Windjbuujels & Windjbuujelinnekes, 🚀D’r zien nog kaarten veur de 1e Sjterzitting!🚀 Höb geur zin in ‘ne sjieke aovend? ’n Aovend om te lache, mèt te zinge en same mèt ós ’n sjoeën fieësje te viere? De Joekskemissie haet ’n top programma same gesjteld wao geur nog bie kènt zien! Top 3 van de liedjesaovendDe top 3 van de liedjesaovend moog natuurlijk naet ontbraeke, dit jaor ouch nag ens mèt 2 liedjes in de halve finale van ’t LVK! Ruivers KeteerkeWat höbbe ze dit jaor bedach? ’t Ruiver Keteerke is altied ’n verassing, beniejd wat ze dit jaor veur uch in petto höbbe? Wat zalle ze te vertelle höbbe euver ós sjoeëne Ruiver? Henrie van GeneijgenAafgeloupe jaor nog 3e op ’t Groot Limburgs Buuttekampioenschap, dit jaor bie ós op ’t podium. Band 11Ze kiere truuk op de zitting mèt ’n nieje samensjtelling. Har DaniëlsAafgeloupe vriedig nag gekroeënd toet winnaar van ’t Groot Limburgs Buuttekampioenschap! Scheiven DrekLeeje van de populaire dialectformaties W-Dreej, de Toddezèk, 2 Kiër 2 en Neutjesrang vormen same Scheiven Drek, dit moog geur neet misse! Oét de MaotDees männer sjtaon in de halve finale mèt häör nieje nummer “De Vastelaovesvirtuoos” ongetwiefeld ’n fieës mèt Oét de Maot! Erwin vaan ’t MerretkoerWaem kènt ‘m neet? Zien sjtöm zörg veur ’n sfeer vol ambiance en plezeer. Mèt zien liedjes zörg d’r veur ’n sjpetterend optraeje! Scoor sjnel uch kaertjes, dees zien veur 22 euro te koup op ózze website:https://www.windjbuujels.nl/tickets Veur zeen uch gaer morgeaovend in de Schakel.
Boerebroedspaar daagbookdeil 4
Leef buurkes en burinkes, Zoeë in dees lètste waeke veur ’t Boerebal is ’t aan mich óm uch nag te sjrieve. Wie ’t Boerebroedspaar mich as sjoeëlmeister vroog óm alle kiepe en haenkes in ’t gareel te haje, kós ich namelik gen “nae” zègke. En geluif mich, as se det bóntj gezelsjap van ós zuus, den zal ich hiel get van sjtal mótte haole óm det veur mekaar te kriege. Want ’t kènne ouch aaf en toe verkes zien. En as d’r einmaol ein sjaop euver ’t hek is… den wèts se wie laat ’t is. As ’t nuedig is, den zal ich ouch neet te sjoew zien óm op te traeje vanoet dees rol. Ich bön beniejd wie dök det de teugels aangehaold mótte waere. Maar det zal waal los loupe: alles geit mèt dees daag! Det höbbe veur ouch aafgeloupe weekend weer gezeen. Proficiat aan jeugdprins Tjen en bacchus Guus. Geur hoof uch geheim neet mier veur uch te haje. Veur haje ós nog efkes keduuk… of neet, want d’r zien al hiel get zäödjes gepaot.Veur höbbe d’r in idder geval hiel väöl zin in. En ’t sjieke is det veur det allemaol same doon, mèt ós boerebroedspaar, de getuuge en alle anger luuj van ós gevolg. En same zalle veur ós neet ’t veld oet laote sjlaon. Óngerteikend,De sjoeëlmeister
Jeugprins Tjen I
Windjbuujels & Windjbuujelinnekes, Hie is d’r den: ózze nieje hoeëgheid van 2026! Jeugprins Tjen I (Metsemakers) 🎉 Same mèt zien adjudante Milan Levels en Koen van Leipsig regeert d’r dit jaor euver de jeug van ’t windjbuujelriek! ❤️💛💚 Dit doon ze ónger ’t motto: Veur gaeve deze vastelaovend GAAS!
Daagbookdeil 4 van de nieje
Beste Windjbuujels en Windjbuujelinnekes, Eindelijk zien veur aan de beurt om get van ós te laote huure naodet ózze nuuje Hoeëgheid al 3 sjieke verhaole haet mooge sjrieve. Veur hadde dit noeits aan zeen kómme. Veur kreege de vraog óm ‘n pilske te kómme drinke. Al sjnel krege veur ‘n pilske veur de naas gezatte mèt de vraog of veur deze vastelaovend zien adjudante wolle zien en dao zagte veur natuurlijk volmondig JAO op! De veurbereidinge koste beginnen, kop maete, pakke passe ,sjoon koupe en ‘ne sjieke jas mog neet ontbraeke. De fieësdaag zitte d’r weer op, maar de echte fieësdaag beginne veur ós pas mèt de vastelaovend want det is d’r mèt de paplaepel ingegaote. Toet dae tied haaje veur ós gedeisd en den zeen veur ós de 31ste jannewarie in de Sjakel!! Doe bös d’r toch aug biej??? Groetjes, De linkse en de rechse van de nieje…
Windjbuujel pagina in PUIK!
Windjbuujels & Windjbuujellinnekes, Bekiek de nieje oetgave van Puik, mèt dao in ózze Vastelaovesvereiniging de Windjbuujels pagina mèt veuroetblik nao de vastelaovend en alle evenementen van de kómmende waeke! Klik hie veur ’t artikel
Goeie veurnimmens?
Windjbuujels & Windjbuujelinnekes, Dit jaor organiseren veur mer leefs twieë Sjterzittinge en waal op 16 en 17 Jannewarie. De Joekskemmissie haet weer ‘n sjoeën programma inein weite te dreije. Vriedig 16 jannewarie* Top 3 Liedjesaovend* Ruivers Keteerke* Har Daniels* Henrie van Geneijgen* Scheiven Drek* Band 11* Erwin vaan ‘t Merretkoer* Oét de Maot Zaoterdig 17 jannewarie* Top 3 Liedjesaovend* Ruivers Keteerke* René van den Heuvel* Scheiven Drek* Band 11* Bjorn en Mieke* Marjolein Heijltjes 🎷Muzikale ómliesting door Joekskepel de DorsvlaegelsOp beide aovende zörg Joekskepel de Dorsvlaegels veur fantastische muzikale ómliesting, waodoor de sfeer gegarandeerd onvergaetelik zal zien! 🎁Goeie veurnimmens dit jaor?Tickets veur ós sjterzittingen zien ’n perfect idee veur iddere fieësvierder.Koup uch tickets online via: https://windjbuujels.nl/tickets/ Volg ós op ós socialmediakanalen veur mier updates. Veur zeen uch gaer op 16 & 17 jannewarie veur twieë onvergaetelike evenementen.
Boerebroedspaar daagbookdeil 3
Leef Windjbuujels & Windjbuujelinnekes, Op ‘t moment det ich dit sjrief, kleure de blaedjes van de buim roeëd, gael en greun. En noe zien veur al weer ‘n tiedje verder. De buim zien inmiddels kaal. Keuning wintjer sjteit veur de deur. Zoeë wie ze zègke zien dit de donker daag veur körs. Maar nieks is minder waor. Want donker zien dees daag allesbehalve. Ós donker daag veur körs waere gevöld mèt ‘n hert vol roeëd, gael en greun. Wat ‘ne prachtige tied. En wat ‘t nog prachtiger maak, is ‘t geveul det veur same mèt ós sjoeën boerebroedspaar as boeregezelsjap de vastelaovend moge gaon belaeve. Want man man man, wat höbbe veur d’r zin in! ‘t Duurt den nog effe maar de veurbereidingen zien alweer in volle gank. Want zoeë-as geur weit is d’r nog vuul werk aan de winkel veurdet ‘t fieës kèn gaon beginne. Maar mèt dit fantastisch gezelsjap geit det gans goodkómme. Bie de vergaderinge waert der vuul besjpraoke en hie en dao van ‘n natje en ‘n droogje genaote. Veur mótte ós nog effe geheimhaje. Maar de 24e van januari moge veur ós den eindelik bekènd gaon make aan ‘t groeëte publiek! Degene mèt gezóndj boereverstandj ken natuurlijk al oet de tekst haole waem veur zien. Want ja, zoeë-as det in de traditie pas, zitte d’r in dit sjrieve ouch get tips euver ós identiteit versjaole. Dus veur de puzzelaers ónger ós: succes! Veurdet ‘t zoeë wied is, höbbe veur netuurlik nog van alles op ‘t programma. Zoals ‘t oetkómme van de Jeugdprins(es) van Windjbuujels’ Jeug en netuurlik ‘t oetkómme van de Bacchus. Bön hiel beniejd waem det weer zal waere. Maar wae ‘t ouch waert, veur gaon knalle mèt z’n alle. Veur noe wins se veur uch alvas sjoeën fieësdaag en ‘n gezóndj en gelökkig niejjaor. Names de getuge
Daagbookdeil 3 van de nieje
Leef Windjbuujels en Windjbuujellinnekes, De körsdaag sjtaon weer veur de deur, ’t ganse dörp is in volle veurbereiding, ‘t zuut d’r euveral erg gezellig oet. Ouch ich bön mich aan ‘t veurbereide op dees daag om gezellig same te zien en good te aete. De veurbereidinge veur de 31ste jannewari blieve ouch doorgaon, de sjoon waere ingelaupe en opgepoetst, de haemde gesjtreeke en ’t sjtrikske fijn in de ploei gezatte. Aafgelaupe waek kreege de wagebouwers van ós Windjbuujelriek good niejs, de gemeinte haet namelik besjlaote óm de koste van de verzekeringe te SJPONSere. Ich haop det ze allemaol get sjieks bouwen. En det veur ouch dit jaor weer ‘ne fantastische optoch mooge höbbe. Aan de liedjes zal ’t zeker neet ligge, veur höbbe namelik neet ein mer twieë halve finaliste die Ruiver gaon vertaegewoordige op ‘t LVK. Ich wins de veterane van Revoc/VCB en de AJO hieël vuuël succes en plezeer. Zet ‘m op! Veur gaon zeker sjtumme, geur ouch? Höb geur ‘t nieje book euver Lars en Dirk, die mèt doon aan de kinjeroptóch, al gelaeze? Moch det neet ‘t geval zien, den kènt geur nog sjnel langs de Bruna veur nog ‘n last minute körskedo veur ónger de baum. Leuk óm veur te laeze aan de potentiële toekomstige optochfanatiekelinge. Veur noe gaon ich mich weer veurbereide op de körsdaag en alles wat hie bie kump kieke, want dae knieën in ‘t zoër maak zich zelf neet klaor. As die daag achter de rök zien is ’t namelik nog mer eine maondj veur det ‘t zoeë wiejt is. Ich kèn neet wachte óm mich de 31ste jannewarie aan uch veur te sjtelle. Zeen veur ós den? Mien adjudante en ich winse uch fijne körsdaag en ‘nne goeije roetsj (kiëk oet veur de vingers). Veur zeen ós in 2026!!! Groetjes, De nieje
Jeugprinsebal
Nag efkes en ‘t aaftelle nao ‘t Jeugprinsebal 2026 kèn beginne. Vólg de social media want vanaaf jannewarie nimme veur uch mei in korte filmkes van “Fleur de influencer” Kiek nao de filmkes en dink aan kleine hints, leuke momente en ‘ne kiek achter de sjerme. Kums doe derachter wae de nieje Jeugprins(es) zal waere???? Vriedig 9 jannewarie 2026 is ‘t zoeëwiet, den wuuërt ‘t “mysterie” ontrafeld.Wao? Zaal Ronckenstein Wielaat? 19:00 oer Zet de datum alvas in de agenda en tel mei aaf nao ‘ne gezellige aovend vol lol en vastelaovessjtumming
Good niejs veur de vastelaovend
Good niejs veur de vastelaovend in de gemeinte Beesel! De gemeinteraod van Beesel haet ingesjtump mèt ‘n raodsbreid initiatief óm de vastelaovesoptochte oppe Ruiver en in Beesel laevend te haje. De raod wilt veurkómme det praalwages verdwiene oet ós optochte doordet de verzekering te duur waert. Daoróm kump d’r in 2026 ’n subsidie toet maximaal €200 per praalwage óm de verzekeringskoste te vergoede. Hie mèt kènne bouwers en vereiniginge gewuuen meidoon en blief de vastelaovend kleurriek en laevendig. Ein sjoeën signaal van sjteun veur ós tradisie, behaad van ós cultureel erfgood en ‘n hert ónger de reem veur al ós wagebouwers. De Windjbuujels zien blie met dit besjloet van de voltallige gemeinteraod! #vlp #cda #samenverderbeesel #beeselselijst