Good niejs veur de vastelaovend in de gemeinte Beesel! De gemeinteraod van Beesel haet ingesjtump mèt ‘n raodsbreid initiatief óm de vastelaovesoptochte oppe Ruiver en in Beesel laevend te haje. De raod wilt veurkómme det praalwages verdwiene oet ós optochte doordet de verzekering te duur waert. Daoróm kump d’r in 2026 ’n subsidie toet maximaal €200 per praalwage óm de verzekeringskoste te vergoede. Hie mèt kènne bouwers en vereiniginge gewuuen meidoon en blief de vastelaovend kleurriek en laevendig. Ein sjoeën signaal van sjteun veur ós tradisie, behaad van ós cultureel erfgood en ‘n hert ónger de reem veur al ós wagebouwers. De Windjbuujels zien blie met dit besjloet van de voltallige gemeinteraod! #vlp #cda #samenverderbeesel #beeselselijst
2 Ruiverse Halve Finalisten LVK
Windjbuujels & Windjbuujelinnekes, Wat ‘ne fijne aovend! Neet ein, mer leefs twieë Ruiverse sjlaegers zien door nao de Halve Finale van ’t LVK. Van herte proficiat allemaol! Veur winse de männer van de Veterane van REVOC VCB & de AJO van Jong Nederland Ruiver-Óffebèk hiel vuuel succes in de halve finales! Op donderdig 8 en vriedig 9 jannewarie vinje de opnames van de halve finales plaats in cultuurpodium ‘de Bombardon’ in Heythuysen. Per halve finale traeje 20 artiesten op. Op vrijdig 9, 16 en 23 jannewarie 2026 zendt L1-Radio en tillevisie tösse 18.00 en 20.00 uur de halve finales 2026 oet. Dees oetzendinge waere herhaold op zaoterdig 10, 17 en 24 januari tösse 13.00 en 15.00 oer. Sjtumme kèn aansjloetend gedurende 30 minuten aan dees halve finales (óf aansjloetend aan de herhaolingen), naodet de prizzentator ’t startsein haet gegaeve. Per halve finale en per herhaoling kèn per tillefoonnummer op maximaal drie unieke liedjes gesjtumt waere. Daoveur deent drie kier ’n apart sms-bericht (€ 1,- per sms) gesjtuurd te waere naar 4004. Laot uch sjtum huuëre, zoeëdet veur ós Ruiverse sjlaegers in de finale mooge gaon bewonjere en supporten!
Daagbookdeil 2 van de nieje
Windjbuujelinnekes en Windjbuujels, Sjoeën om te laeze det ‘t ouch dit jaor alle kemmissies gelök is óm de hoeëgheden biejein te kriege. Op dit moment is gans Ruiver nog in de ban van Sinterklaos. En veur ouch natuurlik. Mer toch kiëke veur ouch al waeke get wieër veuroet. In plaats van de sjoon zette, höbbe veur de sjoon vas gepoets, zoeë det se de 31ste jannewarie ouch sjpik en sjpan d’r op sjtaon. Ouch höbbe veur in de tössetied ós pekskes gepas. Gelökkig zien veur alle drie gesjlaag. Veur kènne dus helaas neet te vuuël van det sjlokgrei van kläöske aete, want den gaon de knuip nimmer toe. Veur haaje ‘t dus mer bie ‘n mandarijntje dit jaor, ouch ‘lekker’. Det de vastelaovend doenderbie begint te kómme is good te merke in ‘t dörp. Det wuurd de kómmende tied dus extra oplette veur ós óm ós neet per ongelök örges te versjpraeke. Veur höbbe óngertösse al get aovende biejein gezaete óm belangrieke dinger door te sjpraeke en te fantasere wie deze vastelaovend geit zien. De verzinsels van mien hoeësorde zien eindelik oetgewerk nao ‘n definitief ontwerp. Ich bön beniejd wie dae d’r dalik oet kömp te zeen. Óm effe truuk te kómme op de vraog van de boere in häör daagbook wat betref de smoesjes, zin in ‘n fles beer? Veur winse uch ‘ne sjoeëne Sinterklaos en det ‘t mer gauw volgend jaor moog waere. De Nieje
Boerebroedspaar daagbookdeil 2
Windjbuujels & Windjbuujelinnekes, “Noe is ’t aan ós óm ein sjtökske te sjrieve.” “Waoróm aan ós? Veur gaon toch neet ónger dae hood oet kómme?” “Nae, mer veur moge waal in groeëte getale getuge zien van de leefde van det prachtig sjtel! Noe sjient ‘t det ‘t gebroekelik is det ouch veur ós daoróm in dit 2e daagbookdeil veursjtelle.” “Maar wat wille ze den van ós weite?” “Ja, gewuuen wie veur de waeg nao Offebek gevónje höbbe. Veur as boere dinke netuurlik al vreug aan ós oogs. Euver ‘t boerelandj, langs de Paerssjtal, woe veur get diamante en ‘n kiep höbbe verhanjeld veur ‘n paerd, zien veur terechgekómme in Offebek. Veur höbbe namelik gehuurd det dao goeje gróndj is en det de miense dao waal weite van aanpaote. Veur zien iers begós mèt Offebek te verkènne en wie veur de ideale plek gevónje haje, zien veur begós mèt de aanplant. Dit jaor zien veur as iers begós mèt de boeremoos, die sjteit noe al efkes op ‘t veld. Det kump good van pas dit seizoen. Noe det 11-11 is gewaes, haje veur ós aanbevaole veur lekkere vastelaovesrecepte. Det beteikent ouch det veur vanaaf noe ós beste beinke veur gaon zètte. Veur kènne neet wachte óm det aan uch te laote zeen en den veural in de polonaise.“ Groetjes,De getuge
Truukblik jaorvergadering
Goeiemorge Windjbuujels en Windjbuujellinnekes, Veurige waek höbbe veur ós jaorvergadering gehaaje in ós rizzedentie Café Ronckenstein. Óngerdeil van dees vergadering waas ’n besjtuursverkeezing. Tiedes de besjtuursverkeezing is Kevin Verstappen verkaoze en dao mèt ós nieje besjtuurslid. Vórs Jeroen de Mol, Joep Killaars en Ruud Janssen zien tiedes de besjtuursverkeezing herkaoze as besjtuurslid. Daonaeve höbbe veur ouch veuroet gekeke nao ós aankómmend 7×11 jäörig jubileum in vastelaovesseizoen 2027/2028. ’t Besjtuur haet hieveur ’n visie opgesjteld en is mèt dees visie op zeuk gegaon nao ‘ne groep wat dit inclusief ’n besjtuurlid geit organiseren. Deze groep höbbe veur tiedes de jaorvergadering bekend gemaak namelik:Rob Boonen as veurzitter, Rob Hillekens, Marco Janzen en vanoet ós besjtuur Roy Linssen. Binnekort mier niejs euver ós jubileum op ózze website. Van herte proficiat allemaol!
Vergadering 3 december
Windjbuujels & Windjbuujelinnekes, De veurbereidingen veur aankómmende vastelaovend zien in volle gang, bie ós mer ouch vast en zeker bie uch!Ziet geur ‘ne groep dae veur nimmens is gebroek te gaon make van ’n gemotoriseerd voertuig tiedes de groeëte optoch? Op woensdig 3 december óm 20.00 oer in ós rizzedentie Café Ronckenstein zal de optochkemissie tèks en oetleg gaeve wie d’r weurt omgegaon mèt de aafsjpraoke vanoet verzekeringen en welke invloed dit haet op ós reglement.Veur zeen uch dus allemaol gaer a.s. woensdig!
Neet 1 mer 2 Sjterzittingen
Windjbuujels & Windjbuujelinnekes, Dit jaor organiseren veur mer leefs twieë Sjterzittinge en waal op 16 en 17 Jannewarie. De Joekskemmissie haet weer ‘n sjoeën programma inein weite te dreije. Vriedig 16 jannewarie* Top 3 Liedjesaovend* Ruivers Keteerke* Har Daniels* Henrie van Geneijgen* Scheiven Drek* Band 11* Erwin vaan ‘t Merretkoer* Oét de Maot Zaoterdig 17 jannewarie* Top 3 Liedjesaovend* Ruivers Keteerke* René van den Heuvel* Scheiven Drek* Band 11* Bjorn en Mieke* Marjolein Heijltjes Muzikale ómliesting door Joekskepel de Dorsvlaegels Op beide aovende zörg Joekskepel de Dorsvlaegels veur fantastische muzikale ómliesting, waodoor de sfeer gegarandeerd onvergaetelik zal zien! KaartverkoupDe online veurverkoup sjtart op zondig 7 december óm 12.00 oer! Bön d’r sjnel bie óm uch plaats te verzekeren veur dees fantastische evenemente. Op zeuk nao ’n speciaal kedo veur körs?Gaef de magie van vastelaovend! Tickets veur ós sjterzittingen zien ’t perfecte kedo veur iddere fieësvierder. Koup uch tickets vanaaf Zondig 7 december óm 12.00 oer via: https://windjbuujels.nl/tickets/ Volg ós op ós socialmediakanalen veur mier updates. Veur zeen uch gaer op 16 & 17 jannewarie veur twieë onvergaetelike evenementen.
Prizzentasie kinjerbook & opsjtaeker
Leef Windjbuujels & Windjbuujelinnekes, Aafgeloupe vriedig höbbe veur de vastelaovend geäöpend bie De Paerssjtal mèt Paaf Alaaf! In ‘ne volle zaal höbbe veur genaote van optraejes van Joekskepèl de Gresbuus, De top 3 van de liedjesaovend en Marleen Rutten! 🎤🎨🎺 Deze aovend is ouch ’n twieëtalig kinjerbook geprizzenteerd euver de Kinjeroptoch: “Lars en Dirk doen mee aan de Kinderoptocht”. Gesjreeve door Pieter Franssen, geïllustreerd door Geert Niessen, vormgegaeve door Guus Killaars en nao ’t Ruivers vertaald door Wim Rovers. Dit book is te koup bie de Bruna veur €11,-. Ouch höbbe veur deze aovend ózze nieje opsjtaeker, ontworpe door Pascal Gommans, geprizzenteerd en höbbe veur ’t ieërste exemplaar oetgereik aan Pieter en Geert! 🎁 Wilt geur ouch zónne sjieke nieje opsjtaeker? 👀 Waer den lid van ós vastelaovesvereining, den krieg geur de opsjtaeker hielemaol veur nieks. Mier informasie is te vinje op ózze website: https://windjbuujels.nl/lid-waere/ Geur kent ouch de raod van 11 aansjpraeke, bie dees männer is de opsjtaeker te koup veur 5 euro. 📸 De foto’s die Frank Stevens haet gemaak, staon ouch online en zien te bekieke via:https://www.flickr.com/photos/151857062@N07/albums/72177720330361309/
Kinjerzitting – opgaeve
🎭 Kinjerzitting 2026 – Duis doe mèt? 🎉 Kèns doe good danse, zinge, ’ne mop vertelle of get angers leuks laote zeen?Den is de Kinjerzitting echt get veur dich! 🌟 Op zondig 18 jannewarie 2026 make veur van de Schakel ’n echte showzaal.Alle kinjer van de basissjoel mooge mèt doon — ellein of same mit vrunj! 💃🎤🤹♀️ 🕒 15.00 – 17.00 oer📍 De Schakel, Reuver💌 Opgaeve kèn veur 23 november via👉 kinjerzitting@windjbuujels.nl Kóm laote zeen was doe kèns, en maak same mèt ós ’n groeët Vastelaovesfieësje! 🎈
Boerebroedspaar daagbookdeil 1
Dinsdig 11 november 2026. Wat is ´t toch geweldig óm al die verkleide miense óm ós haer te zeen. Ein groeëte zieë van kleure, gezelligheid, gelach en plezeer. De 11e van de 11e, altied ´ne sjoeëne daag veur idderein dae van de vastelaovend helt, de äöpening van ‘t nieje vastelaovessezoen. Maar veur ós waas dit jaor toch efkes angers as angers. Veur mótte namelijk ‘n groeët geheim beware en de sjpanning zit d’r al in! Op deze daag höbbe veur ouch ’t ierste deil van ’t daagbook van de prins gelaeze. Profisiat prins van 2026, veur höbbe d’r super vuuel zin in en toet gauw, op ’t Prinsebal! Iers efkes truuk in de tied.´t Waas ´ne gewuene doordewaekse aovend in oktoeëber. Althans det dachte veur. De bel ging en eine van ós waas thoes. De anger waerde nao hoes gelok en de leugentjes om béswil ware begós.Veur krege ein sjtök kerboet aangereik. Veur ware sjtil, wäörd haje veur tekort. Vraoge ze ós óm boerebroedspaar 2026 te waere? Veur kóste ´t neet geluive en veulde ós hiel erg verierd. Lang höbbe veur neet hove te dinke, dus höbbe veur daezelfde aovend nag jao gezag en geproos! En den dringk ’t pas ech door; kómmend jaor aete veur kerboet, laeverwórs en bloodwórs as ontbijt! De klok begint te tikke. ’t Waerde tied om de getuge te vraoge en den ouch de res van ’t gezelsjap. Dit ouch nag alles in ’t geheim. @Prins van de Windjbuujels veur zien waal beniejd wat veur smoesjes geur höb gebroek. Gelökkig waar idderein net zoeë enthousias as veur en zag idderein drek “JAO”, veur zien d’rbie. Eigelik hoofde veur dao ouch neet aan te twiefele; zie zien oet ’t zellefde vastelaoveshout gesjneje as veur. Maar wat ´n onbesjrieflik geveul is det: ós gezelsjap is compleet! En… d’r waerde nag mier geproos! Truuk nao noe. ’t Vastelaovessezoen is geäöpend. Dalik kómme de fieësdaag en wie sjiek deze tied ouch is, ós gedachte zalle aaf en toe aafdwale nao 24 jannewarie 2026, de daag van ós oetkómme, Veur zien noe al aan ‘t genete, van de veurbereidinge die veur noe allein nag moge deile mét ós gezelsjap. Maar veur sjtaon te popele óm de vastelaovend in te gaon. Dit zal d’r zeker eine waere óm noeëts mier te vergaete. Boerebroedspaar 2026