haole, wilt oppe sjtraot altied in ’t midde loupe en stjeit de lètste tied gaer in ’t middelpunt van de belangsjtelling. En wat zien veur gruuëts det veur in zien film ‘n bierol höbbe gekrege. Wie dök höbbe veur waal neet in de Sjakel gesjtaon mèt ’t oetkómme en elkaar aangekeke…En den örges in november: tillefoon. Of veur effe op auditie wille kómme veur de kaskraker van 2015: Men in Pek! En miense, det wuuërt ‘n geweldige film. De opnames zien al in volle gang en veur kieke oet nao de première op 31 jannewarie. Veur haope det geur dao ouch bie wilt zien. Missjien toet op ein van de zittinge! De adjes.
De nieje Bacchus sjrief
Beste Bacchusvrungj, Hiej t ieërste stökske van de nieje Bacchus veur dit jaor! We höbbe net alle fieësdaag achter ozze ruk en veur kènne alweer sjnel dinke aan deze fantastische vastelaovend! Wat höb ich en veural veur als klöp zin in deze vastelaovend! Alle veurbereidingen zien al in volle gang en veur kenne neet wachte tot de 23ste… Man wat duure die daag den toch lang met al det gewacht. Bacchus Olaf moog tot de 23 nog veurop als Bacchus en den mot ich Olaf toch ech det pekske gaon aafnumme want de 23ste is t den zo ver! Ich haop det Ronckenstein den ’t beer good gekeuld haet en genog vaten want veur gaon d’r samen met uch ’n geweldig fieës van make, det weit ich noe al. Ich ken uch waal vertellen det ’t lastig is om de mondj taege idderein te haaje en vanoet verschillende heuk mig al uns wuurd gezag van enne bus doe ’t dit joar? En den zeg ich maar weer steeds ’t zelfde…: “Ich?… nae det zal ik toch nooit waere…?” Wat bön ik bliej es ’t dadelijk dae vriedig-aovend de 23ste is en det ich kin zegge : “Ich bun ’t gewuun. ” Ich verheug mig op det moment! Biej deze nuudig ich ug alvast allemaol oet om vriedig 23 Januari nao mien oetkomme te komme kieke en den prooste veur dae aovendj samen op unne fantastische vastelaovend! Tot den! De nieje met de pruuk!:)