nr. Titel cattegorie 1 Trommel en Fluiterkorps st. Barbara 2 Routewisser Einlinge/duo’s 3 Sponsoren van de optocht! Groeëte groep 4 aso-sjaal! Kleine groep 5 Ruiverse motorbende Einlinge/duo’s 6 Bacchus Stan IV ‘Lever Laam as Taam 7 Weekendje Wenen Kleine groep 8 Ich höb ze neet alle 7 Kleine groep 9 EPS 10 Spiegeltje spiegeltje in de handj…….. Groeëte groep 11 Tent oppe kop Praalwage 12 Veur laupe Route 66 oppe kop! Groeëte groep 13 wilse ein slipperke met mich make? Einlinge/duo’s 14 Jeugprins Gijs 1 15 Boerebroelof 16 Roëte 66?? die kaart ken ich neet Einlinge/duo’s 17 Sjteeds baeter Muziek 18 Volgend jaor zien veur baeter Kleine groep 19 ich kom de tent neet oët Einlinge/duo’s 20 Windjbuujels wat noe, 3 daag de Schakel toe? Praalwage 21 Volgend jaor zien veur waal baeter! Kleine groep 22 Wilt geur os pákke? Einlinge/duo’s 23 veur gaon oet os daak Groeëte groep 24 Joekskepel De Dorsvlaegels Muziek 25 Joepie…….. wat ein fies Groeëte groep 26 de veteranen komme Einlinge/duo’s 27 Jeugprins Niels 1 28 Veur prizzenteere de optoch Kleine groep 29 Windjbuujels pakke oet! Groeëte groep 30 Gèn kiëp te zeen oppe Route. Einlinge/duo’s 31 Veuroet……….. Achteroet…………. Groeëte groep 32 Ich zeen gèn fluit! Einlinge/duo’s 33 3×11 “Joekskepél De Gresbuus” Groeëte groep 34 Hell(s) Ingels Kleine groep 35 Route 6×11 Kleine groep 36 Hermenie Muziek 37 Route 66 Op waeg nao de windjbuuels Kleine groep 38 Joepie veur gaon Stumme Kleine groep 39 Joepie.. Op nao route 66 Groeëte groep 40 Sjpass Praalwage 41 ich lik op de goeie roete Einlinge/duo’s 42 Hell(s) Ingels Kleine groep 43 Sjtökke op route 66 Groeëte groep 44 Joepie same met miene poepie! Einlinge/duo’s 45 Veur gaon veur de Windjbuujelcup! Einlinge/duo’s 46 Prinselijk verveur 47 Prins Joep 1 met adjudanten Ramon en Bas
Hoeësregels die gelde in de jubileumtent
Gewijzigde route Kinjeroptoch en groeëte optoch
Omdet d’r ’n groeëte Jubileumtent oppe mert sjteit, zalle beide vastelaovesoptochte neet ontbónje waere oppe Ruiverse mert en zien de letste paar hongerd maeter van beide optochte gewijzigd. De Kinjeroptoch (zóndig 26 fibberwarie) en de groeëte optoch (maondig 27 fibberwarie) sjtartte beide óm 13.30 oer bie de Fatimakerk in Óffebek. Via de Keulsewaeg loupe de optochdeilnimmers richting de sjpaorwaegeuvergang en volge ze daonao de Keulsewaeg toet aan de Riekswaeg. Vervolges sjlaon ze linksaaf richting de Ruiverse mert. LET OP: angers as veurgaonde jaore geit de ganse optoch (ouch praalwages) ter huuëgte van ’t aad Kloeëster – taege de reguliere verkieërsrichting in – de Pesjtoeër Vranckenlaan op. Beide optochte waere ontbónje veur de hoofingang van de Jubileumtent. Deze ingangk ligk taege-euver ’t gebouw van Plus Savelkoul/Openbare Bibliotheek. De (praal)wages van de optoch verlaote de optoch door rechdoor te rieje richting ’t kruutspunt van de Prins Hendriksjtraot en de Pesjtoeër Rijnderslaan. PRIESOETREIKING. De priesoetreiking van beide optochte vinjt aansjloetend plaats in de Jubileumtent. Idderein is van herte welkom óm same mèt alle optochdeilnimmers de vastelaovend te viere. De entree is uiteraard gratis. ’t Ganse Jubileumprogramma sjteit op: http://www.windjbuujels.nl/jubileumprogramma-tent/
‘t Letste sjtukske in de anonimiteit aldus ózze nieje Prins
‘t Letste sjtukske in de anonimiteit… Gelökkig en jaomer tegeliek, ’t haet waal iets. ‘t Prinseraoje is flink aan de geng en ich höb al prachtige theorieje gehuuërd. Scotland Yard en de CIA zoude d’r jaloers op zien! ‘n Paar dinge mót ich helaas waal nag ontkrachte, zoeë is mien favoriete pilske neet van ‘t merk Brand, maar van get angers. Ach… maar det zal de “Brand” in uch theorieje weer nao angere rauk leiden. De theorieje euver miene sjriefsjtiel zien op zien minst markant, frappant en opmerkelik te neume. Maar den lèk ich ’t d’r messjiens te diek op. Net zoe as ich neet ‘t “aad wief” geneump had in mien vurrige sjtök (Pé Schouten, José Smets-Dings en ouch mien chevalerèske adjudante attendeerde mich dao hieël hoffelik op). Det brink mich toet ‘t bedanke van Inga mèt häör biedrage as “Aad Wief”. Doe höbs ‘t waanzinnig gedaon en doe verdeens ‘t óm as letste in de riej van “kertrekkers” as letste aaf te moge traeje. ‘t Waert ‘n oetdaging veur de volgende om dich te euvertreffe. Op de reaksies in de vurrige sjtökke höb ich nag ‘t volgende te zègke; ‘t Kompliment van Geert Niessen euver mien sjrieve nim ich van herte toet mich, ich gaon d’r van bloze. Ich höb die reaksie namelijk noeijts gehad op de körstkaertjes die ich dich gesjtuurd höb. Die foto van ós twieje Rick Stevens is neet óm aan te zeen en ich haop neet desse die publiceers, det zal Vivian ouch neet appreciëren dink ich. Rob Claessen kèn ich vermelde desse ‘t knipuigske vergaete bös, verder waar de vruntjelikke zjwei d’r weer als vanouds ondanks dien drukke baan biej PSW. De foto van Haökske 66 is neet gemaak door Leon Smolenaars, maar hae sjtòng waal vlakbiej toen dees genaome waerde beste Pieter Franssen. Den de High-Tea…. Ich haop det geur (Rudy de Vlieger) neet te väöl gebaoje höb, maar we zalle ‘t zeker gezellig make. As Karin Vogels ós zaoterdigmiddig oppik den zalle we d’r zien! We verzamele óm 14.00 oer bie mich thoes. We kènne ‘t neet te laat make omdet we nag ‘n belangrieke aktiviteit höbbe ’s aoves. Verder höb geur ‘t ongetwiefeld al gehuurd of gelaeze. De Blage höbbe ‘t KVL gewònne en de twieëde plaats van Marijn Hermans is eigelik ouch gewuuën ’n ieërste plaats. Wat knap! Allemaol van herte gefiliciteerd! Wat ’n superprestatie. ‘t Bewies maar des te mieër wie veur as klein dörp vastelaovend laote laeve. Ouch zal ‘t uch neet ontgaon zien det Prins Peter I is opgenaome bie … de EPS. Op dit moment zien we dus effe prinsloos en det huuërt d’r dit jaor noe einmaol bie. Maar gènne paniek, ich huuërde van de PeeKaa det die alles ónger controle höbbe. Ze höbbe zelfs Trump al truuk in ‘t witte hok gesjtuurd óm zich neet mèt ós te bemeuje. ‘t Aafgeloupe jaor höbbe we ‘n fantasties trio gehad mèt Prins Peter I veurop. Ich höb zeker ouch de letste waeke mèt bewónjering gekeke wie dees manne häör rol in de vastelaovend vervulde. Mèt passie, plezeer en oprechtheid sjtraolde ze vastelaovend euver nao de miense. ‘t Zat mich aan ’t dinke en goof mich nag mieër de euvertuging dit veurt te gaon zette. Ich haop det geur ‘t waardige aafsjied bie Kefee Ronckenstein good ontvange höb en belaof uch biej deze det geur mèt ‘n gerös hert oet kènt gaon ruste. De lesse van uch op Facebook zien good ontvange en we zien d’r klaor veur! Ich wil idderein bedanke veur de leuke interacties op mien sjrieve en ‘t sjrieve van mien adjudante. Wat res is ‘t Prinsebal, de zenuwe nimme toe en ‘t kump noe hieël doeën bie. Veur höbbe d’r zin in. Beste Windjbuujels en Windjbuujelinnekes … toet zaoterdig! Hoeëgheid “Elekt” 2017
Kaartverkoup Boerebrunch Vastelaovesdinsdig
Kaarte veur de Boerebrunch op Vastelaovesdinsdig in de Jubileumtent zien te koup bie ós residensie Ronckenstein. Kaarte kóste 5 euro. De Boerebrunch sjtart 28 fibberwarie óm 12.11 oer.
De Blage en Marijn Hermans haole vólle wins bie ’t KVL 2017
Gruuëts mèt ’n groeëte ‘G’ zien veur óm te moge zegge det de plaatse 1 en 2 van de KVL finale 2017 oet oppe Ruiver kómme. In ’n sjpannende en razendsjnelle finale in Eygelshoven op zóndig 5 fibberwarie wónne de Blage van de Windjbuujels mèt häör nummer ’t Trumke. De tèks is gesjreve door Sjoerd van Leipsig. De muziek is van Koos Franssen. Marijn Hermans zong zich mèt häör nummer de Vastelaovesdokter nao ’n te gekke twieëde plaats. Deze tèks en de muziek is gesjreve door Pieter Classen. Vanoet dees plaats wille veur de winnaars van herte prefisiat winse.
Drie pils astebleef!
Beste Prins Peter en adjudante Michel en Paul, veur uch zit ’t d’r bienao op: zaoterdaag gaot geur ’n jaor mèt ’n gouwe rendje aafsjloete en kènt geur nag eine kieër oppe kis houwe. Veur wille uch bedanke veur ’n sjoeën jaor en haope det geur ouch de kómmende vastelaovend, as ex-trio, weer väöl momente mèt gouwe rendjes gaot belaeve. Veur wille uch ouch bedanke veur de wieze lesse die veur oppe valreep nag van uch meikriege, want wat sjoeën det geur ós ’n bietje waegwies maak in ós aansjtaonde taak. Henjig det geur ós alvas get advieze gaef mèt ugge online cursus. Les 1 en 2 ware veur ós neet zoeë relevant, ózze hoeëgheid kèn namelik good zelf oet de auto sjtappe, dae is waarsjienlik nag get vitaler as Peter. In les 3 lieërde geur ós det veur de hoeëgheid mèt dae scepter veur de kop motte houwe, of mot det allein biej Peter, as veur dae taegekómme? Les 4 waas ouch dudelik: as veur dors höbbe, geit Bacchus beer veur ós haole. Erg henjig! Veur zien beniejd nao de volgende wieze lesse die veur van uch gaon kriege. Windjbuujelinnekes en Windjbuujels, de aafgeloupe weekende höbbe veur mèt zien alle kènne geniete van ’n paar geweldige zittinge, ’t daak ging d’r aaf in de Sjakel. As dit ’n veurbode is veur de res van de Vastelaovend, den geit det zeker good kómme. Veur höbbe in idder geval genaote, gelache, gedans, waal nag effe anoniem… ’n Hoeëgtepunt tösse alle tam-tam en sjaele wazel door, waas de veurdrach van Sjaak Selen as Windjse Windjbuujelhajer. Kiepevel (of, vriej nao Smets: ’n moment mèt ’t gouwe rendje)! Sjaak; prefisiat van ós, doe haes ’t diek verdeend! Inmiddels waert de lies van kollega-veurgengers van dit jaor sjteeds get langer: ouch de Bacchus van dit jubileumjaor is bekènd. Bacchus Stan en gevolg: prefisiat, veur zeen ós volgende waek weer. Veur höbbe d’r zin in óm d’r same mèt uch ’n fieës van te make en veur vinje ’t sjiek det geur mèt die daag beer veur ós gaot haole (drie pils astebleef…)! Veur zoge trouwens in de Facebookreacties op ’t sjtökske van vurrige waek van de aansjtaonde hoeëgheid, det hae in zien opsomming van vastelaovesvierders ein van de veurgengers waas vergaete te neume. Pé en consorte, good det geur ‘m dao op attendeert. Wat ’n ei! Waarsjienlik is dae in ziene kop te väöl bezig mèt jóng vrouwluuj en is d’r de aaj wiever vergaete. Nag ein goeie waek en den geit ’t loos veur ós. Veur zien beniejd wat d’r allemaol veur sjoeëns op ós aaf geit kómme. Veur höbbe d’r zin in. Toet sjnel! de adjudante in opleiding
Sjaak Selen, nieje Windjse Windjbuujelhajer
Oppe Sjterzitting van 28 jannewarie 2017 waerde Sjaak Selen veur zien biejzónjere verdeenste binne en boete de Ruiverse gemeinsjap aangesjteld as Windjse Windjbuujel-hajer. Op ’n later moment in ’t jaor zal Sjaak offisjieel ’t daobiej hurende beeldje van de Windjse Windjbuujel, gemaak door Joep Nicolas van Ronckenstein, en de biejpassende medalie oetgereik kriege.
’t oetkómme al 100x belaef
Hoeëggeieërde Windjbuujels en Windjbuujelinnekes, De vastelaovend laef oppe Ruiver as noeijts teveure?! ’t Is indrukwekkend óm te zeen wie ‘ne Windjbuujel zich inzet veur alle activiteite en evenemente. Of ’t noe de kemissies veur de zittinge zien, de Bacchusklöp, de Windjbuujels, Boerebroelôf, wagebouwers, de prinseraojers, de AJO’s, EPS, joekskepelle, sjminkers, barsjponsoren, gemeintelijke bemeujers of de sjtille genieters. Idderein duit mei! En det, det maak de Ruiver de Ruiver en zoe biezónjer… Vanaovend is ’t Bacchusoetrope en zal Luuk oetgezjweijt waere, ouch ózze huidige hoeëgheid Windjbuujelprins Twiejedoezendzestien is mèt zien letste mooie momente bezig. Ich wil uch biej deze alvas väöl sjterkte winse en ontzettend bedanke veur ’t aafgeloupe jaor. Z’n goeije höbbe veur nog noeits gehad. Prins Niels I en adjudante Max en Rick regere inmiddels al ’t kómmende jubileumjaor ónger ’t motto “Vastelaovend gen zörg”, van herte gefeliciteerd, we zulle elkaar gauw de handj sjödde. In ’t létste sjtuk loos ich de bescheidenheid van mien adjudante, die al ónger ’t synomiem “mantelzörger” ’n bleumpke aafsjloge en dudelik maakte wao ‘ne echte vastelaovesvierder ’t veur duit; naasteleefde! Of eigelik ouch waal ’n good glaas beer en väöl gezelligheid, aevegood vaeg ich mich ’n träönke weg. Dees manne (en gèn jónges Leon Smolenaars) weite in ilk geval wie ’t vastelaovesviere in mekaar sjtik, dao höbbe ze ’t book van Marlou de Roover neet veur nuuëdig. Toch haop ich det geur gesjteund waerd in de rol van manjtelzorger door hoeëgedelgesjtrenge vrouwe Petra Dassen-Housen die ich biej deze nog wil felicitere mèt de verlenging van häöre ambtstermien. Ge höb hiejmei weer väöl miense gerösgesjteld. Óm op de reaksies in te gaon van uch as trouwe laezer kèn ich als ierëste bekènne det we zeker ’n meining höbbe euver de Mansluujzitting. ’t Waas ’n ontzettend sjiek programma wederom en de sfeer waas zoeë good det d’r neet zoe neij mier gekeke waerde nao de jas dae idderein aantrok. Det bringk mich nao Babs Huyben die ‘Häökske 66′ zou reservere. ’n Sjoeën gebaar, maar det häökske bliek d’r gaar neet te zien biej Harry weit ich noe als ervaringsdeskundige. De beste opsie is nummer 366 en dae waar inderdaad vriej, dank hiejveur: Aan Pieter Franssen kèn ich melde det ich de sjmoking neet allein gepas höb, maar zelfs al höb vettig gemaak. Rob Claessen Claessen sjtelde de vraog of we elkaar ware taegegekomme die waek. Om ieërlik te bekènne weit ich det neet mieër, maar det zou zoemaar kènne en wat zjweis doe altied vrunjtelik. En Hans Niessen, ’t sjpiet mich … mèt de verkoup van de Cdees waar ich neet thoes. Haaj maar ’n exemplaar veur mich apart, want de kwaliteit van die euvergebranjde is maar naadje. Mochte d’r verder nog vraoge zien den laeze we die ongetwiefeld en zalle mien adjudante en ich die gaer veur uch beantjwaorde. ’t Kump noe hieël doen biej en ich mót toegaeve det ’t ouch sjteeds sjpannender waert. Ich höb ’t oetkómme al 100x belaef in mien gedachte. Sjteeds guuëf ’t mich kiepevel as ich d’r aan dink. De geheime reis geit nog effe verder, maar ’t begin is in zich! Veuralsnog wins ich uch allemaol huuël väöl plezeer met de kómmende festiviteite. Mèt joeksige vastelaovend groet, Hoeëgheid elect 2017
Insjrieve veur de Kinjeroptoch 2017
Insjrieve veur de Kinjeroptoch 2017 kèn noe via ’t online insjriefformulier. Geur krieg ’n bevestiging van de insjrieving op ’t opgegaeve emailadres. Lök ’t insjrieve neet of krieg geur gèn bevestiging. Laot ’t ós efkes weijte. Sjtuur hieveur ‘ne email nao: r.claessen@ziggo.nl