V.V. De Windjbuujels prizzenteert: Buutteaovend & Sjterzitting! Vriedig 31 Jannewarie: Buutteaovend‘ne Aovend vol mèt humor en vermaak bezorge veur uch mèt deze line-up: * Top 3 Liedjesaovend* Ruivers Keteerke* John van Bilsen* Gwen* Pierre van Helden* Dirk Kouwenberg* Kroegadours* Hans Verbaarschot Zaoterdig 1 Fibberwarie: Sjterzitting‘ne Aovend vol mèt topentertainment, gaer prizzentere veur uch de line-up:* Top 3 Liedjesaovend* Ruivers Keteerke* Rob van Elst* Whatever* Verrassingsact* Oet De Maot* Rempetemp* Marleen Rutten Muzikale ómliesting door Joekskepel de DorsvlaegelsOp beide aovende zörg Joekskepel de Dorsvlaegels veur fantastische muzikale ómliesting, waodoor de sfeer gegarandeerd onvergaetelik zal zien! Online veurverkoup sjtart euver 11 daag op zondig 8 December óm 12.00 oer! Bön d’r sjnel bie óm uch plaats te verzekeren veur dees fantastische evenemente. Op zeuk nao ’n last-minute Sinterklaoskado of ’n speciaal kado veur körs? Gaef de magie van vastelaovend! Tickets veur ózze buutteaovend en/of sjterzitting zien ’t perfecte kado veur iddere fieësvierder. Koup uch tickets vanaaf Zondig 8 December óm 12.00 oer via: https://windjbuujels.nl/etickets/ Volg ós op ós socialmediakanalen veur mier updates. Veur zeen uch gaer op 31 Jannewarie en 1 Fibberwarie veur twieë onvergaetelike evenementen.
Jaorvergadering niejs
Aafgeloupe vriedig höbbe veur ós jaorvergadering gehaaje in ós rizzedentie Café Ronckenstein. Óngerdeil van dees vergadering waas ’n besjtuursverkeezing en ’t beneume van de titel “Lid van verdeenste”. Gaer laote veur weite dèt Rob Hillekens is beneumd toet Lid van Verdeenste. Tiedes de besjtuursverkeezing is Kim van Leipsig – van Rijswick verkaoze as Penningmeister en dao mèt ós nieje besjtuurslid. Sikkretaris Sjoerd Palmen, Gijs Huijbers en Rob Claessen zien tiedes de besjtuursverkeezing herkaoze as besjtuurslid. Van herte proficiat allemaol!
Daagbook van de nieje – Deil 1
Ich höb de poeës gevange Boooaahh…., wat kènne vieëf jónges dich ’n aantal nachte wakker haje. Naodet ich mèt ‘ne sjmoes bie eine van de PeeKaa in hoeës waas gelok, sjting dao binne drie mintue de res van de PeeKaa binne. Ich herkende ’t drek. En dach… ’t zal toch neet? Nag gèn minuut later kreeg ich de vraog óm Windjbuujelprins 2025 te waere? Mien anjtwaord waas drek: jao! De PeeKaa vroog toen: “Is det zoeë? Is ’t neet sjlum om ieërs diene aanhang te informere?”. Toen maar toch ieërs miene tillefoon gepak en gebeld, ondanks det ich ’t antjwaord waarsjienlik al wis. ’t Antjwaord aan de angere kantj van de lien, waas zoeëas verwach ouch: jao. Veur det de PeeKaa verder ging mèt de oetlègk wie alles in zien werk geit, höbbe veur netuurlik ieërs geproos op get sjieks en unieks wat veur mich kómme geit. Daobie bedach ich mich ouch det ’t nag ’n paar maondj duurt toet aan ’t Prinsebal van 15 fibberwarie 2025. De aovend (of baeter gezag nach) duurde nag lang. Ich kreeg behuuërlik väöl informasie en opdrachte mei nao hoes. De ieërste nach det ich neet kós sjlaope brook daonao aan. ‘ne Nach wao ich väöl höb naogedach euver wat kómme geit en wat geregeld mót waere. Ein van de ieërste zake waas netuurlik ’t keze van twieje adjudante. Det wól ich sjnel geregeld höbbe omdet ich dit niejs gaer mèt dees twieje wól deile. ’t Keze van de adjudante waas euveriges neet zoeë gemekkelik as ich mich had gedach. In mien direkte omgaeving zoude mieërdere kandidate dees rol kènne vervulle. Maar ich moog d’r maar twieje adjudante vraoge. Det is ouch maar good. De daag naodet ich gevraog waas óm Windjbuujelprins 2025 te waere, höb ich mien adjudante verras. Die zachte ouch drek jao. Daomei is ’t trio 2025 kompleet. Dae aovend höbbe we netuurlik geproos en al väöl veursjtellinge gemaak euver wat ós te wachte sjteit. Naodet d’r nag nachte kwame – wao ich amper kós sjlaope en de Vastelaovend van 2025 al minstens ellef kieër veurbie höb zeen kómme – waerde de nachte langzaamaan get baeter en langer. Erg sjnel daonao zien veur mèt ’t trio en de PeeKaa bie-ein gewaes. Ouch veur de adjudante is ’t netuurlik prettig as se weijte wao se aan toe zien. Mieër dan ’n A4-tje mèt get data krege veur euveriges neet. ’t Waas baove-al ‘ne sjoeëne aovend wao veur väöl verteld en gelache höbbe. Noe de 11e van de 11e is gewaes, kèn ’t Vastelaovesfieës éch beginne. Vandaag äöpene veur de Vastelaovend in ós Windjbuujelriek. Ich wins ’t huidige trio, mèt Prins Tom II veurop, ’ne sjoeëne en gezellige aovend toe. Waem wèt loupe veur waal same de polonaise? As Trio 2025 verheuge veur ós op alles wat kómme geit. Vanaaf noe mótte veur volges de PeeKaa erg alert zien op de Prinsraojers. Veural de Sjeempeekaa. En geur weijt, raoje in de kefees mót geur sjtraks zeker doon, want det is weer good veur de Kinjeroptoch. Nag sjieker is ’t as geur zellef meidoot aan de Kinjer- of Groeëte optoch. Toet sjlot wil ich de Ruiverse Revue femilie ’ne dieke prefisiat winse mèt de vief geweldige veursjtellinge in de aafgeloupe waek. Op diezelfde bühne moge veur sjtrakkes Kermis en Vastelaovend viere. Is det zoeë? Jao, det is zoeë! Windjbuujelprins 2025
Niejsbreef 1 – Vastelaovesseizoen 2024-2025
Klik op ongersjtaonde link óm de niejsbreef te bekieke: Niejsbreef 1 – Vastelaovesseizoen 2024-2025
Witte Rouk
Windjbuujels en Windjbuujelinnekes 🥦❤️💛💚, ’T duit de kemissie Boerebroelof Ruiver-Offébèk deug ug mèt te kènne deile det ’t moos weer op ’t landj stuit en det d’r witte rouk bie de Paerssjtal oet de sjaorstein kump. Kiek dus good óm ug haer de kómmende waeke, want ’t raoje kèn weer beginne! Veur wille ug den ouch van herte oetnuuëdige óm op zaoterdig 8 fibberwarie 2025 op ’t Boerebal te kómme kieke waem ’t kómmende Vastelaovesseizoen mèt ’t moos in de henj euver de kermis wanjelt! Haaj ós social media kanalen en website good in de gate veur mieër niejs ómtrent ’t nieje boerebroedspaar. Vergaet ouch neet óm morge, zaoterdig 2 november de kerboet, blood- en baklaeverworst in te sjlaon, dae kèn wies ruum nao de Vastelaovend in de vreezer bewaard blieve, dus kóm preuve en insjlaon!
Wors- en kerboetverkoup Boerebroelof
Windjbuujels en Windjbuujelinnekes, Op zaoterdig 2 november is ‘t weer zoeë wied! De Boerebroelof verzorg dae daag weer de jaorlijkse wors- en kerboet verkoup. De lekkerste Kerboet, Blood- en Baklaeverwors van sjlegter Hoezen vintj geur tösse 10:00 en 13:00 oer bie de Albert Heijn in Offébèk en de Plus oppe Ruiver. ‘t Boeregezelsjap 2024 zal met häör kräömkes bie de ingang te vinden zien. Mer ouch is ‘t dit jaor meugelik óm bie Brasserie Bösdael tösse 11 en 13:00 oer dees heerlike waore te kaupe. Hie zal ‘t jeugboerebroedspaar en häör getuge ug gaer van deens zien! ‘t beste niejs is messjien waal det veur lak höbbe aan de inflasie en de prieze dit jaor neet höbbe verhuueg. Det beteikent det geur de volgende prieze bie de kräömkes zalt zeen: Blood/baklaeverwors: € 4,25 per sjtök, 3 sjtöks veur € 12,00. (Combinere is meugelik!) Kerboet: € 6,00 per sjtök, 2 sjtöks veur € 11,00. En waem wet loup geur nag waal ein van de nieje hoeëgheden taege ‘t lief, zónger det geur ‘t weit! Besjtellingen kènne ouch via de mail (boerebroelof@windjbuujels.nl) waere gedaon, gaef hie duudelik bie aan of geur dees besjtelling oppikt bie de Plus, of bie de Albert Heijn.
Äöpening van de vastelaovend
Leef Windjbuujelinnekes en Windjbuujels, Euver ’n kleine maondj is ’t weer zoeë wied! De traditionele äöpening van de Vastelaovend mèt ós evenement Paaf Alaaf! Op vriedag 15 november is idderein vanaaf 20:00 oer van herte welkóm bie Café-zalen De Paerssjtal. Mèt optraejes van Rempetemp en Sjöppe Aos zalle veur de Vastelaovend in sjtiel äöpene. Ouch zalle volges de tradisie de winnende sjlaegers van de Liedjesavond acte de présence gaeve en zörg joekskepèl Zuuver Zat veur de muzikale óngersjteuning. Veur haope den ouch same mèt ug en ’t trio van 2024, Prins Tom II en zien adjudanten Rick en Willem, ’t sjoeënste seizoen van ’t jaor te kènne äöpene.
Oetsjlaag liedjesweekend
Leef Windjbuujellinnekes & Windjbuujels, Wat waas det gaaf! Wat ‘ne fantastische liedjesaovend höbbe veur weer gehad mèt geweldige optraejes. Wat höbbe veur weer prachtige sjlaegers dit jaor! Deh! haet de ieërste plaats behaold mèt ’t nummer Kiek blie! De tèks en muziek is gesjreeve door Bas Geujen. Bie dezen de oetsjlaag: Nummer 1: Deh! – Kiek blie! Tèks: Bas Geujen Meziek: Bas Geujen Nummer 2: Trio 2024/2025 – Gisteraovend gans vergaete… Tèks: Rick Huijbers Meziek: Gijs Huijbers Nummer 3: Friet Speciaal – Gèn twiefel Tèks: Friet Speciaal Meziek: Koos Franssen Aanwiespries: Ymke, Marlou & Twan – De ganse daag Blageliedjesmiddig Op zondig waas ’t de beurt aan de jeug. In ‘ne volle zaal van de sjakel sjtonge mer leefs 7 blage sjlaegers klaor óm acte de présence te gaeve. De jury, besjtaonde oetalle hoeëgheden van 2023, haaj oeteindelijk de lestige taak óm ‘ne winnaar te keeze. Tiedes de blageliedjesmiddag waas d’r ouch ’n optraeje van de Dansgarde en ’n optraeje van de winnaars van het KVL 2024: Sam, Saar en Lola. De winnaar van de blageliedjesmiddig zal ouch in de studio opgenaome waere en binnekort via Spotify te beloesteren zien! Winnaar:De Boskraozers – Veur braeke de tent aafTèks en muziek: Gijs Huijbers en Emiel Ketellapper Twieëde pries:Minimoos – Veur zien ’t minimoos!Tèks: Sjoerd van LeipsigMuziek: Koos Franssen
PEEKAA niejs
PEEKAA NIEJS Aafgeloupe dinsdig höbbe veur de draod nao de Kermis weer opgepak. Veur ware bie ’t Versierhoes van der Veer in Venlo bie Tonny en Henk op bezeuk. Ze gove ós mieër den goeije raod en veur zien d’r van euvertuuëg det d’r sjtraks weer drie sjoeëne sjteeke sjtaon te sjtraole op de köpkes van ’t nieje Prinselikke trio. Dankjewel Tonny en Henk! https://youtu.be/Qz5Uq3oQO2A
Laoting liedjesaovend
Aafgeloupe zaoterdig tiedes ’t Windjbuujelcup sjete haet ós trio de laoting veur ózze liedjesaovend op zaoterdig 13 Oktoeëber verrich. 🎩 Bekiek sjnel ’t filmke ! 🎬🔍https://youtu.be/BG2y2pWwmUc Friet speciaal – Gen twiefel AJO – Verrek det ich vertrek! Twan, Marlou & Ymke – De ganse daag Trio 2024 – Gisteraovend gans vergaete Boeregezelsjap 2024 – De kleisjtaekerwals Theo Verkoelen – ‘t is mich op ‘t lief gesjreve Fischermenfriends – Hie geit alles Deh – Kiek blie EPS – Neet waorom maar daorom