Insjrieve veur de groeëte optoch kèn noe via ’t online insjriefformulier. Geur krieg ’n bevestiging van de insjrieving op ’t opgegaeve emailadres. Lök ’t insjrieve neet of krieg geur gèn bevestiging. Laot ’t ós efkes weijte. Sjtuur hieveur ‘ne email nao: optoch@windjbuujels.nl
Jubileumprogramma
Download hie ’t Jubileumprogramma van de groeëte tent oppe mert oppe Ruiver.
Veur merke det ’t langzaam dónderbiej kump
Windjbuujelinnekes en Windjbuujels, Hiej weer ein berichtje van de adjudante, of mantjelzorgers, zoeëwiej de burgemeister ós neumde. Ze haet ós zelfs via Facebook ’n bleumke aangebaoje. ’n Leef gebaar, maar veur sjlaon dit waal aaf. Veur wille de gemeinte neet op extra koste jage en zien dus al tevreje as de burgemeister ós tiedes de sjleuteleuverdrach vriejhèlt. Nae, mantjelzorg duisse oet naaste-leefde, en veur helpe mèt alle leefde dae hampeleman door dees zjwaore, drökke fase van zien laeve haer! Veur höbbe vol aafsjuw gekeke nao de foto van de mantjel, dae mevrouw Dassen biej ós veurige sjtökske plaatste. Veur zien waal beniejd wat zie gedaon haet naodet zie deze missjtandj in de mantjelzorg binne häör gemeinte gesignaleerd haet: haet zie dit mèt de mantjel der leefde toegedèk, of dit probleem duchtig aangepak, zoeëwie se moogs verwachte van emes dae biej de gemeinte werk? ’n Aantal angere reacties op Facebook gaon euver ’t ervare niveau van ’t dialek van de nieje. Neet zoeë vraemp: dae sjprik al bienao zien ganse laeve Ruivers. Hans Niesse haet ’t euver de wieëk wao de nieje woeënt. Duit det d’r toe? Of de nieje dus ’n cd gekoch haet biej Hans? Gèn idee… veur höbbe ‘m veur de zekerheid ’n exemplaar gebrandj, den kèn d’r vas oefene. Vief sjieke liedjes veur ’n tieëntje, gèn geld. Maar ja, dae nieje verwach hieël dök de scepter kwiet te waere, dus dae is alvas aan ’t sjpare veur det vaat. Veur merke det ’t langzaam dónderbiej kump: de pakke zien gepas en zitte wie gegaote, de foto’s zien geknip. D’r waert sjteeds mieër geraoje in ós ómgaeving, ze moste èns weite… De ieërste zittinge zien al achter de rögk. Veur hure goeie reaksies euver de Vrouwluuj- en Mansluujzitting van aafgeloupe weekend en kieke oet nao de zittinge van de kómmende waeke! Missjien zeen veur ós dao (oucHh), wae wèt? Veur zeen ós! Messjiens vanaovend? Veur winse in idder geval de nieje Jeugprins(es) en adjudante väöl sukses en hieël väöl plezeer. En Prinses Lynn Bongaerts en adjudante … väöl sjterkte vanaovend. Zoeë, de taak reup: veur motte weer wiejer mèt dae nieje oppe rögk kratse… ’t is bienao ’n bleumke waerd… Adjudante 2017
Van de nieje Hoeëgheid … “Häökske 66”
“Häökske 66” Beste Adjudante, wat bóf ich toch mèt uch! Uch wäörd zien gerössjtellend en ich krieg d’r nag mieër zin in den ich al had. De kriebels jeuke wao ze neet jeuke kènne en kratse haet al gènne zin mieër. ’t Wantroeëwe nao uch waas netuurlik neet terech, zoeë-as de hieër Smolenaars en Franssen al suggereerde, maar as ich de foto van ózze hoeëgedelgesjtrenge vrouwe Dassen zeen den begriepe miense messjien mien zörg. Wellich det geur as adjudante mèt häör in euverlegk kènt traeje óm te bezeen wat geur in dergelikke beniepende situasies kènt doon. En messjien det de gemeinte ’t beleid euver manjtelzörg nag ’n kieër ter diskussie wilt sjtelle deze Vastelaovend. Wat vindj geur dao van? In de reaksie op ’t sjrieve van miene Adjudante loos ich ouch goeije tips euver de scepter. Zoeë sjrief Michel Smeets euver zien eige ervaringe (AUW), ich haop det alles good is gekómme. ’t Is belangrieëk det we as trio van idderein liering trèkke en good loestere nao betrokke Windjbuujels om ’t fieës nag grótter te make. Erg ieërvol óm te laeze is ouch det Babs häökske 66 veur ós vriej wilt haje oppe Mansluujzitting. We zalle d’r den ouch gebroeëk van make as we kòmme. Naeve de jas van ózze huidig zittende Hoeëgheid dae vurrig jaor zelfs ’t lef had om veur ’t oetkómme ’t podium van de Mansluujzitting te betraeje in ’n sjpetterend optraeje mèt de Toddezék. Petje…uhm sjteekje aaf! Op de website van de Windjbuujels loos ich det ’t online prinsesjtumme is gesjlaote. As ich de top 10 laes en men zou ‘ne gok mótte wage is ’t veur de handj liggend om veur ‘ne Roy, ‘ne Joep, ’ne Vleeger of eine dae begint met ’n B te gaon. Hoewel Baerke op ein sjteit höb ich in de wandelgange gehuuërd det dae op Wintersjport ging… Sjoeën wäörd van de nieje Bacchus, ich herkèn vuuël van dien sjrieve. Allein ós trio haet die training óm van de net-neet sixpack aaf te kómme allang gehad. Waem wet sjödde we ós al ierder de handj op de vriedig van ’t Bacchusoetkómme. Eine van ’t trio zal d’r ongetwiefeld effe bie probere te zien. Ich wins dich huuël vuuël plezeer alvas en geneet van elk moment, dat zal ich ouch namelijk gaon doon. ’t Enige det mich nag res te sjrieve in dit sjtök is det ich geniet van deze biezonjere en sjpannende tieëd in dit prachtige dörp. De wäörd van Prins Peter I om in ’t moment te laeve zal ich zeker neet vergaete. ’t Is neet mekkelijk óm z’n sjiek geheim veur dich te kènne haje, zeker neet mèt de miense óm mich haer die nogal gaer Prinsraoje. Gelökkig höb ich mien gezin, mien adjudante en de PeeKaa óm ’t te kènne deile. Ich kèn in ilk geval priesgaeve det ich de Vastelaovend mèt de paplaepel ingegaote höb gekrege oppe Ruiver. Ouch ’t Prinssjap is mich in zekere zin neet vraemp. Móch se as laezer gaer mieër wille weite euver mich of mien adjudante den hoof se det maar te vraoge. Mien adjudante en ich zulle uch vraoge met plezeer beantjwaorde. Proost! Hoeëgheid 2017
De ieërste kater van ’t jaor is gezak
De ierste kater van ut jaor is gezak en Bacchus 2017 kruup oet zien sjulp. As iers wil ich uch allemaol ut beste winse veur ut nieje jaor. As twiede wil ich uch gaer belaove mien bes te doon om ein van dees winse same met uch waor te make; Vastelaovend 2017 make toet un onvergaetelikke editie. De letste waeke van ut jaor zien un goeie training gewaes veur michzelf en mien klup. We hubbe vuul same getraind maar ouch idder veur zich. Getraind om os net-neet sixpacks, veur uch om te zette in forse beervaetjes zoedet we de vastelaovend same met uch vol kenne haaje. Oug al draag ich ut geheim al unne hiele tied met mich met en bun ich langzaam aan ut idee gewend geraak, nog veult ut wie de daag van gistere det mich de vraog waerde gesjteld. Ut waas unne zondig morge in Oktober. Ich kreeg get berichjes van unne naam dae mich neet metein bekend veur kwaam. Naodet ich ut nog uns good gelaeze had dach ich the begriepe wat ich loos. Waas ut un lullig smoesje van de bacchus kemmissie om bie mich thoes langs te komme? Veurdet ich wis wat dr allemaol aan de handj waas sjting d’r al veur de deur. Met razelende henj van sjpanning maakte ich de deur aop en noom ich unne breef aan dae ich nog amper aope gevouwe kreeg. “Wils doe de nieje bacchus waere?” loos ich. Wie d’r einmaol de deur weer oet leep waas ich redelik gekalmeerd. Al had ich zelf ut antwoord nog neet ech oetgesjpraoke, hae wis det dr de Bacchus van 2017 zojuus de handj gesjud had. Aaf en toe kiek ich nog us nao dae breef om mich te herrinere det dit allemaol genne druim is, maar wie donder bie ut kump wie echter det ut waert. Zeker nao ut laeze van de ierste woorde van ut prinselik trio. Ich ken neet wachte om uch de handj te sjudde en un pilske aan te reike op ut prinsebal. Noe is ut precies drie waeke toet ich mien geheim met de wereld ken deile en ich begin ut opnie sjpannend te vinje. Wat zal dit unne prachtige vastelaovend waere. Bacchus van oppe Ruiver en asof det nog neet ier genog is, onnog us in ut 66 jaorig jubileumjaor van de Windjbuujels. Maar zal ich ut waor kenne make? Ut is natuurlik un fantastich gesjink, maar oug un zjwaore taak. Gelukkig sjtaon ich dr neet allein veur en hub ich un goeie klup om mich haer wao ich op ken bouwe. Vastelaovend 2017, ich hub dr zin in. Ich wins uch allemaol unne fijne aovend en den zeen veur os gauw. Groete, Bacchus 2017 Oppe Ruiver
Literaire aovend ‘Carnaval & literatuur’
Op dónderdag 26 jannewarie vinjt er, in samewerking mèt de bibliotheek Beesel-Reuver, ‘ne literaire aovend mèt ’t thema Carnaval en Literatuur plaats. In Brasserie Bösdael (Meester Bosmanshof 107, 5953 DN Reuver) zien vanaf 20.00 oer te gas: Jan van Mersbergen, auteur van ’t book Naar de overkant van de nacht, Ad van Iterson auteur van de bäök Drie dagen en drie nachten: Carnaval in Maastricht en Observant Bassin Statie Calvarie en de veer hieëre achter Marlou de Roover van de jubileum roman Vooruit, Achteruit, een voortdurend feest Moderator is Guus Urlings, versjlaaggaever Cultuur en Limburgensia van DagbladDe Limburger. In ’t kort Donderdag 26 januari 20.00 uur Brasserie Bösdael, Meester Bosmanshof 107, 5953 DN Reuver Toegang is gratis
Adjudante 2017 laote van zich huuëre
Beste nieje Hoeëgheid, Geur sjloot uch ieërste sjtökske aaf mèt get vraoge veur ós, uch adjudante. Geur haajt get vraoge euver wie veur mèt die daag mèt de verantwoordelikheid euver uch gerei óm zólle gaon. Nou, hiej ’t antjwaord van die “waanzinnige adjudante”, die “fantastische jónges die de sjpraekwaordellikke kers oppe Vastelaovend gaon zètte”, zoeë wie geur zelf in uch sjtökske sjreef. Dèh, noe höb geur al geliek antjwaord op uch eige vraog, wao veur die vaere mótte laote: gewuuen aan ’t inj van iddere aovend truuk wao det geur ze gestaoke höb. Dae mantjel is volges ós auch neet zoeë lastig: dae hange veur gewuuën op in de garderobe, wao iddere Vastelaovesvierder ziene jas ophingk, want veur zien zoeë lekker gewuuën gebleve (geur toch ouch, of verangert det asse inmiddels al 6 waeke mèt ’n Prinsemöts oppe kop iddere aovend door dien kieët löps?). Trouwens @Karin, @Harry en @consorte: kènne veur garderobe-häökske 66 neet alvas reservere? En dae scepter? Geur sjrief det veur dae van de Prinsekemmissie in de gate mótte haje. Vindj geur det zelf ’n hygiënisch idee? Veur zeen det in idder geval neet zoeë zitte. Is ’t neet zoeë det as dae scepter einmaol gejat is, de raod van èllef dao ouch de res van die daag veur zörgt? ‘T kós dich eine kieër ’n vaat, maar den bösse ouch drie daag van alle zeiver aaf! Geur zeet: veur höbbe aan alles gedach, dus gèn paniek, alles kump good! Nieks sjteit uch mieër in de waeg óm d’r euver ’n paar waeke ‘nne geweldige tied van te make same mèt ós en de res van de Ruiver! Veur zien d’r klaor veur, bienao… Veur zeen ós! De adjudante 2017.
Magazine 2017
Bekiek ós digitale magazine op http://magazine.windjbuujels.nl
Insjriefformulier groeëte optoch 2017
Ieërste berich van de nieje Hoeëgheid
Prins Peter I zaet ’t good. “de melancholie van kerstmis, de nieje sjrief zien welkomswoord, ich mien dankwoord… en wie idder jaor wuurd d’r alwaer ’n kiendje gebaore.. kerstmis en vastelaovend… een voortdurend feest.” Laes noe ’t ieërste berich van de nieje.