Det wins ich uch allemaol beste Windjbuujelinnekes en Windjbuujels. ’t Hingk in de lóch… Ich bön in de wolke, ich zjweef. Veur mich kèn 2014 noe al neet mieër kepot. Me haet mich gevraog de nieje Windjbuujelprins te waere en ich höb jao gezag. En wie ich det zag, sjote mich twieje dinger door de kop: 1. ózze huidige Hoeëgheid Prins Sjoerd I en 2. waem gaon ich vraoge óm Andy en Stan op te volge. Hoeëgheid Prins Sjoerd I, geur höb nag ’n paar geweldige aktiviteite te gaon en den hèlt ’t veur uch en uch adjudante Andy en Stan op. Maar wat höb geur ’t FAN-TAS-TIES gedaon. Vol enthousiasme en plezeer, de vónke sjpronge d’r vanaaf: OPERASIE GESJLAAG! Maar noe mien twieje adjudante. Al sjnel waar ich d’r euver oet en de keus waas good. Ouch zie zagte jao en veur höbbe d’r enorm väöl zin in. Veur gaon d’r ein groeët fieës van make, same mèt uch allemaol. ’t Hingk in de lóch… Veur ós zal ’t vanaaf noe ein lange vluch waere vol sjpanning en get turbulensie aaf en toe. Veur gaon langsaam ós vastelaoveskóffer inpakke veur ein onbekende maar supersjoeëne reis. Captain Crazy en crew
’t Profiel van de nieje veurzitter
’t Deurt nag 11 maond maar ’t dinke is gesjtart….tenminste….in ’t besjtuur. In eeders geval zien veur al zoe wied det veur weite waat veur wille. ’t Profiel van de nieje veurzitter det veur höbbe opgesjteld, wille veur den ouch gaer mèt uch deile. Breeve kent geur euveriges neet indeene…..tips gaeve waal. Geur weit ós te vinge. PROFIEL VEURZITTER v.v. de WINDJBUUJELS Gezóch: nieje veurzitter per 1 december 2014 Natuurlijk vraoge veur ‘t sjaop mèt de 5 puuët…maar wieër vèlt ‘t waal mei. Geveul veur Vastelaovend De nieje veurzitter: • Hèlt van de Vastelaovend maar hoof gènne echte Vastelaoves-gek te zien • Hoof daoróm neet persé oet de vereiniging aafkómstig te zien • Löp de belangriekste aktiviteite mei mèt ’t Gengig Gedeilte, maar hoof zeker neet euveral biej te zien; waal dreug hae den “de möts” Persuuënlikheid De nieje veurzitter: • Haet de nuuëdige laeveservaring zoeëdet hae in moeilikke situwasies vanoet ziene persoeën richting kèn gaeve en kèn optraeje • Mót verbinjing kènne bringe mèt jóngk en aad; is daoróm neet te jóngk maar ouch neet te aad (35-50 jr) • Is verbinjer en teamsjpeler; duit ‘t veur de vereiniging en veural neet veur zichzelf; gènne ” jobhopper” Kómpetensies De nieje veurzitter: • Haet de gevraogde kómpetensies in basis in zich; is gènne moeilikke persoeën maar is veural zichzelf • Hoof neet perfek of hieël ervare te zien; mèt de huidige ervare samesjtèlling van ‘t besjtuur krieg ‘nne veurzitter de kans óm foute te make, te liere en te greuje • Haet kiek op finansieje en bedriefsveuring, kèn ‘n vergadering leije en óngersjeit hoofzake van biejzake • Is in sjtaot mèt allerlei types van miense en partners óm te gaon • Vindj net zoeë gemekkelik ziene waeg richting gemeinte as richting jeugleje • Kèn good loestere maar dörf diskussie ouch aan te gaon, te interveniëre en in te griepe • Haet d’r gewuuën zin in; hae kommuniseert, sjtimuleert en entoezjasmeert • Sjteit aope veur verniejing op alle nivo’s; kiek wieër den korte termien • Hoof gènne sjpraeker te zien maar dörf waal de mikrofoon te pakke
Sjtuur uch foto’s veur in ’t Windjbuujelmagazine
As sjtrakkes op dónderdig 20 fibberwarie de Windjbuujel (edisie van 2014) weer hoes aan hoes verkóch geit waere kèn dao ouch ’n biedrage van uch in kómme te sjtaon. Ómdet veur natuurlik aandach sjinke aan ’t jaorthema ‘’t Hingk in de lóch”; en veur aan alle Windjbuujelinnekes en Windjbuujels de meugelikheid wille gaeve óm dao-aan mei te doon, organizere veur ‘ne foto-shoot-wedsjtried. En det wille veur op de volgende wieze gaon doon: • Geur maak ’n foto woe-in ‘t thema ’t Hingk in de Lóch dudelik oet de verf kump. Det moog ’n foto van ’n besjtaond óngerwerp zien woe geur ‘nne sjoeëne teks biej verzint maar ‘t moog ouch gerös ’n bewerkde foto zien. • Die foto sjtuurt geur nao redaksie@windjbuujels.nl . • Veur zeuke de sjónste, orrizjineelste, meis humoristische foto’s oet die geplaats waere in De Windjbuujel. • De foto kump zoeë wie zoeë oppe Windjbuujelsite. Väöl plezeer en sukses mèt fotografere. De Redaksie.
D´r zien nag kaarte veur de Sjterzitting van 25 jannewarie
Vandaag is de veurverkoup van de Sjterzittinge 2014 gewaes. De Sjterzitting veur 1 fibberwarie is oetverkóch. Veur zaoterdig 25 jannewarie zien waal nag kaarte te koup. Kaarte koste € 15,= en zien te koup bie: Bruna, Albert Heijn, Kefee Ronckenstein en Kefee De Paerssjtal.
Veurverkoup Sjterzitting op zóndig 29 december
De veurverkoup van de Sjterzittinge zal dit jaor plaatsvinje op zóndig 29 december. De joekskemissie is d’r ouch dit jaor in gesjlaag om ein joeksig en amusant programma op te sjtelle. Buutteredners, eine dansgroep, acts van Ruiverse baodem en netuurlik meziek. Veur leje van De Windjbuujels sjtart de verkoup op zóndig 29 december om 10.30 oer. Veur neet leje vanaaf 11.00 oer. De lokasie van de veurverkoup is netuurlik ós residensie Kefee Ronckenstein. De kaarte koste 15,= euro. De ieërste zitting is op zaoterdig 25 jannewarie. De twieëde zitting op zaoterdig 1 fibberwarie. Toet den, De Joekskemissie
Besjtel hiej uch nieje Windjbuujels-cd 2014
Leef Windjbujjelinnekes en Windjbuujels, Besjtel hiej de nieje cd van de Windjbuujels. Op 18 jannewarie kómme veur biej uch aan óm ze aaf te levere. Woeënt geur neet in ’t Windjbuujelriek kènt geur ze op 18 jannewarie vanaaf 15 oer aaf haole biej Café Ronckenstein oppe Ruiver
LaLaLadies in Finale KVL 2014 oppe Ruiver!
Vanmiddaag haet ’t KVL-besjtuur de Ladies verrast met de toekenning van ein finaleplaats. Wat ein Sinterklaoskedootje zeg! Lissy, Jitske en Anne zien super trots en bliej. Names de vereiniging van herte prefisiat en hieël vuuël sukses mèt de veurbereidinge richting de finale op 9 fibberwarie in ós eige oppe Ruiver.
’t Einde nadert!
Beste Miense, ’t Einde zit der bienao aan te komme. Euver twieje maondj zit ut erop. 7 fibberwarie traeje veur as trio aaf in de residensie van de Windjbuujels. DAOBIE IS IDDEREIN NETUURLIK VAN HERTE OËTGENUUËDIG! Gelökkig höbbe veur nog ’n paar geweldige aktiviteite op ozze agenda sjtaon. Dink hie bie aan de Diner des Buutes, ’t oetkomme van de jeugprins of -prinses, de Nach van Bachus en netuurlik de Sjterzittinge. Ouch moge we naeve de deur veur om de nieje Windjbuujel cd te verkaupe. Dus eigelik ziet geur nog neet van os aaf. Oet vertroeëwelikke bron, weijt ich det de PK al behuuërlijk ver is mèt ’t vraoge van de nieje………………Auwa det duit toch waal ein bietje pien. Maar det huuërt d’r allemaol bie. Ich wins ‘m net zoeëvuüel pleseer met ’t veurtrajek as veur gehad höbbe. Verder wil ich ’t ganse Windjbuujelriek ein paar fantastische fieësdaag winse names ’t trio. Veur zien der in idder geval klaor veur om uch toet op ’t letste moment op uch winke te bedene. Veur gaon d’r nog effe ein knallend einde van make met z’n alle. Veur höbbe d’r zin in om uch weer op al die geweldige aktiviteite taege ’t lief te laupe. Zoeëdet we op ’t einde wederom kènne zegge………………………………………….OPERASIE GESJLAAG.
Kaarte Veurverkaup Sjterzittinge 2014
[youtube]http://www.youtube.com/watch?v=07x-YJMQimo[/youtube]
Finaliste buuttekampioensjappe 2014 bekend
Dinsdig waas ein van de drie veurrunj veur de buuttekampioensjappe 2014 oppe Ruiver. Gister zien nao de derde veurrunj in Linne de finaliste bekend gemaak. Dees finaliste sjtrieje op vriedig 10 januari in Theaterhotel De Oranjerie in Remunj om Buuttekampioen 2014 te waere. De buutteredners die zich op moge make veur de finale zien: Conny Bruijnaers – Haelen – 100% puber Math Creemers – Stramproy – Kerstmis in december Ton Donders – Weert – Aoje Hippie Henrie van Geneijgen – Swartbroek – Vessers politiek Jan Geraedts – Beesel – Janus, worstelt zich door ’t laeve! Sylvia Ramakers – Cadier en Keer – De aw vrijtster Peter Vaassen – Beegden – Manager van de Aldi Vanoet dees plaats winse veur de finaliste alvas hieël vuuël sukses en veur zien beniejd nao oetkoms van de laoting veur de volgorde van optraeje. Mieër informasie euver de kaartverkoup veur 10 jannewarie sjteit oppe website van de LVKA.